Ազգադավները չեն կարողանալու խեղդել այս շարժումը. Գեւորգ Գեւորգյան

Տեսանյութեր

Հայաստանյան ներքաղաքական իրավիճակի եւ արտաքին ազդակների վերաբերյալ «Իրավունքը» զրուցել է արցախյան երեք պատերազմների մասնակից, ռազմական-քաղաքական գործիչ ԳԵՎՈՐԳ ԳԵՎՈՐԳՅԱՆԻ հետ:

– Այս օրերին տեսնում ենք, թե ինչպիսի բիրտ ուժ է կիրառում ոստիկանությունը ընդդիմության ակցիաների ժամանակ: Ըստ Ձեզ, նման գործողություններով կարողանալո՞ւ են ճնշել Նիկոլ Փաշինյանի հրաժարականի պահանջով պայքարը:

– Համոզված եմ, որ այս ազգակործան եւ պետականակործան իշխանությունն ամեն կերպ փորձելու է ժողովրդի ցասումը ճնշել: Բայց, միեւնույնն է, չի հաջողվելու, որովհետեւ պայքարն անձերի միջեւ չէ, այլ հանուն հայրենիքի է: Իսկ հայրենիքը վեր է ամեն ինչից: Վստահ եմ՝ մեր պայքարը հաջողվելու է, որովհետեւ օր օրի, ժամ առ ժամ հասարակությունն ավելի ու ավելի է իրազեկվում ու հասկանում, որ իրականում ծանր վիճակում ենք: Այն, ինչ հիմա փորձում ենք անել, ինչքան առաջին հայացքից թվում է, թե դանդաղ քայլեր են, բայց իրականում դանդաղ չէ, այլ ձնագնդի էֆեկտն է ունենում: Հիմա դրվում է համահայկական, համաժողովրդական, համազգային շարժման հիմքերը, որի կայացմանը, կարելի է ասել, շատ մոտ ենք: Այնպես որ, այսօր իշխանությունում գտնվող ազգադավները չեն կարողանալու խեղդել այս շարժումը, այլ հակառակը՝ իրենց ամենօրյա քայլերով հիմնավորում են, որ սրընթաց քանդում են պետությունը, եւ ամենավերջին մարդն էլ, ով իրենց կուրորեն հավատում էր, հասկանում է, որ սրանք պետությունը տանում են կործանման: Հետեւապես, հարկավոր է միանալ այս շարժմանը:

– Այդուհանդերձ, շարունակվում են ձերբակալությունները, ամենօրյա ռեժիմով բերման են ենթարկվում հարյուրավոր ցուցարարներ, ամենաանհավանական քրեական գործերն են հարուցվում: Ի վերջո, ինչի՞ է հանգեցնելու այս ամենը:

– Առաջին գծի զինվորը պետք է հասկանա, որ իր թիկունքում հայն է կանգնած եւ ոչ մի սմ չպետք է զիջի թշնամուն, իսկ իրավապահ մարմինները պետք է հասկանան, որ մեր թշնամիներն արտաքին են: Մինչդեռ այսօր իշխանությունը զավթածների ազգանունները թեպետ «յան»-ով է վերջանում, բայց մեր հարեւան թշնամիների դրածոներն են: Ընդ որում՝ սրանք, պարզապես, խոսքեր չեն, իրականում այս 4 տարվա ընթացքում սրանք միայն պառակտում ու չարություն են մտցրել հայի տուն, մարդիկ սկսել են հեռանալ իրարից: Թուրքն այսօր գովում է այս իշխանությանը եւ ասում, որ իրենց ձեռք է տալիս: Եվ եթե մի իշխանություն թուրքին ձեռք է տալիս, այն չի կարող ձեռք տալ հային: Սա շատ պարզ բանաձեւ է, որը պետք է հասկանալ: Կարծում եմ՝ մեր իրավապահ մարմիններն էլ հասկանում են, մնում է ինչ-որ վայրկյանին իրենց մեջ համարձակություն գտնեն սա ընդունելու համար: Ի վերջո, միայն մի կտոր հանապազօրյա հացով չեն ընտանիք պահում, այլ նաեւ թասիբով, պատվով ու արժանապատվությամբ: Որ պահին եւ վերջնական կհասկանան սա, իրենք եւս կկանգնեն ժողովրդի կողքին: Այն հինգ հազար տղաները, որ երկինք բարձրացան, իրենք նույնպես ունեին ցանկություններ եւ երազանքներ՝ ընտանիք ստեղծելու ու պահելու, ուստի՝ հարկավոր է, որ մեր իրավապահ մարմինների, սպաների եւ ընդհանրապես՝ հայ մարդու արժանապատվությունն այնքան բարձր լինի, որ հասկանան՝ այս ամենն այսպես չի՛ կարող մնալ:

– ՀՀ-ում ԱՄՆ դեսպան Լին Թրեյսին հայտարարել է, թե իրենք հանձնառու են օգնել հայ ժողովրդին՝ կառուցելու այնպիսի ապագա, որի հիմքում ընդհանուր ժողովրդավարական արժեքներն են, ու այն ճանապարհը, որ հայ ժողովուրդն ընտրեց 2018 թվականին եւ մեկ անգամ եւս վերահաստատեց 2021 թվականի խորհրդարանական ընտրությունների ժամանակ: Ըստ էության, ամերիկյան դեսպանատունն իր աջակցությունն է հայտնում Նիկոլ Փաշինյանին: Իսկ մյուս կողմից վերջինիս հաջողվում է Մոսկվայում դեռ առանձնազրույցներ ունենալ ՌԴ նախագահ Վլադիմիր Պուտինի հետ: Սա նշանակո՞ւմ է, որ արտաքին ուժերի ջանքերով Նիկոլ Փաշինյանը կկարողանա երկարաձգել իր իշխանությունը:

– Խորապես համոզված եմ, որ այդպես չի լինի, եթե մենք չուզենք մեզ համար գտնել սողացող տեղեր, հետնահանջի ճանապարհներ, որով հիմնավորենք, թե իբր մեծ գերտերությունները ցանկանում են իշխանության ղեկին տեսնել սրան կամ նրան: Հայաստանն իմ տունն է, եւ իմ տան մեջ ոչ մեկը ինձ չի կարող ասել, թե ում եմ ես ընդունում, ում՝ ոչ, ով եմ ուզում կառավարի, ով չեմ ուզում կառավարի: Սա իմ տունն է եւ ո՛չ մի արտաքին ուժ, ո՛չ մի գերտերություն չի կարող որոշել իմ տան մեջ ով պետք է ապրի, ով՝ ոչ,  որոշումն իմն է: Դրանից հետո նոր կարեւոր են մեր փոխհարաբերություններն արտաքին քաղաքական ուժերի հետ, որոնք կկարգավորվեն: Այնպես որ, պետք չէ ասել, որ եթե Պուտինը կամ Բայդենը, Մակրոնն ու չգիտեմ ով ընդունում է, ուրեմն՝ վերջ: Այսօր մեր պետության առաջին դեմքը, որի ազգանունը «յան»-ով է գրվում, ցավոք, ներկայացնում է ոչ թե մեր, այլ թուրքի ու ադրբեջանցու շահերը, ինչն ուղղակի անթույլատրելի է:

– ՀԱՊԿ հոբելյանական գագաթաժողովին Նիկոլ Փաշինյանը բարձրաձայնեց անդամ երկրների կողմից Հայաստանի համար ոչ բարեկամ երկրին զենքի վաճառքի խնդիրը` շեշտելով, թե այդ զենքն արդյունքում օգտագործվել է Հայաստանի եւ հայ ժողովրդի դեմ: Ավելին` նա կշտամբեց ՀԱՊԿ անդամ երկրներին` նշելով, որ իրենց արձագանքը 2020 թվականի 44-օրյա պատերազմի ընթացքում եւ պատերազմից հետո այդքան էլ չոգեւորեց Հայաստանի Հանրապետությանը եւ հայ ժողովրդին: Ի՞նչ կասեք այս մասին:

– Մենք շատ լավ գիտենք, թե այդ գործընթացն ինչպես ընթացավ, եւ ինչ քայլերով էին նրանք դիմել ՀԱՊԿ-ին: Ամեն ինչ իր օրենքն ու ձեւն ունի, բայց այսօրվա իշխանությունը չգնաց այդ ճանապարհով, ու մեղքը փորձում է բարդել ուրիշների վրա: ՀԱՊԿ-ը համապատասխանաբար արձագանքել է այնպես, ինչին արժանի էին այս իշխանազավթները: Այդ կառույցն ունի գործելու իր ձեւաչափն ու արարողակարգը, հերի՛ք է բոլորին մեղադրենք մեր սխալների, բացթողումների, թերությունների մեջ: Ինքներս պետք է մեր խնդիրները լուծենք: Իսկ լուծելու համար բոլորս պետք է դառնանք մի բռունցք: Հակառակ դեպքում՝ ինչպես 107 տարի առաջ,այնպես էլ հիմա նույն ցեղասպանությունը քայլ առ քայլ տեղի է ունենալու, բայց այս անգամ տեղի է ունենալու մեր երկիրը զավթած իշխանության ձեռամբ:

– ՀՀ հատուկ հանձնարարություններով դեսպան Էդմոն Մարուքյանը օրեր առաջ  ներկայացրեց Հայաստանի կողմից ի պատասխան Ադրբեջանի 5 նախապայմանների՝ ներկայացված 6 կետերը: Մասնավորապես, նա նշել էր, թե հայկական կողմն Ադրբեջանից տարածքային պահանջ չունի: Ինչպե՞ս եք վերաբերվում առաջ քաշած այդ կետերին:

– Չեմ ուզում անուններ հնչեցնել, որովհետեւ նրանք ընդհանրապես արժանի էլ չեն հիշատակման, բայց ադրբեջանական 5 նախապայմաններից յուրաքանչյուրում ասվում էր՝ «տվեք, տվեք, տվեք… եւ սուս ու փուս վեր ընկեք տեղներդ, իսկ ի պատասխան հայկական կողմից հնչեցված վեց կետերից ամեն մեկում ասում է, որ «այո, համաձայն ենք», վերջին 6-րդ կետով էլ վերահաստատում՝ «էլ ինչպես ասենք, որ համաձայն ենք»: Այսինքն՝ ձեռք ձեռքի տված սրանք համագործակցում են: Այսօր Հայաստանում չունենք իշխանություն, եւ 2020 թվականի նոյեմբերի 10-ից հետո՝ մեր պետականությունը մեծ հարցականի տակ է արդեն վերջնական ձեւով: Դրա համար կա՛մ դուրս ենք գալիս պայքարի, կա՛մ՝ ոչ, բայց այդ «կա՛մ՝ ոչ»-ը պետք է բացառել բոլոր առումներով, որովհետեւ ընկալող զանգվածը պետք է հասկանա, որ թաքնվելով պայքարող ընկերների թիկունքում՝ չեն կարող խնդիրը լուծել, միայն հանապազօրյա հացով չէ, որ կարող են ապրել:

– Հավատո՞ւմ եք, որ խաղաղ ճանապարհով իշխանությունից հեռանալու է Նիկոլ Փաշինյանը:

– Նիկոլ Փաշինյանը ինչ ճանապարհներ էլ գծագրի, իր ուղին խաղաղ երբեք չի եղել: Նա չունի խաղաղություն: Ընդհանրապես՝ խաղաղությունն ու սերն Աստծուց է, իսկ Նիկոլն Աստծուց չէ:

ՀՐԱՆՏ ՍԱՐԱՖՅԱՆ

Դուք ինձ հունից հանում եք, համառորեն ուզում եք ինձանից ինչ-որ պատասխան ստանալ. Վահե Հակոբյանի նյարդերը այլեւս տեղի են տալիս«Ֆիլիպին պատմել էի Գառնիի մասին». ԲԵԴ­ՐՈՍ  ԿԻՐ­ԿՈ­ՐՈՎՀայկոն ինձ համար ոչ միայն եղբայր էր, այլ` երկրորդ հայր. երգչի եղբոր բացառիկ զրույցըՊետք է մեր գրականությունը «զենք» դարձնենք. Հերմինե ԱվագյանԱնդրեյ Ռազինը Յուրի Շատունովի մահվան մեջ մեղադրել է Ստավրոպոլի դատավորինԵղանակը՝ առաջիկա օրերինԿարլոս Սանտանան բեմում ուշագնաց է եղելԱՄՆ-ն Ուկրաինայի վերաբերյալ «անկեղծ զրույց» կունենա Չինաստանի հետՔաղաքացուն խեղդող ոստիկանի կոչումը բարձրացրե՞լ են. Ֆիդանյանի մեկնաբանությունըՏարածաշրջանում բարդություններ կլինեն. ՀԱՊԿ֊ը զգուշացնում էԾանր բան է ապրել ու ամեն օր` թեկուզ հեռվից տեսնել զինված բարբարոսներին, բայց դիմանում ենք, վախենալ չկա. Կյանքը Մեծ ՇենումՓախեք․ Կադիրովը դիմել է ԶելենսկիինԿարճ ասած՝ Ուկրաինան ստում է․ ԼավրովԱՊՊԱ չունենալու համար տուգանքը 4 անգամ կնվազի. Արմեն ԽաչատրյանՌԴ ԱԳՆ-ն Պետդեպի հայտարարությանը պատասխանել է Բրիթնի Սփիրսի երգից տողերովՕրենքով գողը ցուցում է տվել պատժել՝ «սատկացնել» իրեն չենթարկվողին․ մանրամասներԻնչպես են երկրպագուները դիմավորում Մխիթարյանին «Ինտերի» մարզաբազայի մոտ. տեսանյութՊայթյունից տուժած 4 անձ գտնվում է Վերակենդանացման բաժանմունքում. նրանցից մեկի վիճակը ծանր էԹշնամին Սեւ լճի հատվածում վերահսկում է ռազմավարական բարձունքներ եւ 13 քկմ տարածք. «Հետք»Մահացել է ՕՊԵԿ-ի գլխավոր քարտուղարըԴատախազությունից հրաժարվում են հանդիպել զոհված զինծառայողների հարազատների հետՌոնալդուն շարունակում է բոյկոտել «Մանչեսթեր Յունայթեդի» մարզումներըՁեռքներդ հեռո՛ւ Անժելա Թովմասյանից և ազատ խոսքի բոլոր նվիրյալներից. ՀայտարարությունԱրաբկիրի մի շարք հասցեներում 24 ժամով կդադարեցվի ջրամատակարարումըՎահե Հակոբյանը՝ մանդատը վայր դնելու մասին«Զգուշացում․ եթե նշված ծրագիրը կա Ձեր հեռախոսում՝ ջնջեք այն». Սամվել ՄարտիրոսյանԱդրբեջանի պաշտպանության նախարարությունը շարունակում է ապատեղեկատվություն տարածել. ՀՀ ՊՆՔյարամյանը բեսեդկի ջահելի տպավորություն թողեց. զոհված զինծառայողի ծնողԻրանի հետ ստատուս-քվոյի պահպանումը կարող է հանգեցնել միջուկային սպառազինությունների մրցավազքի. Յաիր ԼապիդԱդամը Շիֆը հայ գերիներին անհապաղ ազատ արձակելու կոչով Ազգային անվտանգության հատկացումների ակտի լրացում է ներկայացրելՀուլիսի 6. Օրվա խորհուրդԵրեկոյան ժամերին սպասվում է քամու ուժգնացումՊատասխանատվությունը մեծ է լինում, երբ գոտեմարտում ես Ադրբեջանի, Թուրքիայի ներկայացուցիչների դեմՊայթյուն՝ Աշտարակ քաղաքում գործող «Յունիբանկ»-ում, կա զոհ և վիրավորներ.Shamshyan.com«Ինքը մեր ընկերն է». Վիրահատվելուց հետո Ջհանգիրյանը լավ չէ՞. «Իրավունք»Դեն Բիլզերյանը ժամանել է Հայաստան ՀՈՒԼԻՍԻ 6-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ«Դայակ պետության հաշվին» ծրագիրը դադարեցվել է. «Ժողովուրդ»«Պատիվ ունեմ»-ը Թագուհի Թովմասյանին կհեռացնի՞. Ինչ կապ ունի նա Խաչատուր Սուքիասյանի հետ․ «Հրապարակ»«Ժողովուրդ». Պաշտոններից զրկելու հարցը ՍԴ-ում չեն վիճարկի«Հրապարակ». Ինչու է Արթուր Վանեցյանի որդին ազատվել բանակից«Պայքարի հարթակում բացակայում է մի տաղանդավոր գլխավոր հերոս».ՄՀԵՐ ՄԿՐՏՉՅԱՆ  «Հրապարակ». Հնարավո՞ր է արդյոք չարաշահումների ողջ մեղքը բարդել Հայկոյի վրաԳագիկ Ջհանգիրյանը հրաժարական է տվել Նիկոլ Փաշինյանին վիրավորելու համար․ «Ժողովուրդ»Ով կարող է դառնալ Երեւանի քաղաքապետ. «Հրապարակ»Լուկաշենկոն կոչ է արել «մեռնել, բայց խոտերը հավաքել» բերքահավաքի ժամանակԱմեն տեղ հորս եմ փնտրում. Հայրս ցավից չէր խոսում, իմ տան սյունը քանդվեց․ Մայքլ Քոթանջյան (Video)Բոլոր գունավոր հեղափոխականներն են շիզոֆրենի՞կ (Video).Գագիկ ՀամբարյանՊուտինը Լենինը չէ, երբեք նման ջիջումներ չի անի, ինչպես Լենինը՝ Քեմալին. Դավիթ Ջամալյան (տեսանյութ)ԵՄ-ում արդեն սկսել են տաք ջրի գրաֆիկ սահմանել
Հետևե՛ք -ին Youtube-ում`
Ամենադիտված
Ереван погода
1 $ = 0 Դրամ 1 = 0 Դրամ 1 = 0 Դրամ