Չկա քաղաքական դիվիդենտներ հավաքելու, այլ կա ազգային շահի խնդիր. Արագած Ախոյան

Իշխանության վարած քաղաքականությունից դժգոհ քաղաքական ուժերն ու նախաձեռնությունները զարմանալիորեն որոշեցին հանրահավաքների շարքը սկսել ոչ թե միասնական ճակատով, այլ` առանձին-առանձին: Մինչդեռ բոլորի հանրահավաքների բովանդակությունը գրեթե նույնանման է, բողոքները ոլորտ առ ոլորտ էլի նույնն են, իսկ թե ինչն է խանգարում այս կամ այն ուժին «ամբիցիաները» դնել մի կողմ ու համախմբվել` մեկ օրակարգի շուրջ, «Իրավունքը» պարզեց ԱԺ նախկին պատգամավոր, «Վերադարձ» հիմնադրամի նախագահ ԱՐԱԳԱԾ ԱԽՈՅԱՆԻ տեսակետը:

– Ցավոք, ցանկացած քաղաքական ուժի թվում է, թե այս իրավիճակը պիտի օգնի իրեն քաղաքական դիվիդենտներ հավաքելու համար: Բայց այստեղ չկա քաղաքական դիվիդենտներ հավաքելու, այլ կա ազգային շահի խնդիր, որը չի սպասարկելու որեւիցե մի քաղաքական ուժի: Այս առումով խնդրեմ, մենք բացել ենք դարպասը, թող մտահոգ մարդիկ համենան եւ համախմբվենք: Ի՞նչ կապ ունի` ես եմ գնում Պողոսի մոտ, թե Պողոսն է գալիս, մենք մեծամիտ չենք, մենք կգնանք, բայց եթե զգանք, որ սա չի սպասարկելու որեւիցե քաղաքական ուժի ուղղակի դիվիդենտներ հավաքելու գործին: Թող գան իրենց ներկայացուցիրչները, նստենք, այս հարցը լուծենք: Այսօր մեր օրակարգի հարցը ԿԳՄՍ նախարարի հրաժարականն է, որեւիցե այլ պահանջ չունենք: Բայց եթե այս վիճակը խորացավ, եթե խելք չունեցան մի օր շուտ այս պահանջը կյանքի կոչել, բնականաբար, ուրիշ պահանջներ են ի հայտ գալու, որովհետեւ ժողովրդի համբերության բաժակը լցվել է:

ՀՐԱՆՏ ՍԱՐԱՖՅԱՆ

Այս թեմայով Հայր եւ որդի պատրաստվում են ընտրությունների ՔՊ-ում ահաբեկված են Հայկական ֆիլմերի թվայնացումն ու վերականգնումը մեր օրերում Սամվելի խոշտանգումը Նիկոլի վերջի սկիզբն է. Վահագն Չախալյան Սկսում ենք Նիկոլին հանձնման, եթե կուզեք՝ զիջման կամ փոխզիջման գործընթաց. Արման Մխիթարյան