Ինչ է սպասվում «Միսս ԱՊՀ-2022» մրցույթի մասնակիցներին

Հունիսի սկզբին Ալեքսանդր Սպենդիարյանի անվան օպերայի եւ բալետի ազգային ակադեմիական թատրոնում տեղի կունենա «Միսս ԱՊՀ-2022» մրցույթը, որը Հայաստանում անցկացվում է 2-րդ անգամ։

«Միսս ԱՊՀ» միջազգային գեղեցկության մրցույթի հիմնադիր Նաիրի Մնացականյանն ասաց, որ մրցույթն ունի մաշտաբային բնույթ, որին մասնակցում են 16 երկրների գեղեցկուհիներ ԱՊՀ-ից եւ ոչ միայն։ Իսկ մրցույթի նպատակներից ամենակարեւորը Հայաստանի ճանաչելիության մակարդակի բարձրացումն է, որը նաեւ լինելու է մրցույթի մասնակիցների շնորհիվ։

Մրցույթի ժյուրիի կազմը հայտնի է լինելու մրցույթից մի քանի օր առաջ՝ պահպանելու համար օբյեկտիվությունն ու անաչառությունը։ Ժյուրին բաղկացած է լինելու 13 անդամից, որոնցից 2-ը լինելու են հայեր, իսկ մնացած անդամները այլ երկրների ներկայացուցիչներ։

Մրցույթի տնօրեն Ռուբինա Գրիգորյանը հավելեց, որ մրցույթի մասնակիցները Հայաստանում լինելու են 15 օր, որոնց շրջանակում նախատեսված է շրջագայություններ եւ արշավներ ՀՀ ողջ տարածքում։ Մրցույթի մասնակիցները համացանցում ունենալով մեծ լսարան, կարող են նպաստել ՀՀ-ում զբոսաշրջության աճին, որն էլ կբերի այլ ոլորտների համար նոր մակարդակ։

Այս տարի մրցույթի առաջին՝ «Body» փուլի ընթացքում մասնակիցները կրելու են զուսպ եւ համեստ հագուստներ, երկրորդ փուլի ընթացքում մասնակիցները ներկայանալու են իրենց ազգային տարազով, որը իրենք են բերելու իրենց հետ, իսկ երրորդ փուլում կրելու են երեկոյան զգեստներ, որոնցով ապահովելու է նրանց Հայաստանը։ Հաղթող մասնակիցը ստանալու է թանկարժեք թագ, որը լինելու է նվեր այս տարվա գեղեցկուհուն եւ չի փոխանցվելու հաջորդ տարվա հաղթողին։ Սահմանված է նաեւ մրցանակային ֆոնդ։

Ռ. Գրիգորյանը նաեւ նշեց, որ պետական աջակցություն չկա եւ ամեն ինչ արվում է իրենց նախաձեռնությամբ ու միջոցներով։ Մրցույթը հետապնդում է հանրային շահ, որն էլ կարող է մի քանի տարի հետո Հայաստանի համար նոր դռներ բացել այս ոլորտում։

Մրցույթի մասնակիցների պատասխանատու Լիանա Ոսկերչյանի խոսքով՝ Հայաստանը դեռ չունի ընտրված մասնակից, իսկ ընտրության գործընթացը դեռեւս քննարկման փուլում է։

Մրցույթի կազմակերպիչ ընկերության մարքեթինգի ղեկավար Հարություն Տորտիկյանն էլ ընդգծեց, որ գնահատվելու է մասնակիցների ոչ միայն արտաքինը, այլեւ ինտելեկտը։ Կստեղծվի հատուկ հանձնաժողով, որոնք ամբողջ ընթացքում կուսումնասիրեն աղջիկներին եւ մրցույթի վերջում կարող են ժյուրիի հետ քննարկել որոշումները։

Անդրադառնալով վերջին ամիսների ռուս-ուկրաինական պատերազմին եւ մրցույթում դրա դերակատարմանը՝ Նաիրի Մնացականյանը շեշտեց, որ սա մշակութային հարթակ է, որը բոլորն էլ խորապես գիտակցում են։

«Բացառվում է, որ գործեն քաղաքական նկատառումներ»,- ամփոփեց նա։

Այս թեմայով Սամվել Վարդանյանը դատարանից գնաց տուն Սամվել Վարդանյանի նկատմամբ տեղի ունեցածը ցնցել է իմ բանականությունը. Վահե Գրիգորյան Հույս մի ունեցեք, որ այս թեման մոռացվելու է, պետք է պատժվեն բոլոր մասնակիցները. Միքայել Գրիգորյան Կեցցե Ոսկեպարը, Հայաստանը, կեցցե Հայոց բանակը եւ Հայ Առաքելական Սուրբ եկեղեցին. Արսեն Գրիգորյան Սա պատերազմ է մեր ինքնության դեմ, արթնացե՛ք բոլորդ. Արսեն Գրիգորյան