Հայը հային սկսեց ատել ու Աստված երես թեքեց մեզնից. Ալինա Մարտիրոսյան
Մշակութային«Ատելության մթնոլորտն այլեւս անտանելի է… Կարոտում եմ այն Հայաստանը, երբ մութ ու ցուրտ էր, սահմաններում թշմանու ականները պայթում էին հենց մարդկանց տներում, բայց օդում մաքրություն կար, սեր, անկոտրում ոգով հայն էր կանգնած: Կարեկցանք կար մեկը մյուսի հանդեպ, մեկի ցավը բոլորինն էր, բոլորի ցավը՝ մեկինը: Հայը միաբան էր, հայերը սիրում էին իրար… Այսօր էլ է թշնամին մեր սահմաններում կրակում, բայց մենք այլեւս միաբան չենք: Օդում չարություն է, ատելություն, անեծք… հայը հային սկսեց ատել ու Աստված երես թեքեց մեզնից: Ուստի՝ խնդրում եմ կաթողիկոսին հնչեցնել բոլոր եկեղեցիների զանգերը. թող այն տարածվի Հայաստանով մեկ ու մաքրի վատ էներգիան: Մթնոլորտը մաքրվի ու վերջապես մեր ձայնը լսելի դառնա առ Աստված ու մեր հոգիները լցվեն բարությամբ ու սիրով: Թող Աստծո օրհնությունը տարածվի Հայաստան աշխարհով, նորից սիրով ու հոգատարությամբ լցվենք մեկս մյուսի հանդեպ, սիրենք իրար, բռունցքվենք... Մեր հաղթանակը հենց այդ սիրո բռունցքի մեջ է», - գրել է դերասանուհի ԱԼԻՆԱ ՄԱՐՏԻՐՈՍՅԱՆԸ: