Համոզմունք ունեմ, որ կարմիրբերետավորները գտնվում են թմրանյութերի ազդեցության տակ. Խաչատրյան

«Առողջ հանրություն» ՀԿ նախագահ, նեյրովիրաբույժ ՄԱՐԻՆԱ ԽԱՉԱՏՐՅԱՆՆ ահազանգում է, որ խաղաղ ցուցարարների դեմ «մարտնչող» կարմիրբերետավորները հնարավոր է դեղերի ազդեցության տակ են: Այս մասին նա «Իրավունք TV»-ի տաղավարում ուշագրավ մանրամասներ ներկայացրեց:

– Ես բժշկի 17 տարվա աշխատանքային փորձ ունեմ եւ իմ պրակտիկայում հանդիպել եմ ե՛ւ թմրամոլների, ե՛ւ ծխածների, ե՛ւ ալկոհոլ օգտագործածների, հետեւապես իրենց հայացքից, վարվելակերպից կարողանում եմ նախնական ախտորոշում դնել, թե ինչ իրավիճակում են գտնվում նման մարդիկ: Եվ որպես մասնագետ համոզմունք ունեմ, որ «կարմիր բերետավորները» գտնվում են թմրամիջոցների ազդեցության տակ: Խնդրեմ, որպեսզի իմ խոսքերը հաստատվեն կամ հերքվեն, անհրաժեշտ է ընդամենը, որ անկախ փորձագիտական կենտրոնում նրանց արյան կամ հասարակ մազի անալիզ կատարվի: Մենք պետք է հասկանանք` արդյոք ե՞ս եմ ճիշտ, թե՞ այն սորոսական կառույցները, ովքեր ոստիկանության բարեփոխումների անվան տակ միլիոնավոր դոլարներ բերեցին, ենթադրաբար այդ միլիոնների մեջ լողացրին պետության ղեկավարությանը, բայց ոստիկանական համակարգը սարքեցին «բանդիտների շայկա»:

– Ձեր գնահատմամբ` նման թմրամիջոցների օգտագործումն ի՞նչ հետեւանք կարող է ունենալ հենց «կարմիրբերետավորների» վրա:

– Չգիտեմ` գիտակցված են իրենք ընդունում, թե ինչ-որ բան իրենց ջրի կամ սննդի հետ են խառնում, այսինքն` առանց գիտակցելու են այդպիսի վիճակում հայտնվում, բայց մի հետաքրքիր փաստ ասեմ, եւ թող կատաղած վիճակում գտնվող «կարմիր բերետավորներն» իրենց ականջին օղ անեն. այդ դեղամիջոցներն ու թմրանյութերը, որոնց հետեւանքով ուղեղն անջատվում է, իրենց գցում է էյֆորիայի մեջ, ցավի զգացողությունը վերացնում է, վայրենի վարք են ձեռք բերում եւ ամենակարեւորը` շաղվում է հայացքը, կարմրում են աչքերն իրենց մոտ առաջացնում է հորմոնալ լուրջ խնդիրներ, ընդհուպ գլխուղեղի ուռուցք, եթե պարբերաբար այդ դեղամիջոցներն օգտագործում են: Թող մտածեն` արդյոք արդեն չունեն տեսողության խնդիրներ: Կարող են առաջանալ նաեւ պոտենցիայի խնդիրներ: Եթե այդ դեղերը խմում են, ուրեմն` չեն կարողանում ընտանիքում համերաշխ մթնոլորտ ստեղծել, որովհետեւ իմպոտենտ են դառնում: Եվ հետո թող չզարմանան, որ իրենց կանայք դավաճանում են: Թող հասկանան, որ մեղավորը ոչ թե իրենց կանայք են, այլ այն դեղորայքը, որ իրենք օգտագործում են եւ կատաղության դեմ չպատվաստված շան նման հարձակվում մեր քաղաքացիների, անչափահասների ու հաշմանդամների վրա: Ի դեպ, չմոռանամ նշել, որ այդ դեղերն օգտագործելը բերում է հորմոնալ փոփոխությունների: Դրանք օգտագործելուց հետո` կարող են կրծքերի մեծացում ունենալ, կմնա իրենց սեռական օրգանն էլ կտրեն ու լրիվ դառնան տրանսգենդեր, կրծքերի մեծացման վրա էլ գումար չեն ծախսի: 

ՀՐԱՆՏ ՍԱՐԱՖՅԱՆ

Այս թեմայով Եվրոպան ասեց՝ հոպ. Արթուր Խաչատրյան Ալիեւ-Փաշինյան մակարդակով կապիտուլյացիայի շարունակության ենք ականատես լինում. Խաչատրյան Ես քեզի կու գամ. պատգամ՝  ուղղված Հայաստանից դուրս ապրող բոլոր հայերին Ես իմ ստորագրության արժեքը բավականաչափ լավ գիտեմ. Արթուր Խաչատրյան Կոնսերվատորիան բուհ չէ, այլ երաժշտի տունն է, ի վերջո, Կոմիտասի տունն է. Վարդան Խաչատրյան