Թալին համայնքը կորցրեց սումբվենցիոն ծրագրերը․Ավագանու բոյկոտի հետեւանքները
ՀասարակությունԱնցնող երեք ամիսների ընթացքում, Թալինում առկա ներքաղաքական իրավիճակի՝ ձեւավորված ավագանու, ըստ էության անգործության, բոյկոտի արդյունքում Թալին համայնքը կորցրեց սումբվենցիոն ծրագրերը։ Այս մասին մեզ հետ զրույցում փաստեց Թալին համայնքի ժամանակավոր պաշտոնակատար Տավրոս Սափեյանը, մանրամասնելով․
-Ճիշտ է, մենք նախագծման աշխատանքները ներկայացրեցինք, այն է՝ աղբատար մեքենաններ, նոր գերեզմանոց, համայնքների գյուղամիջյան ճանապարհների ասֆալտապատում եւ նմանատիպ խնդիրներ, որը, ցավոք, իրականության չվերածվեց ավագանու պարբերաբար բոյկոտի արդյունքում։
Իսկ, ընդհանուր առմամբ փորձել ենք փոքր աշխատակազմով փորձել լուծել շուրջ 29 համայնքի հոգսերը, հնարավորության սահմաններում յուրաքանչյու հարցի տրվում է հստակ լուծում։
Անդրադառնալով հարցին, որ նոր, արտահերթ ընտրությունների արդյունքում 29 համայնքին գումարվելու են եւս երկուսը մեր զրուցակիցը նկատեց․
-Դա հաստատ չի, կարող եմ ասել, որ նման քննարկումներ են ընթանում, լսումներ են իրականացվել արդեն ինչպես Արագածավանում, այնպես էլ՝ Թալին համայնքում։ Խոսակցություններ են պտտվում, որ մեր բարեկամ եզդիական համայնքներն էլ միանալու։ Այս պահին դա դեռեւս նախագծի տեսքով է։Այնուամենայնիվ, ես վստահ եմ, որ արտահերթ ընտրությունների արդյունքում հաղթանակը մերն է լինելու։
ԻԼՈՆԱ ԱԶԱՐՅԱՆ