Ազգանվեր գործը ներկա պահին կարող են փնովել հայ ազգի թշնամիները եւ Նիկոլի չստիկները. Աղաջանյան

«Հարգելի հայրենակիցներ, չգիտեմ` ով է իրեն քաղաքական գործիչ համարող Անդրեաս Ղուկասյանը, որը գրառում է կատարել եւ փնովում է նախագահ Սերժ Սարգսյանին։ Ավելի ճիշտ գիտեմ, բայց չգիտեմ սույն պսեվդո քաղաքական գործչի փնովման պատճառը։ Կարող եմ կարծել, որ ազգանվեր գործը ներկա պահին կարող են փնովել հայ ազգի թշնամիները եւ Նիկոլի չստիկները, որոնց դեմ եւ պայքար է ծավալում հենց Սերժ Սարգսյանը: Ցանկանում եմ մի փոքր անդրադառնալ Անդրեաս Ղուկասյան կոչվածին: Նման անպատասխանատու հայտարարություններն ինձ իսկապես զայրացնում են: Եթե Սոկրատեսը ժամանակին իմանար, որ իրանից հետո նման մեծ փիլիսոփաներ են ծնվելու, երեւի, չհամարձակվեր գրիչ ձեռքը վերցներ: Ինձ մոտ տպավորություն է ստեղծվում, թե այս հիմարի նպատակը հայ ազգի մեջ նիկոլականություն տարածելն է: Մարդ պետք է այնքան տգետ լինի ու այնքան դավաճան, որ Նիկոլի ջրաղացին ջուր լցնի: Այս նիկոլականություն տարածողը ինքնագիտակցություն չունի, սրա նման շատերը կան մեր երկրում, որ չգիտեն` ինչ սուտ խոսեն, որպեսզի դառնան Նիկոլի հաճախորդը: Նախագահ Սարգսյանն այնքան լավ է անում իր գործը, որ որոշ քո նմաններ ու պնակալեզներ, փորձում են փնովել ազգի համար կարեւոր գործը: Ի դեպ, ասածներս միայն ինչ-որ Անդրեաս Ղուկասյանի չի վերաբերում, դրանք վերաբերվում են թե՛ ծախու ստատուս գրողներին, թե՛ կասկածելի սեռական վարքագծով որոշ լրագրողներին, թե՛ պնակալեզ պաշտոնյաներին, մի խոսքով՝ բոլոր նրանց, ովքեր սեփական մորն անգամ վաճառքի կհանեն` հանուն, ինչպես իրենք են ասում, երեխաների մի կտոր հացի։ Այդ հացը, ձեզ հրամայողների մայրենի լեզվով ասած` հարամ է, - գրել է «Ազգային արժեքների պահպանման ճակատ» ՀԿ նախագահ ՍԵՎԱՆ ԱՂԱՋԱՆՅԱՆԸ եւ, որպես հետգրություն, հավելել. «Ազգային գործի փնովումը նման է իր սեփական կրոնին, Հայրենիքին եւ անգամ մորը դավաճանելուն»։