Ո՞ւմ մտերիմ բարեկամն է արտաքին գործերի նորանշանակ նախարարը

Ինչպես ավելի վաղ տեղեկացանք, Արա Այվազյանը նշանակվել է արտաքին գործերի նախարար:

ՀՀ նախագահ Արմեն Սարգսյանի հրամանագրով Արա Այվազյանը նշանակվել է արտաքին գործերի նախարար:

«Հիմք ընդունելով վարչապետի առաջարկությունը` համաձայն Սահմանադրության 131-րդ հոդվածի, ինչպես նաև «Կառավարության կառուցվածքի և գործունեության մասին» օրենքի 5-րդ հոդվածի 1-ին մասի.

Արա ԱՅՎԱԶՅԱՆԻՆ նշանակել արտաքին գործերի նախարար.,-ասված է հարամանագրում:

Նշենք, որ այս տարվա հոկտեմբերի 14-ին Արա Այվազյանը նշանակվել էր արտաքին գործերի նախարարի տեղակալ:

 Արա Այվազյանը ծնվել է 1969 թվականի մարտի 30-ին Երեւանում, 1993 թվականին ավարտել է ԵՊՀ արեւելագիտության ֆակուլտետի արաբական բաժինը:

 ԱԳՆ համակարգում աշխատում է 1994 թվականից:

 2016-2020 թթ. եղել է Հայաստանի դեսպանը Մեքսիկայում, 2011-2016թթ․՝ Հայաստանի դեսպանը Լիտվայում:

 Ունի արտակարգ եւ լիազոր դեսպանի դիվանագիտական աստիճան։

 Ամուսնացած է, ունի մեկ որդի:

Մեր տեղեկություններով, Արա Այվազյանը ԿԳՄՍ նախարար Արայիկ Հարությունյանի մտերիմ ընկերն է:

Մեր աղբյուրի խոսքով, Արա Այվազյանն ու Արայիկ Հարությունյանը շատ վաղուց է, ինչ մտերիմ հարաբերությունների մեջ են:

Հայկ Գևորգյան