Հարցը միայն փողոցում հավաքվելը չէ. Էդգար Ղազարյան

Լեհաստանում ՀՀ նախկին դեսպան, ՍԴ աշխատակազմի նախկին ղեկավար ԷԴԳԱՐ ՂԱԶԱՐՅԱՆԸ, հակադարձելով, որ «Դիմադրության» շարժման հանրահավաքների ժամանակ քիչ մարդ է հավաքվում, հարց է ուղղում` իսկ նոմինալ թիվը ո՞րն է` շատն ու քիչը հասկանալու համար:

– Եթե այդ թիվը պիտի լիներ, ասենք, 500, ապա առնվազն 5000-ը գոնե տասն անգամ շատ է: Եթե 50 հազարն է, ուրեմն` տասն անգամ քիչ է: Ես առաջարկում եմ, որ Նիկոլ Փաշինյանը ասի իր ուզած այդ նոմինալ թիվը: Թող ասի, որ եթե այդքան մարդ դուրս գա, ես հրաժարական եմ տալիս: Վստահ եմ` այդ օրը այդքան մարդ դուրս կգա փողոց: Հարցը  միայն փողոցում հավաքվելը չէ: Ինքան մարդ հավաքվում է, նրանք արտահայտում են ժողովրդի բացարձակ մեծամասնության ակնկալիքը: Հիմա, որ ամեն հինգշաբթի կառավարության նիստ է լինում, որոշումներ են կայացվում, քանի՞ մարդ է գալիս Հանրապետության հրապարակ` Նիկոլ Փաշինյանին սատարելու: Եթե մարդաչափով է, թող ամեն հինգշաբթի Հանրապետության հրապարակը լցվի իր կողմնակիցներով: Եթե իր որոշումներին սատարող 50 հազար մարդ չկա, ինչո՞ւ է մեր որոշումների համար 500 հազար մարդ պահանջում: Լեհաստանում Ուկրաինա-Հայաստան խաղն էր: Բոլորս էլ ուզում էինք, որ Հայաստանը հաղթի: Բայց հո բոլորս չէի՞նք գնացել Լեհաստան ու նրանց փոխարեն ֆուտբոլ խաղում: Տնից էինք երկրպագում: Բայց բոլորս էլ ուզում էինք չէ՞, որ Հայաստանը հաղթի: Նույնը հիմա է: Անկախ նրանից, թե մարդը որտեղ է, փաստ է, որ հասարակության երկու երրորդը չի ուզում, որ Նիկոլ Փաշինյանը ղեկավարի, մյուսներն էլ ուրիշ, անթույլատրելի բաներ են ասում: Անենաճիշտ, ամենաարդար լուծումն այն է, որ գնա հանձնվի իրավապահ մարմիններին: 72 ժամի կարգն էլ բավարար կլինի, որ իշխանափոխությունը օրենքով, խաղաղ, առանց որեւէ հեղաշրջման, որեւէ զինվորականի մասնակցության լինի: 

ՀՐԱՆՏ ՍԱՐԱՖՅԱՆ

Այս թեմայով Առավոտյան պատգամավորները կուղղեկցեն Սամվել Վարդանյանին Երեւանի քննչական տեղափոխող մեքենային Կարծես գժանոցի утренний обход-ի сводка լինի. Ալլա Հակոբյան Ինչ ուզում եք, արեք, ես անջատել եմ իմ ինքնապահպանման բնազդը. Նարեկ Մալյան Ադրբեջանին հանձնենք 4 գյուղերը, թե՞ այսօրվա իշխանավորներին. առաջարկում եմ՝ հանրաքվեի դնել. Հայկ Բաբուխանյան Իշխանական վախերը հասել է հիստերիայի