Թուրքերը պատրաստվում են ներխուժել Սիրիայի ինքնիշխան տարածք. Արման Աբովյան

«Թուրքիան վերջացնում է իր զինված ուժերի տեղակայման փուլը թուրք-սիրիական սահմանի երկայնքով։ Թուրքերը պատրաստվում են ներխուժել Սիրիայի ինքնիշխան տարածք։ «Մեծ Թուրան» նախագծի իրագործումը մնում է թուրքական արտաքին քաղաքականության առանցքային նպատակը։ Ի պատասխան ակնկալվող թուրքական ագրեսիվ գործողություններին` Սիրիայի նախագահ Բաշար Ասադը հայտարարել է, որ իր ժողովուրդը կռվելու է թուրք օկուպանտների դեմ օր ու գիշեր, բոլոր մեթոդները օգտագործելով եւ չի հանձնի թուրքերին գետ մեկ սանտիմետր Սիրիայի ինքնիշխան տարածքից», - գրել է ԱԺ նախկին պատգամավոր, քաղաքական մեկնաբան ԱՐՄԱՆ ԱԲՈՎՅԱՆԸ եւ, որպես հետգրություն, հեգնել է. «Հետաքրքիր մարդ է այս Բաշար Ասադը։ Ու ոչ մեկ չկա իր կողքին, որ վախվորած բղավի «Բաշար ջան, թուրքերը մեր նման մարդ են, ոչինչ, մի տաս կիլոմետր «էսկոմ-էնկոմ» ... զատո պատերազմ չի լինի ու վաբշե Ապագա Կա»: Կամ խորհուրդ տա Ասադին, որքան հնարավոր է շուտ հայտարարի «խաղաղություն դարաշրջանի» բացման մասին վայրենի, մարդասպան, բարբարոս, խուժան օկուպանտների հետ։ Էս սիրիացիները հեչ բան չեն հասկանում «խաղաղության» եւ արնախում թուրքի հետ առեւտրի եւ կոմունիկացիաների բացման կարեւորության մասին։

Զարմանալի մարդիկ են էլի»։