«ԴՈՒՄԱՆՅԱՆԸ ԴՈՒՄԱՆ Է ԲԵՐՈՒՄ ՀԱՅՈՑ ԿՐԹՈՒԹՅԱՆ ԳԼԽԻՆ».ՍԵՐԺ ՍՐԱՊԻՈՆՅԱՆ
Մշակութային«Իրավունքը» զրուցել է ԵՊՀ հայ գրականության պատմության ամբիոնի դասախոս, դոցենտ, գրականագետ ՍԵՐԺ ՍՐԱՊԻՈՆՅԱՆԻ հետ:
— Պարոն Սրապիոնյան, ներկայիս կրթական համակարգի մասին ի՞նչ կարծիք ունեք:
— Վստահաբար պետք է ասեմ, որ Հայաստանի կրթական համակարգը երբեք ավելի ողբալի վիճակում չի եղել, քան այսօր է: Ամենից առաջ այն կադրային քաղաքականությունը, որը վարվում է ե՛ւ հանրակրթական միջավայրում, ե՛ւ բարձրագույն կրթության միջավայրում, ե՛ւ հետբուհական կրթության միջավայրում, պարզապես հիշեցնում է նախնադարի կամայականություններ: Այսօր ծրագրեր են կազմվում բարձրագույն կրթության համար, որ պարզապես եթե ողբերգական չլինեին, շատ զավեշտալի եւ ծիծաղելի կլինեին:
Հայագիտությունը, բառի ուղիղ իմաստով, հոգեվարքի մեջ է: Իսկ հայագիտությունն ազգային պետություն ստեղծող գաղափարական հիմքն է: Որեւէ խթանիչ, որեւէ ոգեւորություն, որեւէ խնամատարություն հայագիտության նկատմամբ չկա: Ուղիղ հակառակը` հնարավոր ամեն ինչ անում են հայագիտական բաժինները փակել տալու համար: Հայկական բանասիրական ֆակուլտետում ամեն տարի 120 դիմորդ պետք է ընդունվեր` մինչեւ 700-800 դիմում էր լինում: Հիմա ընդամենը 35-40 դիմում է, որից մոտ 30-ն ընդունվում են, որովհետեւ ապագան չեն կապում այդ մասնագիտության հետ: Կամ ասեմ դիմորդներից մեկի «թեւավոր» խոսքը` դիմենք բանասիրական, ի՞նչ անենք, հայոց լեզուն հաց տվող չէ: Ամեն ինչ չափվում է հացով: Եվ եթե հայոց լեզուն հաց տվող չի, հայոց լեզվին հաց պետք է տա պետությունը: Չեմ ուզում շատ ծամված մտքեր ասել, բայց մենք երբ կորցրել էինք պետականությունը, երեք լուսամիտ մարդիկ` Վռամշապուհ արքան, Սահակ Պարթեւը եւ Մեսրոպ Մաշտոցը հղացան հանճարեղ միտք, որ հայությունը եւ նրա պետականությունը փրկելու միակ ճանապարհը լեզվին զարկ տալն է` գրերը եւ հայկական մշակույթ ստեղծելն է: Այսօր հայկական մշակույթ` որպես այդպիսին, գոյություն չունի: Եվ դա արվում է պետական մակարդակով: Դուք տեսեք, թե այսօր եթերում ինչպիսի հաղորդումներ ու ֆիլմեր են` «Ազիզյանների ընտանիք», «Բլբուլյանների ընտանիք», «Վումնս քլաբ», եւ դրա նման իբրեւ թե հումորային հաղորդումներ, /բայց իրականում ուղղակի ամոթալի/, որոնք նայում են մտավոր հետամնացները: Որովհետեւ աղմուկից, անբարոյականության քարոզից, ճչոցներից, դերասանական ապաշնորհ խաղից բացի ուրիշ ոչինչ չի մատուցվում: Դեռ Լենինն էր ժամանակին գլխի ընկել, որ կինոն ամենամեծ արվեստն է: Այսինքն` մասսաների վրա ազդելու ամենակարճ ուղին` տեսաշարն է, ֆիլմը, թատրոնը: Թատրոնն էլ է գրեթե մեռած վիճակում: Հայ ժողովրդի պատմության ֆակուլտետը` ըստ էության, նույնպես փակման վտանգի տակ է:
— Իսկ դպրոցներում ինչպիսի՞ն է վիճակը:
— Դպրոցներում ուսուցիչներին տանում են իբրեւ թե որակավորման, բայց ընտրովի` հատուկ վերաբերմունքով: Նախկիններին քննադատում էին, որ Հանրապետական են դարձնում դպրոցի տնօրեններին: Դարձնելն ուրիշ բան է: Եկեք հակառակ կողմից նայենք: Եթե մարդուն ստիպում էին, որպեսզի մի կտոր հաց վաստակելու համար անդամագրվեր Հանրապետական կուսակցութանը` մարդը հոգով Հանրապետական չէր դառնում: Նա մնում էր մանկավարժ, մնում էր տնօրեն, մնում էր դպրոցը պահող: Հիմա իրենց միջից ընտրում են կիսագրագետ, կրթություն գրեթե չունեցող, կրթական համակարգի հետ հեռավոր կապ անգամ չունեցող մարդկանց, բերում են ու նշանակում տնօրեններ, որոնցից մեկն էլ Երեւանի պետական համալսարանի ռեկտորն է: Ո՛չ գիտությանն է հայտնի իբրեւ մասնագետ, ո՛չ` միջավայրին: 2-3 ամսով տարան` իբրեւ կենսագրության մեջ գրեցին կրթության փոխնախարար, բերեցին նշանակեցին ԵՊՀ ռեկտորի պաշտոնին: Նա, բացի իր մի քանի ամսվա ընթացքում 5-6 գործուղման գնալը` որեւէ միջամտություն կամ համալսարանին որեւէ նոր թարմ միտք չի ծնել: Ուղիղ հակառակը` կադրային ջարդ: Բերել է մեկին` որպես կրթական ծրագրերի վարչության պետ, որը հայտնի սորոսական է` Խառատյանների ընտանիքից: Աջ ու ձախ ոչնչացնում են կրթությունը: Այդպիսի կրթական ծրագրերով մենք ամենամոտ, տեսանելի ապագայում ունենալու ենք կիսագրագետների ճամարտակող եւ մարտնչող տգետների մի ամբողջ բանակ, որը լինելու է կրթության գլխին, եւ այդ կրթության վերջը տալու է ամենակարճ ժամանակահատվածում:
— Կադրերի ընտրության համար նախատեսված հանձնաժողովում ովքե՞ր են ընդգրկված:
— Ճիշտն ասած, չգիտեմ, թե այդ հանձնաժողովում ովքեր են ընտրված: Համալսարանից դեռ գիտեմ այսօրվա ԿԳՄՍ նախարարի պաշտոնը զբաղեցնողին, որի ազգանունն ու գործունեությունը շատ ճշգրիտ իրար բռնում են` Դումանյան, որ դուման է բերում հայոց կրթության գլխին… Այդ մարդը ֆակուլտետի դեկան է եղել, եւ նրա դեկան աշխատանքի ընթացքում որեւէ բանով այդ ֆակուլտետը հաջողության չի հասել: Նա եղել է կրթության ոլորտում` դասախոսել է, բայց հանրակրթությունից շատ հեռու է: Դուք պատկերացնո՞ւմ եք այսօր արդեն հայոց լեզու քննություն հանձնող դիմորդների 25 տոկոսը դրականի շեմը չի հաղթահարում: Այդպիսին է մեր դպրոցի վիճակը: Պայքարում էին կրկնուսույցների դեմ: Կրկնուսույցները գոնե տարրական գիտելիքներ հաղորդում էին: Բուհ ընդունվելուց առաջ ինչ-որ հիմք էր լինում: Այսօր արդեն չկա նաեւ դա: Ինձ մոտ բերում են դպրոցն ավարտած երեխաների, որոնք ածականը մակբայից, հոլովը խոնարհումից չեն տարբերում: Չգիտեն՝ Աբովյանը 19-րդ դարում է ապրել, ստեղծագործել, թե՞ 18: Էլ չեմ ասում, որ «Վերք Հայաստանին» չեն կարդացել: Եվ ծնողը վիճում է, թե ինչո՞ւ պետք է իմ երեխան 800 էջանոց «Վարդանանք» կարդա: Չես կարող բացատրել այդպես մտածողին, որ Տոլստոյի «Պատերազմ եւ խաղաղությունը» երեք հազար էջ է: Եվ չկա մի ռուս, որ այդ վեպը չկարդա: Սա է ամբողջ ողբերգությունը: Եթե այսպես շարունակվի, կրթական համակարգը վերականգնել, կարծում եմ՝ հնարավոր չի լինի…
ՆՈՒՆԵ ԶԱՔԱՐՅԱՆ
— Պարոն Սրապիոնյան, ներկայիս կրթական համակարգի մասին ի՞նչ կարծիք ունեք:
— Վստահաբար պետք է ասեմ, որ Հայաստանի կրթական համակարգը երբեք ավելի ողբալի վիճակում չի եղել, քան այսօր է: Ամենից առաջ այն կադրային քաղաքականությունը, որը վարվում է ե՛ւ հանրակրթական միջավայրում, ե՛ւ բարձրագույն կրթության միջավայրում, ե՛ւ հետբուհական կրթության միջավայրում, պարզապես հիշեցնում է նախնադարի կամայականություններ: Այսօր ծրագրեր են կազմվում բարձրագույն կրթության համար, որ պարզապես եթե ողբերգական չլինեին, շատ զավեշտալի եւ ծիծաղելի կլինեին:
Հայագիտությունը, բառի ուղիղ իմաստով, հոգեվարքի մեջ է: Իսկ հայագիտությունն ազգային պետություն ստեղծող գաղափարական հիմքն է: Որեւէ խթանիչ, որեւէ ոգեւորություն, որեւէ խնամատարություն հայագիտության նկատմամբ չկա: Ուղիղ հակառակը` հնարավոր ամեն ինչ անում են հայագիտական բաժինները փակել տալու համար: Հայկական բանասիրական ֆակուլտետում ամեն տարի 120 դիմորդ պետք է ընդունվեր` մինչեւ 700-800 դիմում էր լինում: Հիմա ընդամենը 35-40 դիմում է, որից մոտ 30-ն ընդունվում են, որովհետեւ ապագան չեն կապում այդ մասնագիտության հետ: Կամ ասեմ դիմորդներից մեկի «թեւավոր» խոսքը` դիմենք բանասիրական, ի՞նչ անենք, հայոց լեզուն հաց տվող չէ: Ամեն ինչ չափվում է հացով: Եվ եթե հայոց լեզուն հաց տվող չի, հայոց լեզվին հաց պետք է տա պետությունը: Չեմ ուզում շատ ծամված մտքեր ասել, բայց մենք երբ կորցրել էինք պետականությունը, երեք լուսամիտ մարդիկ` Վռամշապուհ արքան, Սահակ Պարթեւը եւ Մեսրոպ Մաշտոցը հղացան հանճարեղ միտք, որ հայությունը եւ նրա պետականությունը փրկելու միակ ճանապարհը լեզվին զարկ տալն է` գրերը եւ հայկական մշակույթ ստեղծելն է: Այսօր հայկական մշակույթ` որպես այդպիսին, գոյություն չունի: Եվ դա արվում է պետական մակարդակով: Դուք տեսեք, թե այսօր եթերում ինչպիսի հաղորդումներ ու ֆիլմեր են` «Ազիզյանների ընտանիք», «Բլբուլյանների ընտանիք», «Վումնս քլաբ», եւ դրա նման իբրեւ թե հումորային հաղորդումներ, /բայց իրականում ուղղակի ամոթալի/, որոնք նայում են մտավոր հետամնացները: Որովհետեւ աղմուկից, անբարոյականության քարոզից, ճչոցներից, դերասանական ապաշնորհ խաղից բացի ուրիշ ոչինչ չի մատուցվում: Դեռ Լենինն էր ժամանակին գլխի ընկել, որ կինոն ամենամեծ արվեստն է: Այսինքն` մասսաների վրա ազդելու ամենակարճ ուղին` տեսաշարն է, ֆիլմը, թատրոնը: Թատրոնն էլ է գրեթե մեռած վիճակում: Հայ ժողովրդի պատմության ֆակուլտետը` ըստ էության, նույնպես փակման վտանգի տակ է:
— Իսկ դպրոցներում ինչպիսի՞ն է վիճակը:
— Դպրոցներում ուսուցիչներին տանում են իբրեւ թե որակավորման, բայց ընտրովի` հատուկ վերաբերմունքով: Նախկիններին քննադատում էին, որ Հանրապետական են դարձնում դպրոցի տնօրեններին: Դարձնելն ուրիշ բան է: Եկեք հակառակ կողմից նայենք: Եթե մարդուն ստիպում էին, որպեսզի մի կտոր հաց վաստակելու համար անդամագրվեր Հանրապետական կուսակցութանը` մարդը հոգով Հանրապետական չէր դառնում: Նա մնում էր մանկավարժ, մնում էր տնօրեն, մնում էր դպրոցը պահող: Հիմա իրենց միջից ընտրում են կիսագրագետ, կրթություն գրեթե չունեցող, կրթական համակարգի հետ հեռավոր կապ անգամ չունեցող մարդկանց, բերում են ու նշանակում տնօրեններ, որոնցից մեկն էլ Երեւանի պետական համալսարանի ռեկտորն է: Ո՛չ գիտությանն է հայտնի իբրեւ մասնագետ, ո՛չ` միջավայրին: 2-3 ամսով տարան` իբրեւ կենսագրության մեջ գրեցին կրթության փոխնախարար, բերեցին նշանակեցին ԵՊՀ ռեկտորի պաշտոնին: Նա, բացի իր մի քանի ամսվա ընթացքում 5-6 գործուղման գնալը` որեւէ միջամտություն կամ համալսարանին որեւէ նոր թարմ միտք չի ծնել: Ուղիղ հակառակը` կադրային ջարդ: Բերել է մեկին` որպես կրթական ծրագրերի վարչության պետ, որը հայտնի սորոսական է` Խառատյանների ընտանիքից: Աջ ու ձախ ոչնչացնում են կրթությունը: Այդպիսի կրթական ծրագրերով մենք ամենամոտ, տեսանելի ապագայում ունենալու ենք կիսագրագետների ճամարտակող եւ մարտնչող տգետների մի ամբողջ բանակ, որը լինելու է կրթության գլխին, եւ այդ կրթության վերջը տալու է ամենակարճ ժամանակահատվածում:
— Կադրերի ընտրության համար նախատեսված հանձնաժողովում ովքե՞ր են ընդգրկված:
— Ճիշտն ասած, չգիտեմ, թե այդ հանձնաժողովում ովքեր են ընտրված: Համալսարանից դեռ գիտեմ այսօրվա ԿԳՄՍ նախարարի պաշտոնը զբաղեցնողին, որի ազգանունն ու գործունեությունը շատ ճշգրիտ իրար բռնում են` Դումանյան, որ դուման է բերում հայոց կրթության գլխին… Այդ մարդը ֆակուլտետի դեկան է եղել, եւ նրա դեկան աշխատանքի ընթացքում որեւէ բանով այդ ֆակուլտետը հաջողության չի հասել: Նա եղել է կրթության ոլորտում` դասախոսել է, բայց հանրակրթությունից շատ հեռու է: Դուք պատկերացնո՞ւմ եք այսօր արդեն հայոց լեզու քննություն հանձնող դիմորդների 25 տոկոսը դրականի շեմը չի հաղթահարում: Այդպիսին է մեր դպրոցի վիճակը: Պայքարում էին կրկնուսույցների դեմ: Կրկնուսույցները գոնե տարրական գիտելիքներ հաղորդում էին: Բուհ ընդունվելուց առաջ ինչ-որ հիմք էր լինում: Այսօր արդեն չկա նաեւ դա: Ինձ մոտ բերում են դպրոցն ավարտած երեխաների, որոնք ածականը մակբայից, հոլովը խոնարհումից չեն տարբերում: Չգիտեն՝ Աբովյանը 19-րդ դարում է ապրել, ստեղծագործել, թե՞ 18: Էլ չեմ ասում, որ «Վերք Հայաստանին» չեն կարդացել: Եվ ծնողը վիճում է, թե ինչո՞ւ պետք է իմ երեխան 800 էջանոց «Վարդանանք» կարդա: Չես կարող բացատրել այդպես մտածողին, որ Տոլստոյի «Պատերազմ եւ խաղաղությունը» երեք հազար էջ է: Եվ չկա մի ռուս, որ այդ վեպը չկարդա: Սա է ամբողջ ողբերգությունը: Եթե այսպես շարունակվի, կրթական համակարգը վերականգնել, կարծում եմ՝ հնարավոր չի լինի…
ՆՈՒՆԵ ԶԱՔԱՐՅԱՆ