Փաշինյանի հոր հոգեհանգիստը բավականին լարված է անցել

Ավելի վաղ տեղեկացել էինք, որ վախճանվել է ՀՀ վարչապետ Նիկոլ Փաշինյանի հայրը՝ Վովա Փաշինյանը:

Ըստ նախնական տեղեկությունների մահվան պատճառը քաղցկեղն է:

Մեր տեղեկություններով, այսօր Իջևան քաղաքում տեղի է ունեցել վերջինիս հոգեհանգստյան արարողությունը:

Իջևանյան մեր աղբյուրների խոսքով, հոգեհանգստի արարողությունն անցել է բավականին լարված մթնոլորտում՝ ոստիկանների հսկողության ներքո: Մեր իջևանյան աղբյուրը նշում է, որ վարչապետ Փաշինյանը բավականին վախեցած է եղել:

Ուշագրավ է, որ հոգեհանգստի արարողությանը ներկա չեն եղել Նիկոլ Փաշինյանի երեխաները:

Մեր աղբյուրը նաև տեղեկացրեց, որ Աննա Հակոբյանը հոգեհանգստի արարողությանը մասնակցել է մոտ մեկ ժամ, ապա թիկնապահների ուղեկցությամբ վերադարձել կառավարական ամառանոց:

Հիշեցնենք, որ դեռ օրեր առաջ համացանցում լուրեր էին պտտվում այն մասին, որ Նիկոլ Փաշինյանի երեխաները գտնվում են Կանադայում՝ Արսինե Խանջյանի բնակարանում, սակայն օրերս Նիկոլ Փաշինյանը հերքեց այդ լուրը:

Հայկ Գևորգյան