"ՆԻԿՈԼ ՓԱՇԻՆՅԱՆԸ ՎԱՐԿԱԲԵԿԵՑ ՀԱՅՈՑ ՀԱՂԹԱԿԱՆ ԲԱՆԱԿԻ ԳԵՆԵՐԱԼՆԵՐԻՆ, ԱՅԼԱՍԵՐԵՑ ՀԱՅ ՄՇԱԿՈՒՅԹԸ" ԱԲԳԱՐ ԱՓԻՆՅԱՆ

Երկրում տիրող իրավիճակի շուրջ զրուցեցինք Համահայկական գրողների միության նախագահ ԱԲԳԱՐ ԱՓԻՆՅԱՆԻ հետ:
– Պարոն Ափինյան, Համահայկական գրողների միությունը Ձեր նախագահությամբ պահանջում է Նիկոլ Փաշինյանի եւ Կառավարության հրաժարականը կմանրամասնե՞ք:
– Փաշինյանի կառավարման ողջ ժամանակահատվածը ձախողումների ու ազգային իսկական աղետի ժամանակաշրջան եղավ: Սակայն գրողների միությունում մեր քննարկումները ցույց տվեցին, որ դա ավելի շուտ հայոց պետականության կործանման գիտակցված ծրագիր էր: Տեսեք` Փաշինյանը վարկաբեկեց հայոց հաղթական բանակի գեներալներին, այլասերեց հայ մշակույթը, կործանեց մեր կրթական համակարգը, քանդեց Սահմանադրական դատարանը, հնարավոր ամեն բան արեց կորոնավիրուսը Հայաստանում տարածելու համար: Իր կառավարման տարիներից մնացին իր անբարո հարձակումները հայ եկեղեցու, Երեւանի պետհամալսարանի եւ Ակադեմիայի դեմ: Մենք գիտեինք, որ պատերազմն է մոտենում, ինքն էլ գիտեր, եւ ամեն բան արեց, որ պատերազմից առաջ քանդի մեր պետության հիմքերը: Մեր բոլոր բարեկամներին սարքեց մեզ թշնամի, բանակը լցրեց իր ապազգային կադրերով, զորքի ռազմական համալրումը դադարեցրեց, 44 օր խաբեց մեզ պատերազմի օրերին` արդյունքն այս խայտառակությունը եղավ: Ես ողջ Հայոց պատմության մեջ նման գլոբալ դավաճանության այլ օրինակ չգիտեմ: Նորից ուզում եմ կրկնել` սա ձախողում չէր, այլ գիտակցված թշնամանք հայ ժողովրդի դեմ:
– Ինչպե՞ս եք վերաբերվում Տիգրան Ավինյանի կողմից իր գրասենյակի աշխատակիցներին "բարեխիղճ աշխատանքի" համար դրամական պարգեւատրմանը:
– Պարգեւատրումներն առհասարակ անթույլատրելի են մի երկրում, որ խեղդվում է գործազրկության սոսկալի չափերից: Մեր կարծիքն այն է, որ նախարարն ու պատգամավորը պիտի վարձատրվեն այնքան, որ ուսուցիչը: Ուրեմն առավել եւս մեղք է պարգեւավճար տալ գործ չանող պաշտոնյաներին: Ես Փաշինյանի կադրերին էլ գիտեմ` անգրագետ, անշնորհք մարդիկ, որ իրենց շեֆի օրինակով ու հանձնարարությամբ քանդեցին մեր երկիրը: Պետությունը իր հսկայական ռեսուրսներով պրոպագանդում էր պիղծ գրականություն, դրամաշնորհ էր տալիս անբարո գրող Նառա Վարդանյանին, որ գրում է հոր հետ ունեցած "սեռական հարաբերության" մասին: Մշակույթի անիրազեկ փոխնախարար Նարինե Թուխիկյանը իմ ներկայությամբ հայտարարեց, որ Հայաստանի ազգային գրադարանի համար պատվաբեր չէ կապը Ռուսաստանի ազգային գրադարանային ցանցի հետ: Այս կադրերը, որ օտար գործակալական ցանցն են ներկայացնում, պիտի չքվեն Նիկոլի հետ, սրանք Հայաստանում այլեւս տեղ պիտի չունենան, բայց ցավոք հենց սրանք են ստացել պարգեւավճարներ...
– Եթե դեմ առ դեմ հանդիպեք Նիկոլ Փաշինյանին ի՞նչ հարց կուղղեք նրան:
– Նիկոլը քաղաքական դիակ է, ես իրեն ասելիք այլեւս չունեմ: Հույս էլ չունեմ, թե հրաժարական կտա: Լավ կլինի, որ իրեն բժիշկները քննեն` իր հոգեկան հիվանդությունն ու ազգությունը, որ մեզ համար դեռ պարզ չէ:
ՆՈՒՆԵ ԶԱՔԱՐՅԱՆ

Այս թեմայով ​​​​​​​Հայի նման չկա. Հայկ Կասպարով (Պրեմիերա) ԻՆՉ ԿԱՐԾԻՔԻ ԵՆ ԴԱՏԱՎՈՐՆԵՐԸ՝ ԱՆՑՈՒՄԱՅԻՆ ԱՐԴԱՐԱԴԱՏՈՒԹՅԱՆ ՄԱՍԻՆ «Չեմ թողնի». Հայկ Կասպարով (Պրեմիերա) «Նզովում եմ Կորյուն աբեղային եւ սրա չար հերձվածի հետեւորդներին». Կանադայի Հայոց թեմի առաջնորդ «Այս երեւույթն այլ կերպ, քան ուխտադրժություն չի որակվում». Կանադայի Հայոց թեմի առաջնորդ