Ինչու Արայիկի խոսնակը ստիպված եղավ «իր թքածը լիզել»

«ՌԻՍ Նովոստին» գրում է.

«Չճանաչված Լեռնային Ղարաբաղի Հանրապետության նախագահի մամուլի քարտուղար Վահրամ Պողոսյանը կարծում է, որ Ղարաբաղում ռուսական խաղաղապահ առաքելության ընդլայնումը բխում է տարածաշրջանի անվտանգության շահերից: «Ռուսական խաղաղապահ զորակազմն Արցախում (Ղարաբաղի ինքնանվանումը–խմբ.) էական առաքելություն է իրականացնում խաղաղության եւ կայունության ապահովման տեսանկյունից, եւ հետագայում նրա անձնակազմի ընդլայնումը միայն բխում է տարածաշրջանի անվտանգության ապահովման շահերից»,- ասել է Պողոսյանը ՌԻԱ Նովոստիին:
Նա նշել է, որ Ղարաբաղի իշխանություններն այս հարցում շատ հստակ դիրքորոշում ունեն։ «Արցախի ժողովրդի ֆիզիկական անվտանգությունը և զարգացման հեռանկարները ուղղակիորեն կապված են խաղաղապահների ներկայության հետ։ Խաղաղապահ զորքերի ներկայությունը մենք դիտարկում ենք երկարաժամկետ հեռանկարում»,- ասել է Պողոսյանը։
Նրա խոսքով՝ ավելի վաղ հրապարակված հայտարարությունն այն մասին, որ «ԼՂՀ-ն դեռեւս տարածաշրջանում Ռուսաստանի խաղաղապահ առաքելության ընդլայնման անհրաժեշտություն չի տեսնում», նրա խոսքերի սխալ մեկնաբանության հետեւանք է»:

Այն, որ Պողոսյանը հազիվ թե շատերի կողմից դավաճան համարվող Արային Հարությունյանի հրահանգի բերանը բացիմ հասկանալի է: Դժվար չէ կռահել նաեւ, որ հենց  Հարությունյանից էլգալիս է ավելի վաղ Պողոսյանի արած հայտարարությունը՝ խաղաղապահների ընդլայնման անհրաժեշտության բացակայության մասին: Ավելին, կարելի է նաեւ պարզ հասկանա, թե իրականում ովքեր  են կանգնած նման հայտարարությունների թիկունքում, այսինքն, որ Արցախի գերակշիռ մասը ոչնչացնելուց հետո անգամ դավաճանները դեռ ազատորեն գործում են այնտեղ:

Եվ երբ այս իրավիճակում Պողոսյանը հանկարծ սկսում է խոսել, թե՝ գիտեք ինչ, ինձ սխալ ենհասկացել, իրականում ես ու շեֆս երազում ենք խաղաղապահների երկարատեւ եւ ընդլայնված կազմով ներկայության մասին, իհարկե դա էլ պատահական չէ: Ավելին, կան խոսակցություններ,  որ այսօր Արցախում խաղաղապահ առաքելություն իրականացնող ՌԴ զորակազմի հրամանատար Ռուստամ Մուրադովը հանդիպել է Արայիկին՝ ամենեւին էլ ոչ միայն անհայտ կորածների մասին տեղեկություններ հաղորդելու համար: Աղբյուրը տեղեկացնում է, որ Արայիկը եւս մեկ զգուշացում է ստացել, թե՝ գլխիցդ մեծ գործեր ես բռնում, եւ, բնականաբար, ռուս խաղաղարարների ընդլայնման հարցն էլ միանգամից այդքան հոգեհարազատ է «դարձել» նրա  համար: