«Ինչպե՞ս կարելի է ներել պատերազմը տանուլ տված,երկրի դարպասները բաց թողած մեկին...».ՀՌԻՓՍԻՄԵ ՀՈՎՀԱՆՆԻՍՅԱՆ
ՄշակութայինԲանաստեղծուհի, ՀԳՄ անդամ ՀՌԻՓՍԻՄԵ ՀՈՎՀԱՆՆԻՍՅԱՆՆ իր ֆեյսբուքյան էջում գրել է.
«Եկանք , հասանք աշխարհի պոչին, երբ այն վերաձևման մեջ է և մեծ տերությունների անմարդկային կռիվն է սա։ Այս ֆոնին` մերը հեծանիվն է, այն էլ երեք ակներով։
Թռիչքային ներկա ընթացքի մեջ` խժդժությունների պարկում` մեր ազգային ասեղն ենք որոնում, որ ին՞չ անենք։
Ամեն բան հասկանալի է և՛ սցենարը , և՛ խաղացողների շախմատաքայլերը և՛ համաշխարհային խելագարությունը։
Մենք այն որբն ենք, ում գլուխը շոյում են շատերը, բայց հացը ժլատների ձեռքում է, փականի տակ։
Պարզ է, հասկանալի , երևույթների արագընթացությունը որպես մի բաժակ ջրի տեսանելիություն, բայց շատ է զարմանալի ազգիս անտարբերությունը ողջախոհության երբեմնի կորուստը , դիվանագիտական և հայրենանվեր մղումները, որոնք համարում եմ հայի գենի վերափոխման մետամորֆոզ։
Ինչպե՞ս կարելի է ներել պատերազմը տանուլ տված, երկրի դարպասները բաց թողած մեկին , ում զենքը մնում է ահաբեկչությունը, մատնագրությունը, ուժային կառույցը ,
սպառնալիքը, թշնամուն բարեկամական ձեռքը մեկնելու մղումը , նաև հայտարարվածը, որ պատերազմը կարող էր և չլինել։
Նա դեռ ներվում է։
Ես չեմ հասկանում կախարդվածության այս ինքնասպան մոգականությունը, ազգ իմ, նման անլուծելի գլուխկոտրուկը, երբ համակիրներ նա դեռ ունի։
Հազար անգամ , պիտի կրկնեմ` այո՛,
չեմ հասկանում»։