Սկսվել է վիրավոր զինյալների դուրսբերումը «Ազովստալից»
Միջազգային«Ազովստալից» ուկրաինացի զինվորականները բանակցությունների մեջ են և մաքրում են փլատակները։ ԴԺՀ «Վոստոկ» բրիգադի հրամանատար Ալեքսանդր Խոդակովսկին հայտարարել է գործարանի տարածքից վիրավորներին տարհանելու պայմանավորվածությունների մասին։
«Ըստ ամենայնի, նախապատրաստվում է վիրավորների տարհանում։ Հակառակորդի կողմից մի խումբ պատվիրակներ, որոնք առավոտյան դուրս էին եկել սպիտակ դրոշներով, և մեր կողմից հակադարձ խումբը որոշել էր վիրավորների դուրսբերման երթուղին, հակառակորդը սկսեց մաքրել փլատակները, մենք դիտարկում ենք և չենք միջամտում»,- ավելի վաղ գրել է Խոդակովսկին։
Պայմանավորված ժամին «Ազովստալից» սկսել են դուրս բերել վիրավոր ուկրաինացի զինվորներին։ Ավելի վաղ հաղորդվում էր մոտ 600 վիրավորի մասին։
«Վիրավորների տարհանումը սկսվել է, տրանսպորտի հետ կապված խնդիրներ կան, նրանք դիմել են մեր կողմին՝ արագացնելու գործընթացը, լրացուցիչ պատգարակներ տրամադրելու համար»,- ասաց Ալեքսանդր Խոդակովսկին։
Սակայն «Major and General» Telegram ալիքի հեղինակներն ընդգծում են, որ խոսքը ոչ թե տարհանման, այլ զինյալներին ԴԺՀ-ի տարածքում գտնվող հիվանդանոցներ տեղափոխելու մասին է։
«Նկատի ունեցեք, որ խոսքը «արտահանման» մասին է, այլ ոչ թե «տարհանման», սա սխալ տերմինաբանություն է ռազմական բժշկության տեսանկյունից։ Տարհանվել նշանակում է առաջնագծից թիկունք: Այս դեպքում խոսքը ԴԺՀ տարածք «արտահանման» մասին է»։
Նաև, ալիքի հեղինակները, վկայակոչելով իրավիճակին ծանոթ աղբյուրին, հայտնում են, որ «վիրավորների հետ կապված «գործով» կմշակվի «Ազովստալում» գտնվող անձանց, այդ թվում՝ «Ազովի» նացիստների հանձնվելու կարգը»:
Սրան էլ հաջորդեց Ռուսաստանի Պաշտպանության նախարարությունը հայտարարությունը` «Ազովստալի» տարածքից զինյալներին դուրս բերելու վերաբերյալ։
Գերատեսչությունում հաստատել են, որ բանակցությունների ընթացքում պայմանավորվածություն է ձեռք բերվել վիրավորներին հեռացնելու վերաբերյալ։
«Ներկայումս ձեռնարկության տարածքում լռության ռեժիմ է մտցվել և մարդասիրական միջանցք է բացվել, որով վիրավորված ուկրաինացի զինծառայողները տեղափոխվում են Դոնեցկի Ժողովրդական Հանրապետության Նովոազովսկի բուժհաստատություն: Նրանց բոլորը կապահովվեն անհրաժեշտ օգնությամբ»,- ասված է ՊՆ հաղորդագրության մեջ։