«Եկած-չեկած օրվանից Նիկոլի իշխանությունը սկսեց սուր ճոճել չորրորդ իշխանության գլխին». ԳԱՅԱՆԵ ԶԱՐԳԱՐՅԱՆ

Մայիս 3-ը մամուլի ազատության օրն է, իսկ որքանո՞վ է մեր մամուլն ազատ: Ահա այս թեմայով էլ զրուցեցինք Newsmedia.am էլ. օրաթերթի հիմնադիր-ղեկավար, հանրության լայն լսարանին իր ուրույն գրչով հայտնի լրագրող ԳԱՅԱՆԵ ԶԱՐԳԱՐՅԱՆԻ հետ:

– Տիկին Զարգարյան, որքանո՞վ է այսօր մեր մամուլն ազատ, եւ ի՞նչ ազդեցություն ունի չորրորդ իշխանությունը մեր երկրում:

– Եկած-չեկած օրվանից Նիկոլի իշխանությունը սկսեց սուր ճոճել չորրորդ իշխանության գլխին, շատ լավ գիտակցելով, թե իրականում ինչ ուժ եւ ազդեցություն ունի չորրորդ իշխանությունը: Ընդ որում` նրանք ընտրում են այն լրատվամիջոցներին եւ այն լրագրողներին, որոնք տարիներ շարունակ իրենց համքարության արդյունքում ճանապարհ են կերտել, ճանապարհ են անցել, ի վերջո, լրագրողական մշակույթ են ձեւավորել` նույն` ի դեմս «Իրավունք» թերթի խմբագրակազմի: Այո, նույն «Իրավունք» թերթը տարիներ շարունակ ձեւավորել է մշակույթ եւ ավանդույթներ լրատվական դաշտում, եւ ես փաստն եմ արձանագրում. անկախ նրանից` դա ում դուր կգա, ում` ոչ: Ըստ էության, այսօրվա իշխանությունների համար չորրորդ իշխանությունը լուրջ խնդիր է, կարծես թե դամոկլյան սրի պես կախված է նրանց գլխին: Բայց միեւնույնն է, նրանք չեն կարողանալու սեւացնել այն իրական լրագրողների աշխատանքը, այն իրական լրագրողների վաստակը, ովքեր տարիներ շարունակ անշեղորեն իրացրել են իրենց մասնագիտական պարտքը:

Այնպես որ, հրաժարվե՞ք չորրորդ իշխանության դեմ հայտարարված պատերազմից. լավ գիտեք` այն դատապարտված է ձախողման միշտ: Որովհետեւ բոլոր իշխանություններին բնորոշ է եղել պատերազմել չորրորդ իշխանության ներկայացուցիչների հետ, բոլոր իշխանություններին էլ բնորոշ է եղել հարմարեցնել չորրորդ իշխանության ներկայացուցիչներին իրենց քիմքին, բոլորի օրոք էլ եղել են առճակատումներ. բայց այսքան խայտառակ հռետորաբանությամբ եւ նման խայտառակ գործելաոճով, ինչպիսին որ որդեգրել են Նիկոլն ու իր իշխանությունը… չի եղել երբեւէ: Բայց նաեւ Նիկոլն ու յուր թայֆան չպիտի մոռանան, որ մամուլի դեմ պայքարում նրանք միշտ պարտվողի դերում են լինելու…

Ժամանակակից աշխարհում, իհարկե, գնալով ավելի է կարեւորվում ԶԼՄ-ների դերը ոչ միայն որպես տեղեկատվության աղբյուր, այլեւ որպես խոսքի ազատության ու մարդու իրավունքների պաշտպանության հզոր գործիք: Եվ այս առումով անչափ կարեւոր է մամուլի դերը նաեւ հասարակական կարծիքի ձեւավորման գործում, ինչն իր հերթին լուրջ ազդակ է հանրային կյանքում կարեւոր նշանակություն ունեցող ծրագրեր կազմելու ու կյանքի կոչելու հարցում:

ՆՈՒՆԵ ԶԱՔԱՐՅԱՆ

Այս թեմայով Ահաբեկիչների ղեկավարներն Արեւմուտքից են. Գայանե Ներսիսյան Սերժ Սարգսյանը, ինչպես միշտ, բարձրության վրա էր՝ իրեն հատուկ զսպվածությամբ եվ հավասարակշռվածությամբ. Ներսիսյան Ո՞վ եք դուք` ձեր արյունով… հաստատապես հայ չեք. Գայանե Ներսիսյան Չհամարձակվի եւ որեւէ մեկը պղտոր ջրում ձուկ որսալ, եւ ձեռքերը տաքացնել իմ անվան հաշվին. Գայանե Զարգարյան Իսկ ո՞վ է Իսրայելի դեսպանը, որ մեր երկրում որոշումներ կայացնի. Գայանե Ներսիսյան (ԱՆՈՆՍ)