Ֆագոտի և դաշնամուրի հնչյուններով կբացվի «Սիմֆոնիկ Երևան» փառատոնը

 Օգոստոսի 12-ին «Առնո Բաբաջանյան» համերգասրահում կայանալիք ինքնատիպ կամերային համերգով կմեկնարկի «Սիմֆոնիկ Երևան» միջազգային երաժշտական փառատոնը։ Երաժշտասերների համար ելույթ կունենան ֆագոտահար Նիկոլայ Պողոսյանը և դաշնակահար Անահիտ Դիլբարյանը։ Հայաստանի պետական սիմֆոնիկ նվագախմբից Panorama.am-ին հայտնեցին, որ համերգային ծրագրում կհնչեն Ալեքսանդր Թանսմանի, Պաուլ Հինդեմիթի, Հենրի Դյուտիյոյի, Անտոնիո Տոռիանիի՝ ֆագոտի և դաշնամուրի համար գրված ստեղծագործությունները, ինչպես նաև Կլոդ Դեբյուսիի Դաշնամուրի պրելյուդները։ Ֆագոտահար Նիկոլայ Պողոսյանը նշում է, որ «Սիմֆոնիկ Երևան» փառատոնին մասնակցելը մեծ իրադարձություն է, իսկ բացման պատիվն ավելի է պարտավորեցնում, և աշխատում են ամեն ինչ անել՝ հաճելի երեկո պարգևելու համար։ Երաժիշտն ասում է, որ տարբեր ժամանակաշրջաններում բազմաթիվ գործեր են գրվել ֆագոտի և դաշնամուրի համար։ Երեկոյի ընթացքում իրենք կներկայացնեն 20-րդ դարի ֆրանսիացի, լեհ, գերմանացի և իտալացի հեղինակների գործերը։ Նիկոլայ Պողոսյանը նշում է, որ որոշ գործեր Հայաստանում նախկինում կատարվել են նաև իր կողմից, սակայն Տոռիանիի Դիվերտիսմենտը, որ գրված է «Լյուչիա դի Լամերմուր» օպերայի թեմաներով ֆագոտի և դաշնամուրի համար, Հայաստանում հնչելու է առաջին անգամ։ Երաժիշտը տեղեկացնում է նաև, որ դաշնակահար Անահիտ Դիլբարյանն այս ձևաչափով համագործակցում են առաջին անգամ։ «Սիմֆոնիկ Երևանը» դասական երաժշտության սիրահարներին կներկայանա 14 համերգներով։ 14 օրերի ընթացքում կհնչի հարուստ երկացանկ՝ հայտնի երաժիշտների կատարմամբ։ Փառատոնի ռեզիդենտ կոմպոզիտորն է Ալեքսեյ Շորը։ «Սիմֆոնիկ Երևան» միջազգային երաժշտական փառատոնը կազմակերպվել են Հայաստանի պետական սիմֆոնիկ նվագախումբը և Մշակույթի աջակցման եվրոպական հիմնադրամը (EUFSC, նախագահ՝ Կոնստանտին Իշխանով, փառատոնի անցկացմանն աջակցում է Երևանի քաղաքապետարանը։

Այս թեմայով Քոչարյան Անդրանիկը գյումրեցիների մոտ մինչեւ այսօր հիշվում է «Հրեշ Անդո» մականունով. Պողոսյան Ինչու գործի դրվեց «150 դրամ» օպերացիան Ալեքսին՝ Ալեքսանդր Թամանյանին` Շուրիկին՝ մահապարտների գաղտնի X ջոկատի հրամանատարին. Ալլա Հակոբյան ՀՀ եւ ԱՀ իշխանությունները դեռ ամիսներ առաջ տեղյակ էին Ադրբեջանի նախապատրաստվող ագրեսիայի մասին, բայց ոչինչ չարեցին այն կանխելու համար. Բաբուխանյան Երեւանում սերն այլ է. երգիչ Դավիթը նոր տեսահոլովակ է ներկայացրել