Արեւմտյան երկրներն ակտիվ ջանքեր են գործադրում պատմական ճշմարտությունը խեղաթյուրելու ուղղությամբ

Միջազգային հումանիտար զարգացման հասարակական կազմակերպության նախաձեռնությամբ՝ Երեւանում տեղի ունեցավ «Պատմական ճշմարտության խեղաթյուրման փորձերը եւ ժամանակակից նացիզմի դրսեւորումը» թեմայով կլոր սեղան-քննարկումը:

Միջոցառման ընթացքում փորձագիտական կարծիքներով հանդես եկան Երեւևանի պետական համալսարանի Միջազգային հարաբերությունների ամբիոնի դոցենտ Գրիգոր Բալասանյանը, Երեւանի պետական համալսարանի քաղաքագիտության ամբիոնի դոցենտ Գարիկ Քեռյանը, ՄՀԶՀԿ ղեկավար, քաղաքագետ Արման Ղուկասյանը:

Գ. Բալասանյանն ընդգծեց, որ այսօր արեւմտյան երկրներն ակտիվ ջանքեր են գործադրում պատմական ճշմարտությունը խեղաթյուրելու ուղղությամբ, ինչպես նաեւ նրանց կողմից փորձեր են արվում վերափոխել Հայրենական մեծ պատերազմի արդյունքները:

Նրա խոսքով, հետխորհրդային տարածքում քայքայիչ գործունեություն է ծավալվում տարբեր ՀԿ-ների միջոցով, եւ այդ համատեքստում բացառություն չէ նաեւ Հայաստանը, որտեղ նման ակտիվ գործող կազմակերպությունները մի քանի տասնյակից ավելի են:

«Վերջերս Կանադայի ԱԳՆ-ն հայտարարեց, որ Հայաստանում նախատեսվում է բացել դեսպանատուն, որը պայքարելու է ռուսական ազդեցության դեմ։ Այսինքն՝ Արևմուտքը չի էլ թաքցնում, որ Հայաստանն ու հայ ժողովուրդը նրան քիչ են հուզում, որ ամբողջ նպատակը ռուսական ազդեցությունը տարածաշրջանից դուրս մղելն է»,– նշեց փորձագետը ։

Իր հերթին Գ․ Քեռյանը նշեց, որ Հայաստանը Արեւմուտքին հետաքրքրում է միայն որպես գործիք Ռուսաստանի դեմ: Նա նշել է, որ այսօր Հայաստանի համար նույնպես կարեւոր է, որ Ռուսաստանը հաջողություններ ունենա Ուկրաինայում իրականացվող հատուկ ռազմական գործողություններում, քանի որ դրանից է կախված Հարավային Կովկասի, այդ թվում նաև Հայաստանի հետագա ճակատագիրը:

«Հայաստանում գործում են արեւմտամետ ՀԿ-ներ, որոնք այսօր՝ ներկայիս աշխարհաքաղաքական գործընթացների համատեքստում, հակառուսական քարոզչությամբ են զբաղված։ Ակտիվ քարոզչություն է ընթանում պատմության եւ պատմական ճշմարտության խեղաթյուրման մասով, ինչպես նաեւ հերոսացվում են այնպիսի նացիստներ, ինչպիսիք են՝ Ստեփան Բանդերան Ուկրաինայում, ինչը շատ վտանգավոր երեւույթ է», - հավելեց բանախոսը։

Բանախոս Արման Ղուկասյանն ընդգծեց, որ երիտասարդ սերունդը պետք է իմանա իր պատմությունը և պետք չէ  արտաքին ուժերի սադրանքներին մատնվել, որոնք նպատակ ունեն այսօր թուլացնել հայկական պետությունը:

Ըստ Ա. Ղուկասյանի, Հայաստանում վերջին տասնամյակների ընթացքում գումարներ են ներդրվում, որպեսզի հայ հասարակությանը ստիպեն փոխել իրենց մտածելակերպը, մոռանալ իրենց պատմությունը եւ հրաժարվել իր իրական դաշնակցից` ի դեմս Ռուսաստանի: Փորձագետը նշեց, որ սա է ժամանակակից նացիզմի դրսևորումը, եւ նման ապակառուցողական աշխատանքը, ի վերջո, հենց դրան է հանգեցնում, ինչը մենք տեսնում ենք այսօրվա Ուկրաինայի օրինակով:

Միջոցառմանը ներկա էին 30 ուսանողներ եւ մագիստրանտներ Հայաստանի տարբեր բուհերից:

Փորձագետների ելույթներից հետո սկսվեց ակտիվ բանավեճ, ինչպես նաեւ բանախոսները պատասխանեցին ուսանողությանը հետաքրքրող հարցերին:

Այս թեմայով Ակնհայտ է, որ Արեւմուտքը հոգնել է այս ամենից. Մհեր Հակոբյան Առավոտյան պատգամավորները կուղղեկցեն Սամվել Վարդանյանին Երեւանի քննչական տեղափոխող մեքենային Սկսում ենք Նիկոլին հանձնման, եթե կուզեք՝ զիջման կամ փոխզիջման գործընթաց. Արման Մխիթարյան Տեղի են ունեցել գաղտնի բանակցություններ՝ ԱՄՆ-ի ու Իրանի միջեւ. Թեհրանն ավելի խորամանկ է գործում Ինչպես պահել պետությունը` Վրաստանի ու Ղրղզստանի օրինակով. Աղվան Պողոսյան