Կամք-ականները Արայիկի հրաժարականը պահանջեցին ոչ թե վարչապետից, այլ՝ Սորոսի գրասենյակից (Տեսանյութ)
ՏեսանյութերՀՀ ԿԳՄՍ նախարար Արայիկ Հարությունյանի հրաժարականը պահանջող Ազգային արժեքների պաշտպանության «ԿԱՄՔ» հասարակական նախաձեռնության անդամները այսօր կայացած հանրահավաքից հետո` որոշեցին նաեւ քայլերթ իրականացնել` դեպի Սորոսի «Բաց հասարակություն-հիմնադրամներ» գրասենյակի դիմաց եւ գրասենյակի գործադիր տնօրենից պահանջել հեռացնել Արայիկ Հարությունյանին: Ինչպես նշեց նախաձեռնության հիմնադիր ՎԱՀԱԳՆ ՉԱԽԱԼՅԱՆԸ. «Գնում ենք Արայիկի տիրոջ մոտ, որ նրան հեռացնի մեր կրթության համակարգից: Մեր կրթական համակարգն այլասերման արոտավայր չէ»:
Ի դեպ, ԿԱՄՔ-ականները տեղեկացրին, որ հաջորդ հանրահավաքը տեղի կունենա ուղիղ տասը օրից` սեպտեմբերի 17-ին, ժամը` 18:00-ին, կրկին ԿԳՄՍ նախարարության դիմաց:
ՀՐԱՆՏ ՍԱՐԱՖՅԱՆ