Կամուֆլյաժի տակ շոուներ անելը ճիշտ չեմ ընդունում. Ռուստամ Գասպարյան
ՆորություններՀՀ վարչապետ Նիկոլ Փաշինյանի կինը` Աննա Հակոբյանը, որը ժամանակին զենքերը «ձուլելու ու զարդեր պատրաստելու» առաջարկով էր հանդես եկել, թշնամուն Ստեփանակերտում թեյ խմելու էր հրավիրել եւ հայ զինվորներին «հանուն ոչնչի զոհված» էր համարել, օրերս ո՛չ ավել, ո՛չ պակաս տարբեր դիրքերով կամուֆլյաժով ֆոտոսեսիա է արել: Եթե ժամանակին բուռն արձագանք էր գտնում այն, որ բանակից թռած պաշտոնյաներն են զինվորական համազգեստով հանդես գալիս, ապա այսօր, փաստորեն, հերթը հասել է պաշտոնյաների կանանց: Թե ինչպես է այս ամենին վերաբերվում «Սեւ Հովազ» ջոկատի հրամանատար, ազատամարտիկների «Սեւ Հովազ» ՀԿ նախագահ, ԱԺ նախկին պատգամավոր ՌՈՒՍՏԱՄ ԳԱՍՊԱՐՅԱՆԸ, «Իրավունքը» պարզեց նրանից.
– Երեւի, Աննա Հակոբյանն Ալիեւի կնոջ աչքն է այս ձեւով ուզում վախեցնել, թե ինքը էլ է արդեն պատրաստվում: Ամեն դեպքում, չի կարելի, կամուֆլյաժի տակ շոուներ անելը ճիշտ չեմ ընդունում ու ոչ միայն ես, այլ` շատերը:
ՀՐԱՆՏ ՍԱՐԱՖՅԱՆ
Հ.Գ.- «Սեւ Հովազ» ջոկատի հրամանատարի հարցազրույցը կարդացե՛ք «Իրավունք» թերթի առաջիկա տպագիր համարում: