Որոշումը, որ հենց այսօր պետք է նշել Գյումրու օրն, ինձ համար չափազանց վիրավորական է. Մութաֆյան
Ներքաղաքական«Իհարկե, Գյումրին իմ հայրենի քաղաքն է, Գյումրու հետ են կապված իմ ամենալուսավոր հիշողությունները, բայց Գյումրու իշխանությունների որոշումը, որ հենց այսօր պետք է նշել Գյումրու օրը, ինձ համար չափազանց վիրավորական է։
Ես չեմ հիշում նման տարի, որ քաղաքի օրը նշվեր ուրբաթ օրը։ Իմ խորին համոզմամբ` սա ոչ թե ուղղակի քաղաքի հերթական տոնն է, այլ եւս մեկ գործիք ապազգային իշխանության համար Արցախը մոռացության մատնելու գործում։
Մի՞թե Գյումրին ու գյումրեցին այդքան կտրվել է հայից ու Հայաստանից, որ ցանկացած ապազգային գործողություն պետք է սկսվի հենց այդ քաղաքից», - գրել է «Խեղափոխություն» նախագծի հեղինակ ՆԱՐԵԿ ՄՈՒԹԱՖՅԱՆԸ եւ, որպես հետգրություն, հավելել. «Գյումրեցիներս սիրում ենք հպարտանալ մեր պատմությամբ ու, ցավոք սրտի, այսօր Գյումրիում ապրողները մոռացել են, որ հայոց պատմության ամենադժվար ժամանակներում հենց Կումայրին է եղել բռնակալների դեմ սանձազերծված ապստամբությունների կենտրոնը»։