Վաղը կարող է լինել ուշ

Գլխավոր շտաբի պետի  պաշտոնանկության հարցում Նիկոլը ինքն իրեն  եւ ընդհանրապես Հայաստանում ներքաղաքական իրավիճակը մղվեց փակուղի: Քանի դեռ հարցը առկախված է, իսկ այն առկախված կլօինի մինչեւ վաղը, պետք է տրվի լուծում այն պատային իրավիճակից: Այսինքն լուծումը պետք է տրվի այսօր: Կա լուծման երեք տարբերակ:

Առաջինը` Օնիկ Գասպարյանը ընդունում է Նիկոլի հրամանագիրը, ենթարկվում է դրան եւ պաշտոնանկ է լինում: Այդ դեպքում, բնականաբար,  ամբողջ  բանակյին վերնախավը  իրեն զգում է խաբված, իսկ Նիկոլը սկսելու է Օնիկի եւ իր դեմ հայտարարգիրը ստորագրածներին պաշտոնանկության եւ քրեական հետապնդման գործընթաց: Ավելին, Նիկոլը բանակի վերնախավի վրա է գցելու պատերազմում  խայտառակ իրացվիճակի ու պարտության  մեղքը: Նիկոլի հաջորդ քայլը կլինի մայիս-հունիսին Աժ արտահերթ ընտրություններ նշանակելը:

Տարբերակ երկրորդ` Օնիկ Գասպարյանը  Նիկոլի  հրամանագիրը հայտարարում է հակասահմանադրական: Երկրում ձեւավորվում է երկիշխանություն: Ընդդիմությունը  շրջափակում է Ազգային ժողովը, պահանջելով  չեղյալ հայտարարել ռազմական դրությունը եւ  անվստահություն հայտնել վարչապետին: Վարչապետին անվստահություն հայտնելուց հետո ընդդիմությունը  պահանջում է վարչապետ նշանակել Վազգեն Մանուկյանին:

Տարբերակ երրորդ` այսօր  ՀՀ նախագահ Արմեն Սարգսյանը դիմում է Սահմանադրական դատարան Փաշինյանի հրամանագիրը Գասպարյանին պաշտոնանկ անելու վերաբերյալ հակասահմանադրական ճանաչելու հայցով: Խնդիրը առկախվում է մինչեւ ՍԴ-ի որոշումը:

Բոլոր դեպքերում հարցի լուծումը պետք է տրվի այսօր, քանի որ վաղը արդեն ուշ կլինի եւ գործընթացները կարող են դուրս գալ իրավական ճանապարհներից եւ ստանան ուժային ու կամայական բնույթ: Սկսած նրանից, որ Նիկոլը կարող է փորձել ուժով զինաթափել եւ կալանավորել Գլխավոր շտաբի անդամներին կամ ընդհակառակը բանակը իրականացնի ռազմական հեղաշրջում: Երկու տարբերակներն էլ խիստ անցանկալի են:

Ա. Հովհաննիսյան