Ստեփանակերտի օդանավակայանում ռուս խաղաղապահներն անցկացրել են Հաղթանակի օրվա շքերթի առաջին համախմբված փորձը
ԹեմաԼեռնային Ղարաբաղում տեղակայված ռուսական խաղաղապահ զորախմբի զինծառայողները սկսել են վերապատրաստվել արարողակարգային երթին, որը նվիրված է 1941-1945 թվականների Հայրենական մեծ պատերազմում Հաղթանակի օրվան:
Ստեփանակերտ քաղաքի օդանավակայանում մոտ 400 ռուս զինծառայող է մասնակցել մարզմանը: Կենտրոնական ռազմական օկրուգի 15-րդ առանձին մոտոհրաձգային բրիգադի (խաղաղապահ) անձնակազմը, որը կազմում են Լեռնային Ղարաբաղում ռուսական խաղաղապահ զորախմբի հիմքը, մասնակցում է հանդիսավոր երթի անցման փորձերին:
Նախատեսվում է, որ Հաղթանակի 76-րդ տարեդարձի օրը` 2021 թվականի մայիսի 9-ին, հանդիսավոր երթին կմասնակցեն մինչև 10 շարասյուն, յուրաքանչյուրը՝ մինչև 45 զինծառայող:
Ներկայումս Լեռնային Ղարաբաղում ռուսական խաղաղապահ զորախմբի շքերթի անձնակազմի մարզումները պարբերաբար անցկացվում են հատուկ նշանակված ժամին, որպեսզի չխանգարեն խաղաղապահ զորախմբի կողմից նախատեսված խնդիրների կատարմանը: