Սա հեր­թա­կան «մտրակն» է գլխա­վոր դա­տա­խա­զին հաշտ ու հա­մե­րաշխ թո­շա­կի ճա­նա­պար­հե­լու հա­մար. Մանասերյան

Նի­կոլ Փա­շի­նյա­նին` որ­պես մե­ղադ­րյա­լի ներգ­րա­վե­լու 44-օրյա պա­տե­րազ­մի զո­հե­րի ծնող­նե­րի եւ հա­րա­զատ­նե­րի միջ­նոր­դու­թյան լու­ծու­մը հե­տաձգ­վել էր: Հա­կա­կո­ռուպ­ցի­ոն կո­մի­տեն էլ հայտ­նել էր, որ միջ­նոր­դու­թյան լու­ծու­մը հե­տաձգ­վել է «մին­չեւ դրա վե­րա­բե­րյալ որո­շում ըն­դու­նե­լու հա­մար էա­կան հան­գա­մանք­նե­րի պար­զու­մը»: Ի վեր­ջո, եթե ոչ քա­ղա­քա­կան, ապա իրա­վա­կան ճա­նա­պար­հով հնա­րա­վոր լի­նե­լո՞ւ է Նի­կոլ Փա­շի­նյա­նի հե­ռա­ցու­մը իշ­խա­նու­թյու­նից, «Իրա­վուն­քը» հե­տաքրքր­վեց մի­ջազ­գայ­նա­գետ-քա­ղա­քա­գետ, քա­ղա­քա­կան գի­տու­թյուն­նե­րի թեկ­նա­ծու, իրա­վա­բան ԼԻ­ԼԻԹ ՄԱ­ՆԱ­ՍԵ­ՐՅԱ­ՆԻՑ:

– Պա­տաս­խա­նեմ հա­կիրճ` ոչ: Փա­շի­նյա­նը գի­տի, թե ինչ­պես մարդ­կանց «կա­ռա­վա­րել», ծի­ծա­ղե­լի կլի­նի մտա­ծել, որ գլխա­վոր դա­տա­խա­զը, կամ այլ քննչա­կան մարմ­նի ղե­կա­վար կհա­մար­ձակ­վի հա­րու­ցել մի քրգործ, որում Փա­շի­նյա­նը կաս­կա­ծյա­լի կամ մե­ղադ­րյա­լի կար­գա­վի­ճակ կու­նե­նա: Նույ­նիսկ չեն հա­մար­ձակ­վի վկա­յի կար­գա­վի­ճա­կով ներգ­րա­վել նրան, քա­նի որ հստակ գի­տեն, որ իրենց դեմ ավե­լի շուտ քրգործ կհա­րուց­վի Փա­շի­նյա­նի ան­մի­ջա­կան կար­գադ­րու­թյամբ: Այ­սօր Հա­յաս­տա­նում ար­դա­րա­դա­տու­թյան, օրեն­քի գե­րա­կա­յու­թյան, օրեն­քի առաջ բո­լո­րի հա­վա­սա­րու­թյան մա­սին խո­սելն անի­մաստ է: Հա­յաս­տա­նը ավ­տո­րի­տար պե­տու­թյուն է, մե­նիշ­խա­նու­թյուն է, եւ կա­րե­ւոր չէ, որ այդ մե­նիշ­խա­նու­թյան գի­նը պե­տու­թյան կո­րուստն է: Դուք հղում եք անում Հա­կա­կո­ռուպ­ցի­ոն կո­մի­տեի հայ­տա­րա­րու­թյա­նը, սա­կայն ես խոր­հուրդ կտա­յի, որ­պես լրագ­րող, այդ նույն կո­մի­տեի քննի­չից պար­զե­իք, թե ինչ «էական հան­գա­մանք­ներ են պար­զում»` այն դեպ­քում, որ այդ հան­գա­մանք­նե­րը պար­զե­լու հա­մար բա­վա­կա­նին ժա­մա­նակ ու­նե­ին, ի՞նչ քննչա­կան գոր­ծո­ղու­թյուն­ներ պետք է անեն, որը մինչ այս պա­հը չեն կա­րո­ղա­ցել անել: Ես մեկ ան­գամ ասել եմ` այս քրգոր­ծը Նի­կոլ Փա­շի­նյա­նի հեր­թա­կան մա­նի­պու­լի­ա­ցի­ան է: Նա գոր­ծով, կար­ծում եմ, կար­գա­վի­ճակ կստա­նա, եթե տե­ղի ու­նե­նա իշ­խա­նա­փո­խու­թյուն կամ հե­ղա­փո­խու­թյուն, եթե այդ բա­ռը ավե­լի հա­ճո է, մյուս բո­լոր դեպ­քե­րում Հա­կա­կո­ռուպ­ցի­ոն կո­մի­տեն կշա­րու­նա­կի «էական հան­գա­մանք­նե­րի պար­զե­լու» որո­նո­ղա­կան աշ­խա­տանք­նե­րը: Իրո­նիա չկա ասա­ծիս մեջ:

– Դուք գրել էիք, որ 44-օրյա պա­տե­րազ­մին առնչ­վող քրգոր­ծի հետ կապ­ված մեծ ճնշում է գոր­ծադր­վում գլխա­վոր դա­տա­խա­զի նկատ­մամբ, որի հա­մար էլ տու­ժո­ղի հա­ղորդ­ման հի­ման վրա վե­րա­բաց­վել է նրա հա­րա­զատ­նե­րին վե­րա­բե­րող ինչ-որ քրգործ, ին­չը շտա­պել էր հեր­քել դա­տա­խա­զի խորհր­դա­կա­նը: Կբա­ցե՞ք փա­կագ­ծե­րը` ի՞նչ է տե­ղի ու­նե­ցել, մի՞թե մին­չեւ պաշ­տո­նա­վար­ման ավար­տը լռե­լու է Ար­թուր Դավ­թյա­նը:

– Ես նույն­պես մա­մու­լում նկա­տե­ցի, որ գլխա­վոր դա­տա­խա­զի խորհր­դա­կա­նը շտա­պել էր հայ­տա­րա­րել, որ որե­ւէ քրգործ չկա հա­րուց­ված, որում ներգ­րավ­ված լի­նեն գլխա­վոր դա­տա­խա­զի ազ­գա­կան­նե­րը, հի­շեց­նեմ, սույն քրգործն ան­մի­ջա­պես վե­րա­բե­րում է Ա. Դավ­թյա­նի եղ­բո­րը եւ նրա տղա­յին: Մե­ղադր­վում են մար­դու առե­ւանգ­ման եւ խոշ­տանգ­ման մեջ: Գի­տեք, երբ պե­տա­կան պաշ­տո­նյան սկսում է ստել հան­րու­թյա­նը, ապա այդ պա­հից եւեթ նրան պետք է հե­ռաց­նել այդ պաշ­տո­նից, քա­նի որ, եթե պաշ­տո­նյան չի ու­նե­նում բա­րո­յա­կան սկզբունք­ներ, ապա նրա կա­ռա­վար­ման ամեն մի րո­պեն վտան­գա­վոր է հան­րու­թյան հա­մար, հատ­կա­պես այն ոլոր­տի շա­հա­ռու­նե­րի, որոնց հար­ցե­րով պետք է զբաղ­վի տվյալ պաշ­տո­նյան: Իսկ այս պա­րա­գա­յում ար­դա­րա­դա­տու­թյուն իրա­կաց­նող ան­ձինք, ու­ղիղ նա­յե­լով քա­ղա­քա­ցի­նե­րին, մար­տի­րոս­ված մեր հա­յոր­դի­նե­րի ծնող­նե­րի աչ­քե­րի մեջ` ստում են:

Այս­պես, հա­րուց­ված քրգործ կա, հա­րուց­վել է ապ­րիլ ամ­սին, չնա­յած դեպ­քը ավե­լի վաղ է եղել, եւ որ­պես կաս­կա­ծյալ­ներ ներգ­րավ­ված են գլխա­վոր դա­տա­խա­զի հա­րա­զատ­նե­րը: Սկզբում կար որո­շում եղ­բոր տղա­յին ձեր­բա­կա­լե­լու մա­սով, սա­կայն մինչ այս պա­հը սա­ռեց­ված է այդ «որո­շու­մը», չնա­յած այն հան­գա­մա­քին, որ վեր­ջին­ներս մե­ղադր­վում են մար­դու առե­ւանգ­ման եւ խոշ­տանգ­ման մեջ: Ես մեկ ան­գամ քրգոր­ծի հա­մա­րը նշել էի, որ­պես­զի, եթե սի­րա­սուն գլխա­վոր դա­տա­խա­զը «տե­ղյակ» չէ այդ հա­րուց­ված գոր­ծից, ապա տե­ղե­կա­նա: Իսկ ավե­լի լուրջ` ինձ հա­մար հստակ է, որ սա հեր­թա­կան «մտրակն» է գլխա­վոր դա­տա­խա­զին հաշտ ու հա­մե­րաշխ թո­շա­կի ճա­նա­պար­հե­լու հա­մար:

ՀՐԱՆՏ ՍԱ­ՐԱ­ՖՅԱՆ

Այս թեմայով Երևանի եւ Աստանայի միջեւ հարաբերությունների զարգացման նոր հանգրվան Կառավարվող վարձկանների մի ոհմակ հարձակվել է Բագրատ Սրբազանի վրա՝ փորձելով նրան պիտակավորել. Լիլիթ Գալստյան Ակնհայտ է, որ Արեւմուտքը հոգնել է այս ամենից. Մհեր Հակոբյան Պնդում եմ եւ վերահաստատում իմ երաշխավորությունը. Լիլիթ Գալստյան Ինչպես պահել պետությունը` Վրաստանի ու Ղրղզստանի օրինակով. Աղվան Պողոսյան