Բոլորը խոսում են իմ անհավանական վարկանիշի մասին. Արեստովիչը ցանկանում է Ուկրաինայի նախագահ դառնալ
ՄիջազգայինՈւկրաինայի նախագահի գրասենյակի ղեկավարի խորհրդական Ալեքսեյ Արեստովիչը հայտարարել է, որ կառաջադրվի պետության ղեկավարի պաշտոնի համար, եթե Ուկրաինայի գործող նախագահ Վլադիմիր Զելենսկին հրաժարվի երկրորդ ժամկետով առաջադրվելուց։
«Բոլորը խոսում են իմ անհավանական վարկանիշի մասին, իմ վարկանիշը հիմա նախագահի վարկանիշ է, ես ինձ չեմ տարանջատում նախագահից… Եթե նա առաջադրվի երկրորդ ժամկետով, ես, իհարկե, չեմ խանգարի նրան։ Սա տեխնիկապես անհնար է»,- մեջբերում է նրա խոսքը ուկրաինական «Ստրանա»-ն։
2021 թվականի սեպտեմբերին Զելենսկին մեկնաբանել էր իր հնարավոր մասնակցությունը Ուկրաինայի նոր նախագահական ընտրություններին։ Նրա խոսքով՝ ավելի լավ է իր բոլոր գործերը մեկ ժամկետում իրականացնել, իսկ հետո հեռանալ: