Ճապոնիայում դելֆինը կծել է երկու լողորդի

Ճապոնիայի լողափերից մեկում դելֆինը կծել է եւս երկու լողորդի։ Առնվազն մեկ մարդ տեղափոխվել է հիվանդանոց, հայտնում են տեղական ԶԼՄ-ները։
Ճապոնացի պաշտոնյաները կարծում են, որ նույն դելֆինը պատասխանատու է այս ամառ առնվազն վեց համանման հարձակումների համար, փոխանցում է BBC-ն։

Չնայած դելֆինները սովորաբար ագրեսիվ չեն մարդկան

ց նկատմամբ՝ լողորդների հանդեպ թշնամանքը հազվադեպ չէ:

Երկու միջադեպերն էլ տեղի են ունեցել Կոշինո լողափում, որը լողորդների եւ դելֆինների համար հայտնի վայր է Ճապոնիայի արեւմտյան Ֆուկուի քաղաքի մոտ:
Պաշտոնյաները լողափի երկայնքով ուլտրաձայնային հաղորդիչներ են տեղադրել՝ հուսալով, որ դրանց բարձր ձայնը կվախեցնի դելֆիններին:

Ներկայումս պարզ չէ, թե դելֆինի ինչ տեսակ է մասնակցել հարձակմանը:

Տեղական ԶԼՄ-ների տեղեկությունների համաձայն՝ այդ տարածքում գտնվող դելֆինները սովոր են շփվել մարդկանց հետ եւ նկատվել են լողափի շատ ծանծաղ հատվածներում։

Ամբողջ աշխարհում դելֆինների հարձակումները հազվադեպ են, բայց՝ ոչ անսովոր:

https://news.am/arm/news/715809.html