Ադրբեջանցուն ու թուրքին տապալել է՝ առանց շանսերի. Կամո Ունանյանը դարձավ աշխարհի չեմպիոն

Սպորտային կարատեի աշխարհի եւ Եվրոպայի չեմպիոն, Հայաստանի կարատեի միության հիմնադիր ԿԱՄՈ ՈՒՆԱՆՅԱՆՆ, ինչպես խոստացել էր, Պարդուբիցեից վերադառնում է ոսկե մեդալով:

Չեխիայի Պարդուբիցե քաղաքում սեպտեմբերի 9-11-ը կայացել է WSF վարկածով աշխարհի առաջնությունը, որին մասնակցության հայտ էր ներկայացրել մոտ 67 երկիր: Հայաստանն այս առաջնությունում ներկայացրել է Կամո Ունանյանը:

«Իմ քաշային կարգում (-75 կգ) մենամարտել եմ Մարոկոն, Ռումինիան, Հունգարիան, Չեխիան ներկայացնող մարզիկների դեմ, իսկ ադրբեջանցուն ու թուրքին տապալել եմ՝ առանց շանսերի: Ինչպես խոստացել էի՝ ամեն ինչ արել եմ, որպեսզի մեր դրոշը բարձր պահեմ ու այնպես հաղթեմ թուրքին ու ադրբեջանցուն, որ ուզենան ավարտեն իրենց սպորտային կարիերան», - ուրախությամբ նշեց կրկին աշխարհի չեմպիոն դարձած Ունանյանը:

Հիշեցնենք, որ մինչեւ առաջնության մեկնարկը Կամո Ունանյանն ուներ ոտքի վնասվածք, բայց սա նրան չխանգարեց, որպեսզի 4 տարի անց կրկին նվաճի աշխարհի չեմպիոնի տիտղոսը: Նախորդ անգամ 2018 թվականին Ստամբուլում կայացած WSF վարկածով աշխարհի առաջնությանն ժամանակ էր, որ 1/4 եզրափակչում Կամո Ունանյանը կրկին հաղթեց ադրբեջանցի մարզիկին՝ դառնալով աշխարհի չեմպիոն:

ՀՐԱՆՏ ՍԱՐԱՖՅԱՆ

Այս թեմայով Աղոթք՝ Ծիծեռնակաբերդի հուշահամալիրում Պետք է փակել թշնամու ճանապարհը, խնդրում եմ՝ ոտքի՜ կանգնեք. տավուշեցու կոչը «Ժողովրդավարության բաստիոնում» տեղի ունեցածը հավերժ գրանցվելու է, որպես խայտառակությունն. Ալլա Հակոբյան Սրանք պայթեցնում են մեր պատմությունը. Ալլա Հակոբյան Կարծես գժանոցի утренний обход-ի сводка լինի. Ալլա Հակոբյան