Հայ ազգ, քե՛զ եմ դիմում, դու ո՞ւմ դերն ես ստանձնելու. Ալլա Հակոբյան
Հասարակություն«Այսօր, երբ Հայաստանում դեռ կան մարդիկ, ովքեր անգլոսաքսերի պարկապզուկի տարբեր խողովակների միջոցով շարունակում են զռալ. «Թող ղարաբաղցիները գնան իրանց Ղարաբաղը», երբ ՀՀ իշխանությունները եւ նրանց յուրայինները աշխարհի տարբեր վայրերում ֆոտոսեսիներ են անում եւ՝ իրենցով հիացած, տեղադրում դրանք համացանցում, երբ ՀԱՅԿԱԿԱՆ Աղավնոյի բնակիչներին ՍՏԻՊՈՒՄ են ձեռքն առնել ուղտավորի ցուպ եւ միանալ տասնյակ հազարավոր մեր տեղահանված հայրենակիցներին, հարկ եմ համարում տեղադրել մի նկար, որը միաժամանակ ՓԱՌԱԲԱՆՈՒՄ է Թեհլերյանին, բայց եւ ԱՀԱԶԱՆԳՈՒՄ ներկաներիս վտանգի մասին:
Նկարը արվել է 44-օրյա պատերազմից կես տարի ԱՌԱՋ՝ Թալեաթի մահվան կապակցությամբ: Թե այս Գորշ Գայլի պաշտողներն ի՜նչ բերեցին հայի գլխին՝ հայտնի է ամենքիս... Այդ նույն գարնանային օրերին՝ պատերազմից կես տարի առաջ, Նիկոլը ՓԱԿԵՑ քարտեզագրության ինստիտուտը... Հավանաբար, նույնպես Թալեաթի մահվան կապակցությամբ, որպեսզի ժամացույցի ճշգրտությամբ՝ մեկը մյուսի ետեւից, թուրքերին հանձնվող ՀԱՅԿԱԿԱՆ ՀՈՂԵՐԸ հայտարարի թուրքական... Եվ այսպես՝ թուրքերն, արդեն 2021 թ. մարտի 15-ը՝ այսինքն, Թալեաթի սպանության 100-ամյակի օրը, դիմավորեցին արդեն իսկ կատարված եւս մեկ ցեղասպանությամբ՝ այժմ յաթաղանին փոխարինած Bayraktar-ներով... Եվ դեռ կան միամիտներ, ովքեր այս Գորշ Գայլ պաշտողների հետ մտադիր են ԽԱՂԱՂՈՒԹՅԱՆ տուն-տունիկ խաղա՞լ, ուր էրդողանը կլինի պապան, Իլհամն էլ հոպարը... ՀԱՅ ազգ, քե՛զ եմ դիմում, դու ո՞ւմ դերն ես ստանձնելու...», - գրել է գրող, հրապարակախոս ԱԼԼԱ ՀԱԿՈԲՅԱՆԸ եւ հրապարակել լուսանկար՝ 2020 թվականին ԶԼՄ-ներից մեկում հրապարակված հոդվածի, այնուհետեւ հավելել է. «Հոդվածի վերնագրում մի վրիպում կա՝ մարտի 15-ը Թալիաթի մահվան օրն է»: