Արմեն Գրիգորյանի դին ծածկվեց Եռագույնով, ինչպես վայել է հերոսներին...

Նոր Նորքի Սուրբ Սարգիս եկեղեցում տեղի ունեցավ պրոդյուսեր Արմեն Գրիգորյանի հոգեհանգստի արարողությունը, որին ներկա էին քաղաքական, հասարակական, մշակութային մի շարք գործիչներ: 

Փշաքաղվելու չափ հուզիչ էր, երբ եկեղեցի մտավ «Ուժեղ Հայաստան Ռուսաստանի հետ. հանուն նոր Միության» շարժման կանանց խորհրդի նախագահ, գրող, հրապարակախոս Ալլա Հակոբյանը՝ Եռագույն դրոշը ձեռքին: Նա Եռագույն դրոշով պատեց Արմեն Գրիգորյանի դին... Իր այս քայլը մտավորականն այսպես մեկնաբանեց. «Արմեն Գրիգորյանը զոհվել է, ոչ թե մահացել... Մահանում են սեփական անկողնում կամ տան թախտին նստած, իսկ Արմենը զոհվել է, ինչպես զոհվեցին մեր հազարավոր զինվորները... Պարզապես, նրանց խրամատներն էին տարբեր: Այնտեղ՝ առաջնագծում, երբ թշնամին աչքիդ առաջ է, շատ ավելի հեշտ է կռվելն ու հակառակորդին հետ շպրտելը... Արմենը կռվում էր մեկ այլ պատերազմում... Այն պատերազմում, որը չի հայտարարվում, բայց շարունակվում է ընդդեմ հայ ժողովրդի»:

Հիշեցնենք, որ Ա. Գրիգորյանն իր մահկանացուն կնքեց դատական նիստերի դահլիճում՝ վերջին ժպիտը հղելով դահլիճում ներկաներին, որոնց թվում էր նաեւ Ալլա Հակոբյանը:

ՀՐԱՆՏ ՍԱՐԱՖՅԱՆ

Այս թեմայով Ընդդիմությունը հրաժարվե՞լ է Սաֆարովին արդարացրած Հունգարիայի բարեկամական խմբի մաս կազմել ՔՊ-ականները հիմա էլ մեղադրում են ներկաններին Իշխանությունից եւ ընդդիմությունից ովքեր «թռան» Հռոմի ստատուտի քվեարկությունից Մահացել է ՀՀ մշակույթի վաստակավոր գործիչ Մուրադ Հակոբյանը Բացի հայից, ով մտնի Արցախ աշխարհ, միայն այնտեղ թողած հազարավոր հայերի անեծքը «վայելի». Ալլա Հակոբյան