«Անի տուրը» սոցփաթեթով առաջարկում է հանգստանալ օկուպացված  Շուշիում

Մինչ հայ հանրությունը շունչը պահած սպասում է, թե բզկտված Արցախից, ի վերջո, ի՞նչ կմնա, ԵԱՀԿ Մինսկի խմբին հոգեդարձ կանե՞ն, որ մի ձայն հանի, պաշտոնական Իրանը մեզ կփրկի՞, կամ գուցե Մոսկվա՞ն, Վաշինգտո՞նը, արի ու տես, որ հենց հիմա Հայաստանից մինչեւ Շուշի անվտանգ ուղեւորություն է խոստանում ո՛չ ավել, ո՛չ պակաս «Անի տուրը»՝ այն էլ սոցփաթեթով: Կասեք՝ անհնար է, ու չեք սխալվի, բայց «Իրավունքի» աչքից չվրիպեց այն, որ «Անի տուրն» իր պաշտոնական կայքում սոցփաթեթով առաջարկում է հանգստանալ Ադրբեջանի կողմից գրավված «Ավան Շուշի պլազա» հյուրանոցում՝ մեկ անձի համար 9 օր 8 գիշեր անցկացնելով 72 հազար դրամով:  Սա անփությա՞ն հետեւանք է, թե՞ «Անի տուրին» էլ է ադրբեջանցիների ձեռքերը հասել, ու հիմա «էստի համեցեք» են կանչում հայերին, ինչպես թուրքերը նույնկերպ տուրեր էին կազմակերպում հայերի համար դեպի Արեւմտյան Հայաստան, դժվար է ասել, սակայն փաստը մնում է փաստ, որ «Անի տուրն» առաջարկում է հանգստանալ այնտեղ, որտեղ հանգիստ չկա, կամ էլ ադրբեջանցիները կապահովեն այցելուների անդրշիրիմյան հանգիստը:

ՀՐԱՆՏ ՍԱՐԱՖՅԱՆ

Այս թեմայով Պուտինին բերելու են հարցաքննությա՞ն, որ օբյեկտիվությունը հասկանանք. Գեղամ Մանուկյան Շենգավիթում կրկին աղանդավորական աժիոտաժ է. ահազանգում են բնակիչները Ըստ Գռզո­յի ա­վի­ա­ըն­կե­րու­թյան, տոմս ու­նե­նա­լը դեռ չի նշա­նա­կում, որ կթռնես Մեզ պետք է այլ իշխանություն, քաղաքական կամք եւ հստակ վեկտոր. Նաիրա Կարապետյան Ին­չու է­ին խա­րիզ­մատ­ներն այ­ցե­լել օ­կու­պաց­ված Շու­շի, եւ ով­քեր են նրանց հա­յաս­տա­նյան գոր­ծըն­կեր­նե­րը