Հայաստանում կառավարությունը դարձել է սորոսական օկուպացիոն ադմինիստրացիա. Բաբուխանյան

Հայաստանյան արտաքին մարտահրավերների եւ այս համատեքստում վերջին սկանդալային հայտարարությունների վերաբերյալ «Իրավունք TV»-ի տաղավարում զրուցել ենք «Ուժեղ Հայաստան Ռուսաստանի հետ. հանուն նոր Միության» շարժման գործադիր կոմիտեի անդամ, ՍԻՄ կուսակցության նախագահ ՀԱՅԿ ԲԱԲՈՒԽԱՆՅԱՆԻ հետ:

— ԱՄՆ նախկին նախագահ Դոնալդ Թրամփի Ազգային անվտանգության հարցերով խորհրդական Ջոն Բոլթոնը CNN-ի եթերում խոստովանեց, որ անձամբ մասնակցություն է ունեցել այլ երկրներում պետական հեղաշրջումների կազմակերպմանը: Հատկանշական է այն, որ 2018 թվականին, այսպես կոչված, «թավշյա հեղափոխությունից» հետո նա շտապել էր Հայաստան: Սա նշանակո՞ւմ է, որ Բոլթոնի խոստովանությունը նաեւ վերաբերում է մեր երկրում տեղի ունեցածին:

— Բոլթոնը հաստատեց այն, ինչ մենք ասում էինք մշտապես: Միացյալ Նահանգները զբաղված էին աշխարհով մեկ իրենց հաճո կառավարություններ իշխանության բերելու գործով, ինչը կոչվում է նարնջագույն հեղաշրջում: Այդ նարնջագույն հեղաշրջումները Միացյալ Նահանգներն արել է ամենուրեք եւ փորձել է դրանով աշխարհը դարձնել կառավարելի իրենց կողմից: Արդյունքում երկրներին զրկել են ինքնիշխանությունից,  որեւէ անկախության նշույլներից եւ տեղադրել այստեղ ու այնտեղ իրենց դրածոներին: Նրանք արտաքին կառավարում են ապահովել աշխարհի գրեթե մեծ մասում: Բոլթոնի հայտարարությունն, ըստ էության, քրեական հոդված է: Նա ինքնախոստովանեց, որ տարբեր երկրներում իշխանության են դրել սեփական մարդկանց եւ դարձրել դրանք արտաքին կառավարման մեջ գտնվող տարածքներ, ոչ թե երկրներ եւ ոչ թե կառավարություններ, այլ դրածո, օկուպացիոն ադմինիստրացիա: Պարտադիր չէ երկիրն ուժով գրավել, այլ բավական է, պարզապես, վերցնել կառավարությունը, դնել սեփական ադմինիստրացիան եւ դրանով արդեն իսկ օկուպացվում է երկիրը` առանց մի կրակոցի ու չարչարանքի: Ամերիկացիները դրա վարպետներն են: Ուղղակի, մինչ այդ խոստովանությունը, եթե կային մարդիկ, ովքեր ուզում էին չտեսնել իրականությունը եւ ձեւ տալ, թե չեն հասկանում, որ այդպես է, այսօր արդեն չեն կարող ժխտել: Մինչդեռ մենք անընդհատ ասել ենք, որ 2018 թվականի հեղաշրջումը կազմակերպեցին ամերիկացիները եւ արեւմտյան այլ ուժեր՝ բերելով Նիկոլին եւ Հայաստանում կառավարությունը վերածելով սորոսական օկուպացիոն ադմինիստրացիայի: Սա եւս մեկ անգամ հաստատվեց: Ինչպես հիշում եք, Բոլթոնը շատ ակտիվ էր Հայաստանի ուղղությամբ եւ հայտարարություններ էր անում Արցախի վերաբերյալ: Ըստ էության, նրա ասածները, ցավոք, դարձել են իրականություն:

— Ի դեպ, Հայաստանում ԱՄՆ դեսպան Լին Թրեյսիին գալիս է փոխարինելու Ուկրաինայում ԱՄՆ գործերի նախկին հավատարմատար Քրիստինա Քվիենը: Ի՞նչ կասեք այս մասին: Օրինակ, Հայաստանի Եվրոպական կուսակցության նախագահ Տիգրան Խզմալյանի կարծիքով,  նա ոչ թե դեսպան, այլ տարոս է լինելու Հայաստանի համար:

— Ինչ վերաբերում է Խզմալյանին, ճիշտ կլիներ ԴՆԹ թեստ անցկացնել, որ հասկանայինք, թե իր մեջ ի՞նչ ազգության արյուն է հոսում, այլապես ինչպես կարելի է այսքան թշնամի լինել հայ ժողովրդին: Տեսեք, թե ինչ է կատարվում Ուկրաինայում, այնտեղ ղեկավարության մեջ  բուն ուղղափառ ուկրաինացիները շատ քիչ են: Երկրի ղեկավարը հրեա է, կան ուկրաինացիներ, բայց ոչ ուղղափառ, այլ տարբեր աղանդներին հարող, այլ կրոններին դավանող եւ այլն: 2014  թվականին բուն ուկրաինական իշխանությունը հեղաշրջման միջոցով հեռացվեց, որին մասնակցեց ԱՄՆ-ն եւ Արեւմտյան Եվրոպան, իրենց ողջ լծակներով, ծախսվել էր մոտավորապես 5-6 միլիարդ դոլար` այդ  հեղաշրջումը կազմակերպելու համար, որից հետո` բերվեց օկուպացիոն ռեժիմ, որի գլխին դրվեցին մարդկանց, որոնք ոչ մի կապ չունեն ուկրաինական ժողովրդի հետ: Խաղարկվեց ազգայնամոլությունը, եւ երկիրը սարքեցին մի պոլիգոն` հակառուսական գործողությունների համար, այդ թվում` պատերազմական գործողություններ ծավալելու` ընդդեմ Ռուսաստանի: Ուկրաինան պետություն չէ այսօր, այլ ԱՄՆ-ի եւ Անգլիայի գաղութն է: Այդ գաղութը տալիս է «թնդանոթի միս»՝ ռուսների դեմ կռվելու համար: Հետեւապես, ցավալի է, որ այդտեղի ԱՄՆ դեսպանը, որը մասնակցում էր գաղութի կառավարմանը, օգտագործմանն ու ոչնչացմանը, այսօր տեղափոխվում է Հայաստան: Սա նշանակում է, որ մեր երկիր է գալիս շատ վտանգավոր մեկը, որն ունի գաղութն օգտագործելու փորձառություն: Միեւնույն է, Նիկոլն ինչքան էլ փորձի ձեւ տալ, որ հայ-ռուսական հարաբերությունները ըմբռնել է, որ պետք է պահպանել, բայց հասկանալի է, որ քանի նա կա, Հայաստանը շարունակելու է մնալ նույնպիսի գաղութ, ինչպիսին Ուկրաինան է: Սկզբում Նիկոլը ռուսներին բացահայտ դեմ էր, հետո ձեւ արեց, թե հասկացել է, որ այդպես չի կարելի: Սակայն ակնհայտ է, որ նրա էությունը, իր կառավարման թելերը գտնվում են ԱՄՆ-ի, Անգլիայի եւ այլ հատուկ ծառայությունների ձեռքում: Քանիցս եղան հրապարակումներ ԱԳ նախարար Արարատ Միրզոյանի «Օմեգա» լինելու մասին, ԱԺ փոխնախագահ Ռուբեն Ռուբինյանի` Թուրքիայում սովորած լինելու վերաբերյալ… Յուրաքանչյուրի մասին մանրամասն տեղեկություններ կան, որ այդ մարդկանց թելերը տանում են դեպի Արեւմուտք: Այնպես որ, շարունակում ենք մնալ Արեւմուտքի եւ ԱՄՆ-ի գաղութ, մեր կառավարությունը դարձել է օտարերկրյա ադմինիստրացիա, որտեղից իրականացվում է արտաքին կառավարում:

— Այս համատեքստո՞ւմ պետք է դիտարկել նաեւ այն, ինչ տեղի ունեցավ 2020 թվականին 44-օրյա պատերազմի ժամանակ:

— Եթե չլիներ Ռուսաստանի բլից կրիգը` Ստեփանակերտը եւ Արցախի մնացած մասը պահելու համար, մենք կկորցնեինք ամեն ինչ: Ռուսները հասցրին խափանել Արեւմուտքի եւ Նիկոլի ծրագրերը` ամբողջ Արցախը Ադրբեջանին հանձնելու հետ կապված: Եթե չլիներ այստեղ ռուսական 102-րդ ռազմաբազան,ապա վաղուց այստեղ լրիվ այլ իրավիճակ էր ստեղծվել: Դրա համար ամերիկացիները գործի են դնում տարբեր այդպիսիների, ում անունը Դուք տվեցիք նախորդ հարցի ժամանակ: Իսկ կանադացիները բացահայտ են ասում, որ գալիս են Հայաստան` դեսպանատուն բացելու, ոչ թե մեր երկրի հետ դիվանագիտական կամ տնտեսական, հումանիտար, մշակութային հարաբերությունները զարգացնելու, այլ գալիս են Հայաստանին զերծ պահելու ՌԴ-ից: Այսինքն` չեն էլ թաքցնում, որ գալիս են` Հայաստանի արտաքին քաղաքականությունը փոխելու: Ուղիղ ասում են, որ գալիս են այստեղ եւս մի հեղաշրջում անելու` հիմա էլ արտաքին հարաբերություններում:  Սա ակնհայտ ոտնահարում է մեր ինքնիշխանությանը: Մինչդեռ մեր երկրի արտաքին քաղաքականությունը հիմնված է հայ-ռուսական պայմանագրերով, որտեղ նշված է մեր դաշնակցային հարաբերությունների կարեւորությունը:

— Ուշագրավ բացահայտումներով է սկսել հանդես գալ ոչ միայն Բոլթոնը, այլեւ` ամերիկացի գիտնականները: Վերջերս մեծ աղմուկ բարձրացավ, երբ նրանցից մեկը` Ջեֆրի Սաքսը, խոստովանեց, որ կորոնավիրուսը ստեղծվել է Միացյալ Նահանգներում: Դուք բազմիցս Ձեր ելույթներում, նաեւ իրականացրած ակցիաների ժամանակ բարձրաձայնել եք ՀՀ-ում ամերիկյան բիոլաբորատորիաների խնդրահարույց լինելու մասին: Այսքանից հետո այդ բիոլաբորատորիաները փակելուն  այլընտրանք դեռ մնացե՞լ է:

— Այլընտրանք չկա, միանշանակ պետք է փակվեն: Երբ ռուսական զորքերը եւ Դոնեցկի բանակն ազատագրեցին իրենց տարածքները Դոնեցկում եւ Լուգանսկում, պարզվեց, որ այնտեղ գտնվող ամերիկյան բիոլաբորատորիաներում փորձարկվում էր կենսաբանական զենք, այդ թվում` խոլերայի հարուցիչներ, տարբեր միջատների միջոցով համավարականեր կազմակերպելու փորձեր եւ այլն: Ի դեպ, հիմա Վրաստանում շատ մեծ շարժում է բարձրացել, որովհետեւ պարզվել է, որ խոզերի, թռչունների ժանտախտն այնտեղ գտնվող Լուգարի անվան հայտնի լաբորատորիայի փորձարկումներից են դուրս մղվել: Եթե հիշում եք, խոզերի ժանտախտը մի քանի տարի առաջ Վրաստանից տեղափոփվեց Հայաստանի հյուսիս, ապա տարածվեց ամբողջ տարածքով: Խոզերի գլխաքանակը մի քանի օրվա մեջ Հայաստանում կրճատվեց մի քանի անգամ, նույն էլ թռչնի գրիպը միանգամից տարածվեց: Թռչնաֆերմաների եւ անհատ գյուղացիների տնտեսություններում թռչունները սկսեցին հազարներով սատկել, հետո էլի պարզվեց, որ այդտեղից եկած վարակ է: Այսօր Հայաստանում, երեւի, ամենապաշտպանված տարածքն Ավանում գտնվող բիոլաբորատորիան է` չորս կողմից փշալարերով, ոչ ոք չի կարող մտնել: Հասկանալի է, որ այդտեղ ամերիկացիները պետք է անեն այն, ինչ անում են ուրիշ տեղեր, որովհետեւ փաստ է, որ այդ բիոլաբորատորիաները գտնվում են Պենտագոնի ֆինանսավորման տակ: Եթե ԱՄՆ պաշտպանության նախարարությունն է  ֆինանսավորում այդ բիոլաբորատորիաները, նշանակում է, որ դրանք կատարում են հենց ամերիկյան պաշտպանության նախարարության պատվերը: Շատ տարօրինակ էր, որ երբ Հայաստանում մոլեգնում էր այդ համավարակը, պարզվեց, որ ամերիկյան բիոլաբորատորիաներում 600 հայ զինվորի  տարել են եւ ստուգել: Ինչո՞ւ զինվոր, ինչո՞ւ ոչ թե ցանկացած մեկին: Սա նշանակում է, որ երիտասարդ տղաներից` 18-22 տարեկան, վերցնում էին բիոմատերիալ: Չէ որ զինվորները մեր ամենաառողջ երիտասարդներն են: Փաստորեն, բիոլաբորատորիաների միջոցով այս կամ այն ազգի բիոմատերիալը ուղարկվում էր ԱՄՆ եւ այդտեղ ուսումնասիրվում: Ստացվում է, որ հայտարարություններն այն մասին, թե ամերիկյան բիոլաբորատորիաները զբաղվում են կենսաբանական զենքով, որն ուղղված է կոնկրետ ազգային պատկանելություն ունեցող մարդկանց դեմ, դառնում է ակնհայտ: Այդպես բիոմատերիալներով հաշվարկվում է, թե այս ազգի մարդիկ ինչ հիվանդություններով են ավելի շուտ հիվանդանում, թուլանում, մահանում: Իսկ մյուս կողմից ուղղված է տնտեսության դեմ` խոզերի գլխաքանակի, թռչունների, բույսերի այս կամ այն տեսակի ոչնչացում եւ այլն: Սա շատ վտանգավոր իրավիճակ է, եւ ՄԱԿ-ում հարցը բարձրացվել է: Իհարկե, պետք է Հայաստանից այդ բիոլաբորատորիաները վռնդվեն: Եթե ուզում ենք լինել իսկապես ինքնիշխան պետություն, ապա մեր տարածքում նման լաբորատորիաները պետք է օր առաջ փակվեն:

ՀՐԱՆՏ ՍԱՐԱՖՅԱՆ

Հարցազրույցն ամբողջությամբ դիտե՛ք տեսանյութում.

Այս թեմայով «Ժողովրդավարության բաստիոնում» տեղի ունեցածը հավերժ գրանցվելու է, որպես խայտառակությունն. Ալլա Հակոբյան Ալիեւ-Փաշինյան մակարդակով կապիտուլյացիայի շարունակության ենք ականատես լինում. Խաչատրյան Սրանք պայթեցնում են մեր պատմությունը. Ալլա Հակոբյան Կարծես գժանոցի утренний обход-ի сводка լինի. Ալլա Հակոբյան Պատգամավորները երաշխավորություն են ներկայացնում՝ Աշոտյանի խափանման միջոց կալանքը փոխելու համար