Գիտնականները Լուսնի վրա քարանձավ են հայտնաբերել Մոսկվան մնում է Երևանի ամենախոշոր առևտրային գործընկերը. ՀՀ-ում ՌԴ առևտրային ներկայացուցիչ Մասկը ամսական 45 մլն դոլար կհատկացնի Թրամփի վերընտրմանն աջակցող հանձնաժողովին Հայտնի է Օլիմպիական խաղերում Հայաստանի դրոշակակիրը Բռնություն կիրառած ոչ մի ոստիկանի մեղադրանք չի առաջադրվել․ Ռուբեն Մելիքյան Ստեփանակերտի քաղաքապետն ազատության մեջ է Բայդենը հայտարարել է, որ պատրաստ է Թրամփի հետ հերթական բանավեճին Դադարեցնում եմ Երևանի մետրոպոլիտենի մամուլի քարտուղարի պարտականությունների կատարումը․ մետրոպոլիտենի հետ կապված 2 երազանք ունեմ․ Տաթև Խաչատրյան Հայաստանը գլխացավ է դառնալու Եվրոպայի համար․ Թաթուլ Մանասերյան Մետրոյում ժետոններ այլևս չեն լինի

«Սլավյանսկի բազար»-ում հայերի համար սառույցը կոտրվեց

Մշակութային

«Սլավյանսկի բազար 2022» միջազգային երաժշտական մրցույթ-փառատոնից Հայաստանի պատվիրակությունը վերադարձել է մրցանակներով: Մրցույթի մանկական կատարողների կազմում Հայաստանը ներկայացրել է 12-ամյա Կարինա Սահակյանը, որն արժանացել է մրցույթի կազմկոմիտեի հատուկ մրցանակին: Իսկ երիտասարդ կատարողների կազմում հանդես է եկել 18-ամյա Մարիա Խանդանյանը՝ զբաղեցնելով երրորդ հորիզոնականը:

«ՄՐՑՈՒՅԹԸ ՇԱՏ ԹԵԺ ԱՆՑԱՎ, ՔԱՆԻ ՈՐ ԿԱՅԻՆ ՇԱՏ ՀԶՈՐ ՁԱՅՆԵՐ»

«Իրավունքի» հետ զրույցում մրցույթի երիտասարդ կատարողների կազմում Հայաստանի պատվիրակ ՄԱՐԻԱ ԽԱՆԴԱՆՅԱՆՆ ասաց, որ մեծ պատասխանատվությամբ է պատրաստվել իր ելույթին, քանի որ ներկայացնում էր մեր երկիրը: Վստահեցնում է՝ լավագույնս ցույց է տվել իր ներուժն ու բարձր պահել Հայաստանի պատիվը:

— Մարիա, ի՞նչ տպավորություններով եք վերադարձել մրցույթից, եւ ի՞նչ տվեց այն Ձեզ՝ բացի 3-րդ մրցանակային տեղը զբաղեցնելուց:

Մրցույթը շատ թեժ անցավ, քանի որ կային շատ հզոր ձայներ, եւ մրցակցությունը մեծ էր: «Սլավյանսկի բազար 2022»-ն ինձ մեծ հնարավորություններ տվեց էլ ավելի վստահ դառնալ ինքս իմ ուժերի հանդեպ: Այն նախեւառաջ մեծ փորձ էր ինձ համար: Ինձ թվում է՝ արդեն Հայաստանում, երբ փորձեմ ինչ-որ քայլեր անել իմ կարիերայի մեջ, ավելի վստահ կանեմ: Եվ բացի այդ, մրցույթն ինձ տվեց շատ լավ ընկերներ: Մրցույթի մասնակիցները ոչ միայն շատ գեղեցիկ ձայն ունեին, այլ նաեւ նույնքան բարի էին: Մենք այնքան էինք մտերմացել, որ արդեն կարոտում եմ բոլորին: Ամենավերջինը մենք վերադարձանք մրցույթից, եւ յուրաքանչյուրին ճանապարհելիս մեծ հուզմունք կար: Հուսամ՝ կկարողանանք նորից տեսնվել: Ցանկանում եմ շնորհակալությունս հայտնել Վրեժ Կիրակոսյանին, Գայանե Հովհաննիսյանին եւ Լուսինե Կչոզյանին, որ այդ 10 օրվա ընթացքում եղել են իմ կողքին ամեն օր, ամեն վայրկյան, ինձ քաջալերել են, վստահություն ներշնչել՝ թե՛ մասնագիտական առումով, թե՛ հոգեպես: Հենց նրանց դրական էներգիայի շնորհիվ կարողացա պատվով ներկայացնել Հայաստանը եւ պատվով էլ վերադառնալ:

— Դուք կատարեցիք ՌԴ ժողովրդական արտիստ Լարիսա Դոլինայի հայտնի երգը, ընդ որում՝ հենց նա էր մրցույթի ժյուրիի նախագահը: Այս առումով երգի ընտրությունը ռիսկային չէ՞ր:

— Ինձ մրցույթի ընթացքում էլ շատերն այդ հարցը տալիս էին, թե չե՞ս վախենում, որ հենց Լարիսա Դոլինայի ներկայությամբ իր երգն ես կատարելու: Իհարկե, մի փոքր լարվածություն կար: Իրականում, երբ որոշեցինք, որ այդ երգը պետք է կատարեմ, չգիտեինք, որ Լարիսա Դոլինան լինելու է ժյուրիի նախագահը: Թեպետ, երբ իմացանք, որ նա է լինելու, ինձ մոտ որեւէ անհանգստություն չառաջացավ, որովհետեւ ես այդ երգը կատարում եմ իմ տարբերակով, իմ ձեւով, ինչպես ինքս եմ զգում: Կարծում եմ՝ նորմալ է, երբ տարբեր մարդիկ տարբեր կերպ են կատարում, չէ՞ որ մրցույթի ժամանակ հենց ի ցույց է դրվում կատարողական արվեստը, որպեսզի նույնի կրկնություն չլինի:

ԼԱՐԻՍԱ ԴՈԼԻՆԱՆ ԳՈՀ  Է  ՄՆԱՑԵԼ ՄԱՐԻԱ ԽԱՆԴԱՆՅԱՆԻ ԿԱՏԱՐՈՒՄԻՑ

— Իսկ ինչպիսի՞ն էին արձագանքներն՝ արդեն կատարումից հետո: Ի՞նչ է ասել հենց ժյուրիի նախագահը՝ Լարիսա Դոլինան:

— Նա ասաց, որ շատ լավ է, որ իմ տարբերակով եմ կատարել երգը: Լարիսա Դոլինան շատ գոհ էր, որ 19-ամյա աղջիկն այդպես մատուցեց իր երգը: Ելույթիցս տպավորված՝ ինձ տարբեր երկրներից առաջարկներ արեցին մասնակցել ուրիշ մրցույթների: Հենց սկզբից ինքս իմ առաջ խնդիր էի դրել, որ ինչ էլ լինի, պետք է լավ ելույթ ունենամ, ու կապ չունի, թե ինչ մրցանակ կստանայի կամ կստանայի, թե՝ ոչ: Առաջնահերթ էր ինձ համար այն, որ լավ տպավորություն թողնեմ եւ կարծում եմ՝ ինձ մոտ ստացվել է: Իհարկե, ուրախ եմ նաեւ, որ մրցանակով վերադարձա իմ երկիր, բայց ինձ համար շատ կարեւոր էր նաեւ այն, որ մարդիկ ինձ սկսել են սիրել, գնահատել:

— Ի դեպ, Դուք երգեցիք ռուսական մեծ սիմֆոնիկի նվագակցությամբ: Ի՞նչ կասեք այս մասին:

— Հաճելիորեն զարմացած եւ հիացած էի, քանի որ ռուսական նվագախումբն ինձ ուժ էր տալիս: Այնքա՛ն գեղեցիկ էր ամեն ինչ: Ուզում եմ շնորհակալություն հայտնել նվագախմբի գլխավոր դիրիժորին՝ Վիտալի Կուլբակովին՝ իր պրոֆեսիոնալ մոտեցման համար:

— Նման մասշտաբի մրցույթի մասնակցության Ձեր առաջի՞ն փորձն էր «Սլավյանսկի բազար»-ը:

Հայաստանում շատ մրցույթների եմ մասնակցել եւ բազմաթիվ մրցանակների արժանացել: Իսկ արտերկրում՝ Վիտեբսկում, մասնակցել եմ «Արտ պարադ» մրցույթին եւ արժանացել իմ տարիքային խմբում առաջին կարգի մրցանակի: Պետք է խոստովանեմ, որ մասնակցածս մրցույթներից հենց «Սլավյանսկի բազար»-ն էր, որ ինձ տվեց ամենամեծ փորձը:

«ՍԼԱՎՅԱՆՍԿԻ ԲԱԶԱՐ»-ՈՒՄ ՀԱՅԱՍՏԱՆԸ ՎԵՐՋԻՆ ԱՆԳԱՄ 10 ՏԱՐԻ ԱՌԱՋ Է ՀԱՋՈՂՈՒԹՅՈՒՆ ԳՐԱՆՑԵԼ

Ի դեպ, «Սլավյանսկի բազար 2022»-ի հայաստանյան պատվիրակության ղեկավար ՎՐԵԺ ԿԻՐԱԿՈՍՅԱՆԸ եւս «Իրավունքի» հետ զրույցում ընդգծեց, որ գոհ է մրցույթում մեր մասնակիցների գրանցած արդյունքներից:

— Պարոն Կիրակոսյան, ինչպե՞ս կգնահատեք մրցույթի ժամանակ Հայաստանը ներկայացնող Կարինա Սահակյանի եւ Մարիա Խանդանյանի ելույթները:

— Մանկական կատարողների կազմում Կարինան արել է առավելագույնը, եւ ես գոհ եմ նրա ելույթներից:  Ժյուրիի անդամներն ընդգծում էին, որ Կարինան ամենաերաժշտական մասնակիցն է, քանի որ ե՛ւ պարում է, ե՛ւ՝ երգում: Նա արժանացավ մրցույթի կազմկոմիտեի հատուկ մրցանակին, ինչը հազվադեպ է պատահում մանկական մրցույթում: Ինչ վերաբերվում է Մարիա Խանդանյանին, ասեմ, որ վերջին անգամ երիտասարդ կատարողների կազմում տասը տարի առաջ է Հայաստանը հաջողություն գրանցել: Տարիներ շարունակ փայլուն կատարումներով ներկայացել են տաղանդավոր մասնակիցներ, բայց միայն այս տարի է սառույցը կոտրվել:  Մարիայի ելույթները փայլուն եմ գնահատում: Այն, ինչ Մարիան արեց այդ տարիքում, բարձր գնահատականի է արժանի: Մարիան մեծ ապագա ունեցող երգչուհի է, եւ մենք դեռ շատ ենք հպարտանալու նրանով: Ասեմ, որ նա սովորել է Երեւանի Շառլ Ազնավուրի անվան մշակույթի եւ արվեստի պետական քոլեջում:

— Ի՞նչ կարելի է սպասել գալիք տարիներին «Սլավյանսկի բազարի» մեծ բեմից:

— Շատ եմ ցանկանում, որ հաջորդ տարի մրցույթի շրջանակում Հայաստանի մշակույթի օրեր անցկացվեն, եւ Հայաստանը հնարավորություն ունենա ներկայանալու ոչ միայն երգարվեստով, այլեւ մշակութային լայն գունապնակով:

Ի ԴԵՊ

Բելառուսական կառավարության հովանու ներքո Վիտեբսկ քաղաքում 1992 թ.-ից սկսած անցկացվող «Սլավյանսկի բազար» մրցույթում ամենից շատ` շուրջ 5 անգամ հաղթել է Ուկրաինան, 4 անգամ` Բելառուսը: Տարբեր տարիներին մրցույթում Հայաստանը ներկայացրել են այսօր հայտնի այնպիսի երգիչ-երգչուհիներ, ինչպիսիք են Վարդուհի Վարդանյանը, Վրեժ Կիրակոսյանը, Անահիտ Շահբազյանը, Լիլուն, Մոնիկա Մանուչարովան, Գրիգոր Կյոկչյանը, Սերգեյ Գրիգորյանը եւ այլք: Նշենք նաեւ, որ այս տարի Հայաստանը մրցույթում ներկայացնողներ Կարինա Սահակյանը եւ Մարիա Խանդանյանը մասնակցել են նաեւ «Ուժեղ Հայաստան Ռուսաստանի հետ. հանուն նոր Միության» շարժման կազմակերպած «Ղրիմի օրերը Հայաստանում» միջոցառումների տոնական համերգին:

ՎԵՐՋԻՆ 5 ՏԱՐՈՒՄ ԻՆՉ ՀԱՋՈՂՈՒԹՅՈՒՆՆԵՐ Է ԳՐԱՆՑԵԼ ՀԱՅԱՍՏԱՆԸ «ՍԼԱՎՅԱՆՍԿԻ ԲԱԶԱՐ»-ՈՒՄ

Մանկական կատարողներ

Լաուրա Հայրապետյանը, 2008 թվականին մասնակցելով «Սլավյանսկի բազար» մրցույթին, հաղթանակ է բերել Հայաստանին:

2017 թվականին Էրիկ Մկրտչյանն արժանացել է 1-ին մրցանակի

2018 թվականին Աննա Մկրտչյանը բերել է 1-ին մրցանակ

2019 թվականին Անժելա Ալբերտյանը եւս 1-ին մրցանակի է արժանացել

2020 թվականին Նարեկ Մարկոսյանը դարձել է մրցույթի դափնեկիր

2021 թվականին Կառլեն Մարգարյանը նույնպես մրցույթի դափնեկիրն էր

2022 թվականին Կարինա Սահակյանը ժյուրիի հատուկ մրցանակակիրն էր

Երիտասարդ կատարողներ

2018 թվականին Վալոդյա Աթանեսյանը դարձել է մրցույթի դափնեկիր

2019 թվականին Մոնիկա Մանուչարովան եւս մրցույթի դափնեկիրն էր

2020 թվականին Հարություն Խաչատրյանը դարձել է մրցույթի դափնեկիր

Մեկ տարի մեծերից մասնակից չենք ունեցել, իսկ 2022-ին` Մարիա Խանդանյանը բերեց 3-րդ մրցանակը:

Նյութը պատրաստեց ՀՐԱՆՏ ՍԱՐԱՖՅԱՆԸ



Գիտնականները Լուսնի վրա քարանձավ են հայտնաբերելՄոսկվան մնում է Երևանի ամենախոշոր առևտրային գործընկերը. ՀՀ-ում ՌԴ առևտրային ներկայացուցիչՌոնալդուի xG-ն ամենացածրն է եղել Եվրո-2024-ումՄասկը ամսական 45 մլն դոլար կհատկացնի Թրամփի վերընտրմանն աջակցող հանձնաժողովինՀայտնի է Օլիմպիական խաղերում Հայաստանի դրոշակակիրըԲռնություն կիրառած ոչ մի ոստիկանի մեղադրանք չի առաջադրվել․ Ռուբեն ՄելիքյանՍտեփանակերտի քաղաքապետն ազատության մեջ էԲայդենը հայտարարել է, որ պատրաստ է Թրամփի հետ հերթական բանավեճինԴադարեցնում եմ Երևանի մետրոպոլիտենի մամուլի քարտուղարի պարտականությունների կատարումը․ մետրոպոլիտենի հետ կապված 2 երազանք ունեմ․ Տաթև ԽաչատրյանՀայաստանը գլխացավ է դառնալու Եվրոպայի համար․ Թաթուլ ՄանասերյանՄետրոյում ժետոններ այլևս չեն լինիՈւՂԻՂ. Մամիկոն Ասլանյանը ազատ է արձակվում 2,7 տարվա կալանքից հետոՍուրեն Պապիկյանը հետևել է ատեստավորման գործընթացին, հանձնարարել ավելացնել կրակային պարապմունքներըՄամիկոն Ասլանյանն ազատ արձակվեց Վարդաշեն ՔԿՀ-իցՊերեսն ինձ հավատում էր առաջին օրից. Մբապեի առաջին մեկնաբանությունը ԱՄՆ պետքարտուղարի խոսնակ Մեթյու Միլլերը խոսել է Հայաստանի նոր զիջումների մասինՍկանդալ. Ռաիսիի մահն օգտագործելով թուրքական անօդաչուն Իրանում հետախուզական նկարահանումներ է արելՈւՂԻՂ. Մամիկոն Ասլանյանը ազատ է արձակվում 2,7 տարվա կալանքից հետոՈվ է «Ոսկե գնդակի» գլխավոր հավակնորդը. Վինիսիուսի շանսերը նվազել ենՕրբանը ԵՄ առաջնորդներին ուղարկել է իր՝ ռուս-ուկրաինական «խաղաղության ծրագիրը» Ի՞նչ, Խորենացին այս մարդկանց չափ խելք չունե՞ր, երբ գրում էր «Հայոց պատմությունը». Գուրգեն ՄելիքյանՏավուշի մարզպետը փորձում է կեղտոտ ջրից մաքուր դուրս գալ. Ազգային ճակատԲոլոր դատավորները, ովքեր իշխանությանը կծառայեն, թող հիշեն Դանիբեկյանի օրինակը. Վահան Հովհաննիսյան«Տավուշը հանուն հայրենիքի» շարժումը սեպտեմբերի սկզբին կակտիվանաՀ Ր Ա Վ Ե Ր Օրբանի «խաղաղության առաքելության» պատճառով՝ ԵՄ-ն մտադիր է բոյկոտել Հունգարիայի գագաթնաժողովը. PoliticoՕրվա խորհուրդ. հուլիսի 16Ադրբեջանցի սահմանապահներն արդեն Կիրանցի տարածքում են. Sputnik ԱրմենիաԲայդենը հայտնել է, որ չի հրաժարվի Թրամփի հետ նոր բանավեճերից սեպտեմբերինԱնկախ բոլոր մարտահրավերներից, Հայաստանը հավատարիմ մնաց կայուն զարգացման նպատակների խոստմանըԵրևանի կենտրոնում բացվել է Յունիբանկի  «Բայրոն» մասնաճյուղըԽուզարկել են Անի Խաչատրյանի մեքենանՌուբեն Ռուբինյանի գլխավորությամբ պատվիրկություն կմեկնի ԹբիլիսիԲԴԽ-ն դադարեցրեց Ռոբերտ Քոչարյանի գործը քննած դատավոր Աննա Դանիբեկյանի լիազորություններըՀնարավոր են աննշան դրամական մուտքեր. հուլիսի 16-ի աստղագուշակՀուլիսի 16-ի ներկայացված տարադրամի փոխարժեքներն են. Ռուբլին էժանացել էԻ՞նչ եղանակ է սպասվում առաջիկա օրերինՀնարավոր է կարճատև անձրև և ամպրոպՈՒՇԱԴՐՈՒԹՅՈՒՆ. Այս գիշեր հրաշագործ գիշեր էԷս փոփոխությանը երկար եմ սպասել. Ռոմելա ՍարգսյանԱննա Դանիբեկյանի լիազորությունները դադարեցվեցինԵրևանի բազմաթիվ հասցեներում նորից ջուր չի լինիՓաշինյանին հարց տված երիտասարդի անհետացման հետքերով․ «Հրապարակ»Իսպանացիները տոնում իրենց թիմի հաղթանակը Եվրո-2024-ում. հավաքականը ժամանել է Մադրիդ (Տեսանյութ)Լույս չի լինելու«Հրապարակ». Նիկոլ Փաշինյանին հաջողվել է Ալիեւին համոզել«Փաստ». «Ահա այսպիսի չնաշխարհիկ պադավատապետություն»«Ժողովուրդ». Քաղաքական իշխանությունը ՀՀ ԲԴԽ գիտնական անդամի իր սրտի թեկնածուին ընտրել չի կարողանումԵՄ-ում Թրամփի կողմից փոխնախագահի պաշտոնում Վենսի առաջադրումն անվանել են աղետ Ուկրաինայի համար. PoliticoԱդրբեջանական տարբերանշանով բեռնատարը Բագրատաշեն-Իջևան ճանապարհին
Հետևե՛ք -ին Youtube-ում`
Ամենադիտված
Ереван погода