Մեր հարաբերությունները ՌԴ-ի հետ փչացնելը թուրքի ամենօրյա օրակարգն է. Ալլա Հակոբյան

«Ե՞րբ պետք է դիվանագիտություն սովորեք... Բառի բուն իմաստով զռացող ռեպորտաժ... Անթաքույց միակողմանի լրատվություն, որը հարիր չէ իսկական եւ ազնիվ լրագրողի... Սակայն Բաքվի պատվերով կատարված ռեպորտաժին ափալ-թափալ արձագանքում եք եւ փորձում լրագրողի՝ մեղմ ասած, միակողմանի մեկնաբանությունը բարձրացնել դեսպանի մակարդակի եւ բարդել նրա ուսերին... Ինչո՞ւ... Որովհետեւ մեր հարաբերությունները Ռուսաստանի հետ փչացնելը թուրքի ամենօրյա օրակարգն է՞... Քանի անգամ է Ալիեւը ծաղրել ՀՀ վարչապետի աթոռը զբաղեցնողին... Քանի՞ անգամ եք ափալ-թափալ՝ իրար հերթ չտալով, արձագանքել... Վրդովված ե՞ք՝ դիմե՛ք լրագրողական համայնքին... Հակադարձեք գիտելիքներո՛վ, փաստերո՛վ, ընդ որում՝ տարբեր լեզուներով... Իսկ եթե այդ ռեպորտաժի հիմնական թիրախը Հայաստանում Ռուսաստանի դեսպանն էր եւ նա "должен быть вызван в МИД", ուրեմն՝ թուրքն իր նպատակին հասավ... Եթե սրտներդ ցավում է՝ 24/7 ռեժիմով օգտագործեք ձեր լրագրողական ձիրքը Հայաստանի եւ Արցախի դիրքերը ամրապնդելու համար եւ թրքահաճո "должен быть вызван в МИД" պահանջով ջուր մի լցրեք մեր թշնամիների ջրաղացին...», - գրել է գրող, հրապարակախոս ԱԼԼԱ ՀԱԿՈԲՅԱՆՆ` անդրադառնալով ՌԴ պետական ​​հեռուստաալիքի եթերում թողարկված ռեպորտաժին, որն ադրբեջանցիների կողմից օկուպացված հայկական Շուշիի մասին էր, սակայն ներկայացված պրոադրբեջանական դիրքերից։