Փաշինյանի հերթական փողոցային համաերևանյան երթը. 2018

Այսօրվա մեր երթը յուրատեսակ ամփոփումն է այն քայլարշավի, որ մենք իրար հետ սկսեցինք մարտի 31-ին Գյումրիի Վարդանանց հրապարակից, որը պսակվեց ՀՀ-ում տեղի ունեցած ոչ բռնի, թավշյա հեղափոխությամբ:

Այս մասին համաերևանյան երթի ժամանակ, դիմելով քաղաքացիներին, ասաց ՀՀ վարչապետի պաշտոնակատար Նիկոլ Փաշինյանը: Նա նշեց, որ ըստ էության երկու օրից քաղաքական փուլն ամփոփվում է, և կարող են ասել, որ շարժման հարթակը կատարել է իր ստանձնած բոլոր պարտավորությունները: Ըստ նրա՝ խոստացել էին, որ ժողովրդի կամքը կդառնա քաղաքական գործոն, և այդպես էլ եղավ:

ՀՀ վարչապետի պաշտոնակատար Նիկոլ Փաշինյանը համաերևանյան երթ է անցկացնում: Երթը սկսվում է Նոր-Նորքի 6-րդ զանգվածից: 
«Շարժվում ենք ռազմական ինստիտուտի հետևակի մարտական մեքենայի՝ ուղիղ դիմացի մայթից: Դուխով»,-ֆեյսբուքյան իր էջում նախապես գրել էր Նիկոլ Փաշինյանը:

Երթուղին հետևյալն է. 
Նոյեմբերի 24-ին` ժամը 10.00-22.00 Նոր Նորքի 6-րդ զանգվածից՝ Դավիթ Բեկի 286 – Գայի պողոտա – Ռուբինյանց փողոց – Դավիթ Անհաղթի փողոց – Կոմիտասի պողոտա – Վ. Վաղարշյան փողոց – Դավթաշենի կամուրջ – Եղվարդի խճուղի – Լենինգրադյան փողոց – Սեբաստիայի փողոց – Րաֆֆու փողոց – Բագրատունյաց պողոտա – Արշակունյաց պողոտա – Քրիստափորի փողոց – Տ. Մեծի պողոտա – Հանրապետության հրապարակ: 
 

Ընտրություններից հետո համաձայնության կառավարություն ձևավորելու իմաստ չկա. Փաշինյան

Վարչապետի պաշտոնակատար Նիկոլ Փաշինյանը գտնում է, որ արտահերթ խորհրդարանական ընտրություններից հետո համաձայնության կառավարություն ձևավորելու իմաստ չկա:

Այս մասին Փաշինյանը նշել է այսօր՝ նոյեմբերի 24-ին, Երեւանի փողոցներում ընթացող քայլերթի ժամանակ:

Հարցին, թե ընտրություններից հետո արդյոք միանձնյա կառավարություն կձևավորեն, թե՞ ազգային համաձայնության կառավարություն կլինի, Նիկոլ Փաշինյանը պատասխանեց.

«Ի՞նչ իմաստ ունի համաձայնության կառավարությունը, պետք է լինի հստակ ժողովրդի ուժեղ մանդատով օժտված կառավարություն»:

Փաշինյանը 6 ամսվա ընթացքում խփեց ՀՀԿ-ի 15 տարիների խփած բոլոր ռեկորդները. Նարեկ Սամսոնյան

Narek Samsonyann իր ֆեյսբուքյան էջում գրում է.

Նիկոլ Փաշինյանը 6 ամսվա ընթացքում խփեց ՀՀԿ-ի 15 տարիների ընթացքում խփած բոլոր ռեկորդները: Կրկնում եմ բոլոոոոր ռեկորդները. ստի ու կեղծիքի շղարշ ստեղծեց, կրիմինալին հավաքեց իրա շուրջը, օլիգարխներին ասեց էլ օլիգարխ չեն, հիմա էլ բացահայտ խախտում ա ընտրական օրենսգիրքը: Ժամանակից շուտ քարոզարշավը սկսել ա մարդը ու ակնհայտ խախտումներով, բայց ոչ մեկ չի խոսում սրա մասին: Ուղիղ մի տարի առաջ ՀՀԿ-ի պաստառների համար մի մեծ ոռնոց էին բարձրացրել ոմանք, բայց դե ինչ արած հիմա Նիկոլն ա անում պետք ա ձենները կտրեն ու դմփ դմփ հու: 
Հ.Գ. Տղերք հիշեք ավելի վատ եք գնալու, ժողովուրդը ձեզ չի «մերժելու» էն ձեր սիրած` «սիկտիր»-ն ա անելու էդ բառի ամենաբացասական գործողություններով:

«Տղե՛րք, ո՞ւր եք շտապում, ինչի՞ց եք այսքան վախեցել». Վիգեն Սարգսյան

ՀՀ պաշտպանության նախկին նախարար, ՀՀԿ փոխնախագահ Վիգեն Սարգսյանը ֆեյսբուքյան իր էջում գրում է.

«Շատ կա մարդ, ով դեռ մտահոգ չէ՞: Ինչ արագություն հոգևորն ու ազգայինը ջնջելու հարցում: Տղե՛րք, ո՞ւր եք շտապում, ինչի՞ց եք այսքան վախեցել: Հայաստանյայց Առաքելական Սուրբ Եկեղեցին մեր ազգի ողնաշարն է, մի՛ փորձեք կոտրել այն»:

«Եթե անգամ լավագույն ռազմական ինքնաթիռները ունենանք, բայց մեջը նստած զինվորը Հայոց պատմությունը չիմանա` դա հավասրավելու է զրոյի» Գեներալ

«Դեռ առաջին պատերազմի ժամանակ բոլոր գերտերությունների ցանկությունն այն էր, որ Ադրբեջանը գրավի Ղարաբաղը: Եթե որեւէ մեկին թվում է, որ այն ժամանակ որեւէ մեկը այլ մտադրություն ուներ` չարաչար սխալվում է: Նույնը եղավ 1916թվականին, վերջիններս մտածում էին, որ ժողովուրդը հուսահատ եւ բարոյալքված վիճակում է եւ ոտքի կանգնել այլեւս ի վիճակի չի, եւ ըստ այդմ էլ խնդիր չկա պաշտպնվելու: Բայց նրանք լավ չէին հասկացել այն, որ եթե մի ազգ ուզում է պաշտպանվել` հնարավոր չէ նրան հաղթել: Դա տիեզերական օրենք է ու կապ չունի ինքը թվով փոքր է՞, թե՞ մեծ: Իսկ Ադրբեջանը շատ լավ գիտի, որ հաղթանակը մեր ուղեղների մեջ է, գիտի, որ մենք վախ չունենք` ինչքան էլ, որ հակառակորդը զինված է»,- «Իրավունքի» հետ զրույցում անդրադառնալով Ղարաբաղի շուրջ վերջին շրջանում հնչող տարատեսակ հայտարարություններին, ասաց է Լեռնային Ղարաբաղի ինքնապաշտպանության ուժերի առաջին հրամանատար, Ղարաբաղյան պատերազմի վետերանների միության նախագահ, գեներալ Արկադի Կարապետյանը՝ առավել հայտնի, որպես Ագո` ընդգծելով.

- Հիմա, ինչ վերաբերում է գերտերությունների շահերի բախմանը` ես հետեւյալը կարող եմ ասել. 3-րդ համաշխարհային պատերազմը վաղուց է սկսվել` հետո ինչ-որ չեն բարձաձայնում: Էդ մենք ենք, որ գլուխներս կոխել ենք ավազի մեջ, ու ոչինչ չենք ուզում տեսնել, այն ինչ 3-րդ համաշխարհային պատերազմը սկսված է եւ ոչ մի երկիր պատերազմից չի կարողանալու խուսափել մոտ ապագայում: Դրա համար ես մեր ազգին ամենակարեւորը լրջություն եմ ցանկանում, որ կարողանան հասկանալ, թե ինչ կատարվում աշխարհում եւ այնքան չվախենան, որ չուզենան տեսնել իրականությունը:
Այսօր, ցավոք սրտի մեզ մոտ փորձ է արվում որոշ մարդկանց կողմից մոռացության տալ մեր պատմությունը, պատմության դասերը` չգիտակցելով, որ եթե անգամ գերժամանակից զենքեր գնենք, լավագույն ռազմական ինքնաթիռները ունենք, բայց ինքնաթիռի մեջ նստած զինվորը Հայոց պատմությունը չիմանա` դա հավասրավելու է զրոյի

Հ.Գ. Գեներալ Արկադի Կարապետյանի հետ մեր զրույցի առավել ուշագրավ հատվածները կարդացեք «Իրավունքի» առաջիկա տպագիր համարում:

ԻԼՈՆԱ ԱԶԱՐՅԱՆ

Գլխավոր դատախազությունը ընթացք է տվել ՔՊ-ականների կողմից գումար տալու մասին հրապարակումներին

Հայաստանի գլխավոր դատախազությունը արձագանքել է մամուլում հրապարակված տեղեկություններին, թե որոշ ՔՊ-ական թեկնածուներ գումարներ են տալիս համայնքապետերին՝ ընտրություններում իրենց օգնելու համար։

«Նախօրեին մի քանի լրատվամիջոցներ, հղում կատարելով «Ժամանակ» թերթի համապատասխան հրապարակումը, տեղեկատվություն էին հրապարակել այն մասին, որ վերջինիս ունեցած տեղեկություններով «Քաղաքացիական պայմանագիր» կուսակցության անդամ՝ Ազգային Ժողովի ընտրություններում պատգամավորի թեկնածու առաջադրված որոշ անձինք գումարներ են տալիս համայնքապետերին, որպեսզի վերջիններս իրենց համար ձայներ ապահովեն, և իրենք առաջ անցնեն ՔՊ-ի իրենց մրցակիցներից:

ՀՀ Ազգային Ժողովի արտահերթ ընտրությունների նախապատրաստման և անցկացման ընթացքում հնարավոր ընտրական իրավախախտումների վերաբերյալ հրապարակումները, քաղաքացիների հաղորդումները և ահազանգերը գրանցելու և հաշվառելու, հաղորդումների հիման վրա նախապատրաստվող նյութերի ու հարուցված քրեական գործերի նախաքննության նկատմամբ դատախազական հսկողության արդյունավետությունը բարձրացնելու նպատակով դատախազությունում ստեղծված աշխատանքային խմբի շրջանակներում իրականացվող ԶԼՄ-ների մոնիթորինգի արդյունքում արձանագրված սույն հրապարակումները ՀՀ գլխավոր դատախազությունից ուղարկվել են ՀՀ ոստիկանության քրեական հետախուզության գլխավոր վարչություն՝ դրանցում նշված հանգամանքների ստուգման նպատակով ստուգողական գործողություններ կատարելու հանձնարարությամբ», -տեղեկացնում է Գլխավոր դատախազի խորհրդական Գոռ Աբրահամյանը։: