Ձեր «ծոցից են դուրս եկել» բուլկի արամները, բանանասեր միհրանները, հայկազ բաղմանյանները, մովսես հակոբյանները եւ այլք
Թեմա«Ես հավատում եմ, որ շատ ու շատ մարդիկ կարող են եւ ազնիվ մղումներով գտնվել Ֆրանսիայի հրապարակում, բայց հարգելիներս էս ի՞նչ վարքաբանությամբ, էս ինչ ձեռագրով եք գալիս պայքարելու: Դո՞ւք եք գալիս, որ ազգին փրկեք, էս երեսուն տարի փրկել եք` հերիք չի՞ փրկեք: Եթե էս տարիների ընթացքում թալանի, կոռուպցիայի վրա նստած չեք եղել, էդ ո՞նց հասկանանք, որ բաղմանայնան հայկազների, մովսես հակոբյանների, ընդհանրապես ձեր գեներալական բուրգից ամեն մեկի հետ միլիոնների պատմություններ է կապվում, ամեն մեկի հետ տարբեր հարստություններ են կապվում: Բա ձեր կողքին ապրում են բազում նվիրյալներ, ովքեր մինչեւ էսօր դեռ տուն են կառուցում, էն իսկական կռվող սերուցքի հաշվին եք դուք դարձել գեներալներ մեծահարուստներ»,-անդրադառնալով հայրենիքի փրկիչներին եւ հրապարակում հանգրվանած էլիտաներին, ասել է մեր գործընկեր, Newsmedia.am էլ. օրաթերթի հիմնադիր-ղեկավար Գայանե Զարգարյանը, փաստելով.
-Բա սենց եք երկիրը փրկել, նենց եք վարել, որ ձեր գրկից դուրս է եկել Տամոժնի Գագոյի տաղանդը, ով 63 միլիոնանանոց դղյակի տեր է, ձեր «ծոցից են դուրս եկել» բուլկի արամները, բանանասեր միհրանները, եւ այդպես շարունակ…
Ու ընդհանրապես, եթե Ձեր էդ բույլի միլիոնները նպատակաուղղեիք բանակ՝ մեր օդը պաշտպանված կլինե՞ր, թե՞ ոչ. Ձեզ հարց տվել ե՞ք: Ու չհամարձակվի Ձեր զոմբիներից մեկը ասել՝թե որեւէ մեկի ջրաղացին ջուր ենք փորձում լցնել: Էս որեւէ մեկին չեմ սատարում, չեմ էլ պատրաստվում սատարել՝ էդ լավ իմացեք: Ես սատարում եմ իմ հայ ժողովրդին, հայ զինվորիս, ով հենց հիմա սահմանին կանգնած ինձ եւ Ձեզ է պաշտպանում: Եւ ընդ որում՝ շատ տեղեր էլ առանց վրանի: