«Պայքարի հարթակում բացակայում է մի տաղանդավոր գլխավոր հերոս».ՄՀԵՐ ՄԿՐՏՉՅԱՆ  

 «Իրա­վուն­քը» զրու­ցել է Մհեր Մկրտչյա­նի ան­վան թատ­րո­նի գե­ղար­վես­տա­կան ղե­կա­վար, ռե­ժի­սոր ՄՀԵՐ ՄԿՐՏՉՅԱ­ՆԻ հետ:

— Ի՞նչ կա­սեք հա­յաս­տա­նյան կի­նո­­ար­տադ­րու­թյան մա­սին: Բյու­ջեն ար­դյոք ո­րա­կով ֆիլ­մեր ստեղ­ծե­լու՞ն է տրա­մադր­վում:

— Չեմ հա­մա­գոր­ծակ­ցում պե­տա­կան կա­ռույց­նե­րի հետ ու չեմ կա­րող դա­տել բյու­ջե­ի դե­րա­կա­տար­ման մա­սին ո­րա­կի մեջ: Կար­ծում եմ` բո­լոր ֆիլ­մե­րը ցու­ցադր­վում են կի­նո­թատ­րոն­նե­րում, իսկ լավ ֆիլ­մե­րի դեպ­քում լի­նում է հան­դի­սա­տե­սի ար­ձա­գան­քը սոց­ցան­ցե­րում:

— Ին­չո՞վ եք ա­ռա­ջին հեր­թին ո­գեշնչ­վում, երբ ընտ­րում եք հեր­թա­կան նա­խա­գի­ծը:

— Ցա­վոք, պետք է տամ ստան­դարտ պա­տաս­խան` թե­ման: Կա՛մ ապ­րում ես դրա­նով, կա՛մ` ոչ: Երբ ապ­րում եմ` փոր­ձում եմ լավ ֆիլմ նկա­րա­հա­նել:

— Ա­յսօր­վա կի­նո­յի լեզ­վի մա­սին ի՞նչ կար­ծիք ու­նեք:

— Կի­նո­նե­րը տար­բեր են: Ես խո­սակ­ցա­կան, բնա­կան, բայց լավ հա­յե­րե­նի կողմ­նա­կից եմ:

— Կի­նո­յում կա՞ մի ժանր, որ եր­բեք չեք նկա­րա­հա­նի եւ մեր­ժում եք:

— Կար­ծում եմ` ոչ... Ու­րիշ հարց` կա­րող եմ ես այդ ժան­րում աշ­խա­տել, թե` ոչ: Ֆան­տաս­տի­կան ի­մը չէ:

— Պատ­մա­կան ֆիլ­մե­րի պա­կաս կա այ­սօր­վա հայ­կա­կան կի­նո­յում: Չե՞ք մտա­ծել այդ թե­մա­յով ֆիլմ նկա­րա­հա­նել:

— Այ­սօր ա­նում եմ այն, ինչ հու­զում է ինձ` ա­վար­տում եմ «Իշխա­նու­թյուն 2» ֆիլ­մը: Ինչ կլի­նի վա­ղը` կլի­նի վա­ղը:

— Ի՞նչ կար­ծիք ու­նեք «Ոսկե ծի­րա­նի» եւ նման փա­ռա­տոն­ե­րի վե­րա­բե­րյալ:

— Դրա­կան: Յու­րա­քան­չյուր կի­նո­յի տոն` լավ բան է:

— Ղե­կա­վա­րում եք Մհեր Մկրտչյան թատ­րո­նը: Այ­սօր թատ­րոն ղե­կա­վա­րե­լը Հա­յաս­տա­նում ի՞նչ խնդիր­նե­րի ա­ռաջ է կանգ­նեց­նում:

— Խնդիր­նե­րը նույնն են` գտնել լավ հե­ղի­նակ­ներ, ռե­ժի­սոր­ներ, դե­րա­սան­ներ, ստեղ­ծել լավ ներ­կա­յա­ցում­ներ: Հի­մա մեր թատ­րո­նը կանգ­նած է վե­րա­նո­րոգ­ման շե­մին: Հույս ու­նեմ, որ մին­չեւ տար­վա վերջ կա­վարտ­վի:

— ԿԳՄՍ նա­խա­րա­րու­թյան վա­րած քա­ղա­քա­կա­նու­թյան մա­սին ի՞նչ կար­ծիք ու­նեք: Հատ­կա­պես, երբ հի­մա դրել են քննարկ­ման մշա­կու­թա­յին գոր­ծիչ­նե­րին կո­չում­նե­րից զրկե­լու հար­ցը:

— ԿԳՄՍ նա­խա­րա­րու­թյան ո­րե­ւէ բան չեմ ու­զում քննար­կել: Նրանք ինձ հա­մար ժա­մա­նա­կա­վոր վնա­սա­կիր­ներ են: Երբ նո­րից պե­տու­թյուն կու­նե­նանք` սի­րով կխո­սեմ նա­խա­րա­րու­թյան մա­սին:

— Մշա­կույ­թի աշ­խար­հի այն քչե­րից եք, որ դուրս եք ե­կել պայ­քա­րի՝ ընդ­դեմ Նի­կոլ Փա­շի­նյա­նի եւ նրա վար­չախմ­բի: Ըստ Ձեզ, ո՞րն է պատ­ճա­ռը, որ այդ պայ­քարն այդ­պես էլ լու­ծում չի ստա­նում:

— Հար­թա­կում գտնվող մի տա­ղան­դա­վոր գլխա­վոր հե­րո­սի բա­ցա­կա­յու­թյու­նը…

ՆՈՒ­ՆԵ ԶԱ­ՔԱ­ՐՅԱՆ

Այս թեմայով Փաշինյանը 2018-ին սպանել է հայաստանի պետականությունը. Աննա Մկրտչյան Ակնհայտ է, որ Արեւմուտքը հոգնել է այս ամենից. Մհեր Հակոբյան Առավոտյան պատգամավորները կուղղեկցեն Սամվել Վարդանյանին Երեւանի քննչական տեղափոխող մեքենային Պատգամավորները երաշխավորություն են ներկայացնում՝ Աշոտյանի խափանման միջոց կալանքը փոխելու համար Ելույթս թիրախին խփել է, տեղ է հասել... Ալեն Սիմոնյանը հանձնարարական էր ստացել. Աննա Մկրտչյան