Կայացավ «Ուժեղ Հայաստանը Ռուսաստանի հետ․ հանուն նոր Միության» շարժման կանանց խորհրդի հիմնադիր նիստը

Այսօր կայացավ «Ուժեղ Հայաստանը Ռուսաստանի հետ․ հանուն նոր միության» շարժման Կանանց խորհրդի հիմնադիր նիստը։ Խորհուրդը կազմված է 44 անդամից:

 Ողջունելով մասնակիցներին՝ շարժման գործադիր կոմիտեի  անդամ,  «Բարեպաշտ սերունդ» հկ նախագահ Վահրամ Մկրտչյանն ընդգծեց  կանանց դերի կարեւորությունը Շարժման մեջ: Նա նշեց այն փաստը, որ, ունենալով այնպիսի հարեւաններ, ինչպիսին են Թուրքիան եւ Ադրբեջանը, մեր միակ զարգացման ուղին կարող է լինել  միայն Ռուսաստանի հետ, եւ դա այսօր ազգային անվտանգության հարց է։

Իր հերթին շարժման գործադիր կոմիտեի անդամ, «ՍԻ»Միություն կուսակցության նախագահ  Հայկ  Բաբուխանյանը  հիշեցրեց, որ տասնամյակներ շարունակ նշվել է Ռուսաստանի հետ ավելի մտերիմ եւ սերտ հարաբերություններ ձեւավորելու անհրաժեշտությունը․ «Հայաստանի՝ ԵԱՏՄ կազմի մեջ մտնելու համար շատ ենք պայքարել, որովհետեւ կային տարբեր կարծիքներ։ Եւ մեր հիմնական համագործակցությունը արտաքին քաղաքականության մեջ պետք է լինի Ռուսաստանի հետ։ Այսօր ելքը իրավիճակից , մեր երկրի ապագան  եւ միակ զարգացման ուղին՝` Ռուսաստանի հետ ձեւավորել սերտագույն դաշինք բոլոր ասպարեզներում՝ ընդհուպ մինչեւ միութենական պետության ստեղծում»։

Ելույթով հանդես եկան շարժման Կանանց խորհրդի նախագահ Ալլա Հակոբյանը, խորհրդի անդամներ Գայանե Ներսիսյանը, Մարիամ Մուրադյանը եւ ուրիշներ: Մտահոգությունը այն էր, որ այս իշխանությունների գործունեության արդյունքում հարցականի տակ է դրվել մեր պետականությունը, հայրենի հողը, հայ ազգի արժեհամակարգը:

Մասնակիցները նիստի ընթացքում քննարկեցին ավանդական հայ կնոջ դերն ընտանիքի եւ հասարակության  մեջ ,  դատապարտեցին եւ մերժեցին  աղանդների, գռեհիկ ֆեմինիզմի տարածումը,  ԼԳԲՏ քարոզչությունը՝ որպես ազգակործան երեւույթներ։

Միջոցառման ավարտին ընդունվեց հայտարարություն՝ ի պաշտպանություն հայ գերիների եւ փախստականների իրավունքների։

Զարուհի Բաբուխանյան

Այս թեմայով Ամբողջ Հայաստանն է վտանգված, բայց Լեռնահայաստանը՝ հատկապես. Հայկ Բաբուխանյան (aravot.am) «Զարմանում եմ այն մարդկանց վրա, ովքեր հավատում են թուրքին»․ակցիա ՄԱԿ-ի գրասենյակի մոտ (a1plus.am-ի անդրադարձը) Բողոքի ակցիա՝ հանուն հայ գերիների վերադարձի (5-րդ ալիքի անդրադարձը) Հիշե՛ք ձեր պարտականությունը. ՄԱԿ-ին նամակ է հանձնել «Ուժեղ Հայաստան Ռուսաստանի հետ» շարժումը (Հ2-ի անդրադարձը) Այլեւս չենք լռելու եւ մեր պահանջատիրությունից հետ չենք կանգնելու. Նատալյա Սաղիյան