Հուլիսի 23-ին տեղի կունենա ՄՄԱ-ի իմ առաջին մարտը. Կամո Ունանյան

«Իրավունք TV»- հյուրը սպորտային կարատեյի աշխարհի եռակի չեմպիոն, Եվրոպայի հնգակի չեմպիոն, Հայաստանի կարատեյի հիմնադիր Կամո Ունանյանն է։

- Նախ կնդրեմ, մեր հանդիսատեսի համար մանրամասնել, թե ի՞նչ է նշանակում սպորտային կարատե։

-Սպորտային կարատեն դա Օլիմպիական կարատեն է, որը որ Օլիպիական ընտանիքում է, որը որ միջազգային Օլիպիական կոմիտեյի կողմից 1997թվ-ին համարվել է սպորտաձև։

-Իսկ մենք մեր կազմով ե՞րբ կներկայանանք Օլիպիական խաղերին։

-Հուսով եմ 2024 թվականին կունենանք մասնակից և Փարիզում կայանալիք Օլիպիական խաղերին արդեն կներկայանանք մեր կազմով։ Ունենք լավ պատրաստված տղաներ՝ երիտասարդների լավ հավաքական։ Թե երիտասարդների , թե մեծահասակների գլխավոր մարզիչը իմ ընկեր՝ Սերյոժա Մակարյանն է, ով ջանք ու եռանդ չի խնայում սաներին մարզելու գործում։ Եւ բնականաբար բոլորս ամեն բան անելու ենք, որ ոչ միայն Օլիպիական խաղերի մասնակից ունենանք այլ նաև Եւրոպայի առաջնությունների հաղթողներ։

-Ես գիտեմ, որ չորս տարվա մեջ Դուք ունեցել եք չորս վիրահատություն, բայց հաղթահարել եք այդ դժվարին ցավերը Դուք բոլորովին վերջերս կրկին Եվրոպայի չեմպիոն դարձաք։

-Այո , ունեցել եմ չորս վիրահատություն՝ մեջքի հատվածում։ Շատ լուրջ վնասվածք եմ ունեցել և ունեմ։ Միայն մեջքս չէ, որ վնասված է։ Աջ ձեռքս քսանից ավելի անգամ կոտրվել է։ Առհասարակ յուրաքանչյուր պրոֆեսիոնալ մարզիկ, եթե լուրջ հաջողությունների է հասնում , ապա չի կարող լիարժեք առողջ լինել, որովհետև այդ հաջողությունները գալիս են քրտնաջան աշխատանքից։ Եւ եթե սպորտսմենը ունի կամքի ուժ , ապա հաղթահարում է ցավը, դժվարությունները։ Օրինակ ես, քսանհինգ տարի աշխարհի մեդալ եմ նվաճել։ Առաջին աշխարհի մեդալս եղել է 1997 թվականին, իսկ վերջինը՝ 2021-ին։ Քսանհինգ տարվա ընդացքում մեկ հատ էլ Եւրոպայի մեդալ, այսինքն ես սպորտային մեծ դժվարություններ եմ հաղթահարել, որ շատերը դրա կեսը տեսնելուց անգամ չէին էլ ցանկանա սպորտի մասին մտածել։

Այստեղ շատ կարևոր պահ կա․ ես երբեք չեմ նայել պետական պարգևներին, ոչ էլ հովանավորներին։ Այսինքն իմ միջոցներով, դժվարություններով, երիտասարդ տղա լինելով հանդերձ՝ 19-20 տարեկանում գնացել եմ Եվրոպա, մրցաշարերի եմ մասնակցել, որպեսզի ունենամ հաջողություն, որպեսզի բարձր պահեմ իմ երկրի անունը , իմ եռագույնը։ Դա շատ դժվար է։ Այսօր շատերը մի փոքր ֆինանսական խնդիրներ են ունենում, միանգամից չեն ուզում պարապել։ Սակայն ես հաղթահարել եմ նմանատիպ դժվարություններ իմ կամքի, կարգապահության շնորհիվ։

Հիմա ոմանք մի երկու մրցում են հաղթում, սկսում են մեծ-մեծ ներկայացնել։ Ես համարում եմ, որ նման սպորտսմենները երկար չեն գնա։ Չեմ հասկանում նաև, որ մարզումները ուղիղ եթերով նկարում են ամեն անգամ։ Յուրաքանչյուր պրոֆեսիոնալ մարզիկ պիտի լինի համեստ ու զուսպ։ Ես իմ առաջին հաղթանակից հինգ օր հետո վերսկսել եմ մարզումներս , որպեսզի կրկին հաղթեմ։ Անշուշտ միայն ուրախ կլինեմ , որ մեր մարզիկները միշտ փայլեն ու բարձրացնեն մեր դրոշը ու կապ չունի սպորտաձևը։ Եւ մենք ունենք նմանատիպ մարզիկներ, որոնց ես ճանաչում եմ։

-Մեր աբողջ նպատակն է լուսաբանել սպորտը , ի դեմս Ձեզ եւ մեր չեմպիոնների, որպեսզի եկեղ սերունդը իմանա, թե ովքեր են բազմիցս բարձր պահել մեր դրոշը եւ տարբեր երկրներում հնչեցրել մեր հիմնը։ Իսկ չեք կարծու՞մ այդքան նկարելը  ժամանակի թելադրանքն է։

-Իհարկե պետք է լուսաբանել, դա պետք է անել պետական մակարդակով, մամուլի օգնությամբ։ Գիտեք մարզիկ կա, ով գնում է մարզվելու, բայց այդքան չի մարզվում , որքան նկարուվում է։ Դա նորմալ կլինի երբ լուրջ հաջողություն գրանցվի և լուսաբանվի։ Օրինակ, իմ մարզումները դա իմ ներքին խոհանոցն է և ես չեմ նկարում այն։ Հուլիսի 23-ին լինելու է իմ ՄՄԱ- դեբյուտային մարտը, Գազ Պռոմ արենայում որը շատ լուրջ մրցաշար է։ Ես այդ օրը առաջին անգամ մենամարտելու եմ ՄՄԱ- կանոններով։ Ես չեմ պատրաստվում լուսաբանել, թե ես ինչպես եմ մարզվում ու պատրաստվում մրցմանը։

-Ինչպես կգնահատեք երիտասրդների ներգավածությունը սպորտում։

-Առհասարակ սերունդը պիտի լինի մարզված։ Այսօր սերունդի մետ կա խնդիր հեռախոսներով զբաղվոլու։ Ծնողները պետք է լինեն հետևողական։ Ինչպս նաև ամբողջ ուժով պետք է լուսաբանվի սպորտը, որպեսզի սեր ու հետաքրքրություն առաջացնի երեխայի մեջ։ Օրինակ դուք շատ լավ բան եք անում, լուսաբանում եք մեր լեգենդներին։ Ես դիտել եմ Ձեր հաղորդումները և եղել են լեգենդար մարզիկներ։ Փառք ու պատիվ իրենց։ Այ ձեր հաղորդումները նայելով երեխաները պետք ա ասեն ու մտածեն, որ եթե իրեն հիմա լուսաբանում են , մեծարում են , ապա նույնը կարող է լինել նաև իմ հետ։ Ու մեծ ցանկություն առաջանա նրանց մեջ առաջ գնալու, մարզվելու։

Ցավոք այսօր երիտասարդ տղաները որոնք զբաղբում են սպորտով մի պահ մտածում են, որ չեն կարող այս կամ այն սպորտաձևով գումար վաստակել, միանգամից հիասթափվում են։  Սա շատ լուրջ խնդիր էև մեկ , կամ երկու հոգու խնդիր չէ սա։ Պետք է լինեն բարերարներ, հովանավորներ։ Կան մարդիկ, ովքեր ցանկանում են հովանավորել, բայց մեկ դրամ ներդրման դեպքում ակնկալում են մի քանի դրամ ավելին։ Այդեպես չի կարող լինել։

-Դուք նաեւ Հայաստանի կարատեյի միության հիմնադիրն եք, ինչպե՞ս են ձեր մոտ այդ հարցերը։

-Այո ես Հայաստանի կարատեյի միության հիմնադիրն եմ ։ Մենք ունեինք հովանավոր, սակայն հիմա չունենք։ Բայց ոչ թե, որ մեր տղաները վատ են եղել մարզված։ Մենք լուրջ արդյունքներ ենք ունեցել։ Սակայն չունենք հովանավոր։ Ու երբ առաջարկում ես մարդկանց հովանավոր կանգնել  լավ մարզիկներին այնպես են նեղվում գումարից, որ ․․․։ Բնական է, ես ինքս հովանավորել եմ ու դա կհաստատեն բոլորը, բայց։

Նանա Սարգսյան

Այս թեմայով Ունանյանի սպորտային կարիերան վտանգի տակ է Գեղեցիկ հարվածով Ունանյանը նոկաուտի ենթարկեց Մագամբոեվին Կամո Ունանյանը հաղթանակը նվիրեց Արա Մարտիրոսյանի հիշատակին Կամո Ունանյանը կրկին հաղթանակներով է վերադարձել հայրենիք Հայաստանի կարատեի միության նոր աջակիցն է Կարեն Մարգարյանը