«Երբ փոքր էի ծննդյանս օրն ինձ համար ամենալավ օրն էր».ԱՇՈՏ ՂԱԶԱՐՅԱՆ

Այսօր սիրված դերասան, ՀՀ ժողովրդական արտիստ ԱՇՈՏ ՂԱԶԱՐՅԱՆԻ ծննդյան օրն: Այս առիթով «Իրավունքը» զրուցեց նրա հետ:

-Պարոն Ղազարյան, շնորհավորում ենք Ձեզ, Ձեր ծննդյան տարեդարձի կապակցությամբ և մաղթում առողջություն,  անսպառ ժպիտ:

-Շնորհակալություն…

-Սիրո՞ւմ եք նշել Ձեր ծննդյան օրը:

-Այդքան էլ չեմ սիրում… Երբ փոքր էի ծննդյանս օրն ինձ համար տոն էր: Աշխարհի ամենալավ օրն էր՝ նվերներ էի ստանում: Բայց քանի մեծանում ես սկսում ես արդեն մի քիչ չսիրել, որովհետև ասում ես՝ մի տարով էլ մեծացա: Ես չեմ էլ նշում ծննդյանս օրը: Այդ օրը կարող է կնոջս հետ գնանք մի տեղ նստենք: Հետո որ թոռնիկ ունեմ, նա էլ է Աշոտ Ղազարյան իր ծնունդն ենք նշում: Իմն այնքա՜ն ենք նշել…Եթե կլոր ամյակ է դա ուրիշ բան: Այն էլ ես չէ՝ ինչ որ կազմակերպիչներ իմ թույլտվությունը վերցնում են ու անում են:

-Ի՞նչ նվերներ եք սիրում ստանալ:

-Հիշո՞ւմ եք «Մեր բակի» մեջ ասում էի՝ թանկ նվեր շատ եմ սիրում, չէ՜ թանկ չէ՝ նայած ոնց են տվել ու ով է տվել այդ նվերը: Մի ժամանակ բլոկնոտներ էի շատ սիրում: Տասնյակներով բլոկնոտներ ունեմ, որ չեմ էլ օգտագործել ու երևի չեմ էլ օգտագործի, բայց սիրում եմ:

-Երբ ողջ էր Ձեր մայրն այդ օրն ինչպե՞ս էիք նշում:

- Մենք նշում էինք մամայիս ուրախություն պատճառելու համար, որ ինքը բոլորին միանգամից  տեսնելու էր՝ իրար գլխի հավաքված: Շատը մամայի համար էինք անում: Տանն էինք նշում: Ով գիտեր գալիս էր:  Իսկ եղբայրներս ու քույրս պետք է պարտադիր ներկա լինեին: Մաման ուրախանում էր դրանով:

-Ձեր մայրիկի պատրաստած ամենահամեղ ուտեստը, ո՞րն էր:

-Խաղողի տերևով տոլման և սպասը, որը ես կնոջս ասացի՝ ինչ ուզում ես սովորի, բայց մամայիս պատրաստած տոլման մեկ էլ սպասը սովորի: Ու կինս երկուսն էլ ճիշտ մամայիս նման պատրաստում է:

ՆՈՒՆԵ ԶԱՔԱՐՅԱՆ

Հ.ԳՀարցազրույցն ամբողջությամբ կարդացեք «Իրավունք» թերթի 

երեքշաբթի օրվա համարում:

Այս թեմայով Իշխանությունը փողոցում շպրտած է, ոչ մեկ չի վեկալում. Արթուր Ղազարյան Երևանի եւ Աստանայի միջեւ հարաբերությունների զարգացման նոր հանգրվան Առավոտյան պատգամավորները կուղղեկցեն Սամվել Վարդանյանին Երեւանի քննչական տեղափոխող մեքենային Սեփականատերերը  զրկվում են իրենց գույքից՝ չնչին փոխհատուցման դիմաց ՆԳ նախարարը մնաց պատգամավորի հարցի տակ