Սեպտեմբեր ամսվա մեջ գործընթացներ կզարգանան ի վնաս Հայաստանի, թշնամին պատրաստվում է պլան Բ-ին․ «Կոռնիձոր» ջոկատի հրամանատարի կոչը
Թեմա«Կոռնիձոր» ջոկատի հրամանատար Արա Խուդավերդյանը անդրադառնալով սահմանային իրավիճակին, երեկ ֆեյսբուքյան իր էջում հանդես էր եկել կոչով․ <<Զարկին զարկ, պատրաստ լինենք և զարկին և զարկելուն! Սպասեք հրամանի>>։ Խուդավերդյանի կոչին արձագանքել էին ինչպես իր ջոկատի տղաները, այնպես էլ այլ հայրենասերներ։ Արդյոք պատերազմի վտանգը այդքան մոտալուտ է, որ Խուդավերդյանը հանդես է եկել նման կոչոց հարցի պատասխանը փորձել ենք ստանալ անձամբ «Կոռնիձոր» ջոկատի հրամանատար Արա Խուդավերդյանից, ով փաստեց․
-Պատերազմի վտանգը ոչ թե տեսնում եմ, այլ սպասում եմ, որ սեպտեմբեր ամսվա մեջ գործընթացներ կզարգանան ի վնաս Հայաստանի։ Որովհետեւ թշնամու այսօրվա գործուղությունները անկախ միջազգային պայմանավորվածություններից խոսում է այն մասին, որ թշնամին պատրաստվում է պլան Բ-ին։
-Հատկապես, ո՞ր ուղղություններն են խոցելի։
-Եթե իմ պատկերացումներով լինի՝ ընդհուպ Երեւանը հեռահարի իմաստով։ Երկու կողմից էլ ռակետների թռիչքը ապահովված է։
-Պարոն Խուդավերդյան, ընդհանուր առմամբ մենք պատրաստ ե՞նք դիմակայել թշնամուն։
-Ընդհանուր պատրաստվածությունը կա, թե ինչքանով, ու ոնց ցույց կտա գործընթացը։
-Իսկ, բացառում ե՞ք, որ ինչպես 44-օրյա պատերազմի ընթացքում, այնպես էլ այսօր կրկին հայ զինվորին կարող են դավաճանել ներսից։
-Ես ի սկզբանե ասել եմ, քանի պատի տակ չեն գնդակահարել բազմաթիվ դավաճանների, մերնք առաջխաղաղացում չենք ունենա։
ԻԼՈՆԱ ԱԶԱՐՅԱՆ