Հյուսիսային Կորեայի առաջնորդը հայտարարել է երկրի պատմության մեջ «ամենամեծ ցնցման» մասին
ՄիջազգայինԱշխարհում կարծես թե կորոնավիրուսն արդեն պատմություն է դառնում: Բայց ահա Հյուսիսային Կորեան այս անգամ էլ ցույց դրեց, որ շարժվում է բոլորին հակառակ:
Այսպես, մայիսի 13-ին Հյուսիսային Կորեայում գրանցվել է կորոնավիրուսային վարակի ավելի քան 174 000 դեպք, օրական ավելի քան 20 մարդ մահանում է COVID-19-ից, հայտնում է Yonhap-ը՝ հղում անելով հյուսիսկորեական լրատվամիջոցներին։
Ընդհանուր առմամբ, ապրիլի վերջից մինչև մայիսի 13-ը ԿԺԴՀ-ում հայտնաբերվել է COVID-19-ի 524 440 դեպք, մահացել է 27 մարդ։ Հիվանդներից 243630-ը լիովին ապաքինվել է, 280810-ը բուժվում է։
Հյուսիսային Կորեան հինգշաբթի օրը՝ մայիսի 12-ին, համաճարակի սկզբից ի վեր առաջին անգամ ընդունել է, որ երկրում կորոնավիրուսային վարակի դեպքեր կան։
Հյուսիսային Կորեայի առաջնորդ Կիմ Չեն Ընը կորոնավիրուսի բռնկումն անվանել է «ամենամեծ ցնցումը երկրի հիմնադրումից ի վեր»։
Ըստ KCNA կայքի հաղորդագրության, Կորեայի Աշխատավորական կուսակցության կենտրոնական կոմիտեի քաղբյուրոն մայիսի 14-ին հանդիպում է անցկացրել «առավելագույն արտակարգ կարանտինային համակարգի կարգավիճակը ստուգելու և գործնական քաղաքականության միջոցառումներն ուժեղացնելու համար»։ Հանդիպումը վարել է անձամբ Կիմ Չեն Ինը։
ԿԺԴՀ ղեկավարը, ի թիվս այլ բաների, ասել է, որ Հյուսիսային Կորեայի բժշկական իշխանությունների համար շատ կարևոր է լավ ուսումնասիրել կարանտինային քաղաքականությունը, կարանտինային ձեռքբերումները և այլ առաջադեմ երկրների փորձը։
Նախօրեին Հարավային Կորեան առաջարկել էր ԿԺԴՀ ուղարկել COVID-19-ի դեմ պատվաստանյութեր։ Ռուսաստանը նաև հայտարարել է, որ կօգնի Հյուսիսային Կորեային, եթե դա խնդրեն այդ երկրի իշխանությունները: