«Օրակարգի առաջնահերթ խնդիրը կայանում է օդափոխության համակարգի բնականոն աշխատանքն ապահովելու մեջ» ՄԻԼԵՆԱ ՔԻՐԱՄԻՋՅԱՆ
Մշակութային«Իրավունք» թերթը ցանկանալով անդրադառնալ պատկերասրահի գործունեությանը և գեղանկարիչ Սուրենյանցի 160-ամյակին, արդյո՞ք տոնելու են, թե` ոչ, փորձեց հարցազրույց վերցնել Հայաստանի ազգային պատկերասրահի տնօրինությունից:
Մեր հարցերին պատասխանել է Հայաստանի ազգային պատկերասրահի մամուլի քարտուղար` ՄԻԼԵՆԱ ՔԻՐԱՄԻՋՅԱՆԸ:
-Համավարակի այս օրերն ինչպե՞ս անցկացրեցիք:
-Ինչպես հայտնի է, համավարակով պայմանավորված արտակարգ դրության պայմաններում Ազգային Պատկերասրահը փակ էր այցելուների համար:
Օգոստոսի 20-ից պարետի որոշման համաձայն ՀԱՊ-ը վերսկսեց իր գործունեությունը` պահպանելով սահմանված բոլոր հակահամաճարակային կանոնները:
Մինչ Պատկերասրահի բացումը տարվել էին նախապարաստական բեղուն աշխատանքներ կապված սոցիալական հեռավորություն պահպանելու մասին գծանշումների, ախտահանիչ միջոցների և այլ հակահամաճարակային պայմանների ապահովման հետ:
-ՀԱՅԱՍՏԱՆԻ ԱԶԳԱՅԻՆ ՊԱՏԿԵՐԱՍՐԱՀՆ այսօր ի՞նչ խնդիրներ ունի:
-Մեր օրակարգի առաջնահերթ խնդիրը կայանում է օդափոխության համակարգի բնականոն աշխատանքն ապահովելու մեջ: Խնդրի լուծմանն ուղղված աշխատանքներն արդեն ընթացքի մեջ են:
-Ռեստավրացիայի հետ կապված կա՞ն խնդիրներ:
Ռեստավրացիոն աշխատանքները կատարվում են մշտապես: Աշխատակիցների կողմից ցուցաբերվում է բացառապես պրոֆեսիոնալ մոտեցում, ինչի շնորհիվ պարբերաբար վերականգնման են ենթարկվում ազգային պատկերասրահի հավաքածուին պատկանող այն ցուցանմուշները, որոնք ունեն ռեստավրացիայի կարիք:
-Ցուցադրությունների նախապատրաստվո՞ւմ եք:
-Այո, կան բազմաթիվ նախագծեր և ծրագրեր, որոնց մասին շուտով կլինեն համապատասխան հայտարարություններ:
-Այս տարի Սուրենյանցի 160ամյակին նվիրված միջոցառումներ կազմակերպելո՞ւ եք:
Եթե ոչ, ապա ինչո՞ւ:
-Ինչպես նշեցիքն վերևում, Պատկերասրահում պլանավորվում է իրականացնել օդափոխության համակարգի վերանորոգման աշխատանքներ, որոնք կմեկնարկեն մեկ ամսից:
Պայմանավորված այս հանգամանքով` պլանավորված միջոցառումների իրականացումը հետաձգվել է մինչ մյուս տարի:
-Պատկերասրահի բացվելուց հետո շա՞տ են այցելուները:
-Օգոստոսի 20-ից սկսած վերաբացվեց ոչ միայն Ազգային պատկերասրահի մշտական ցուցադրությունը, այլ նաև "Դալի և Պիկասոե ցուցահանդեսը: Այն մեկնարկել էր մարտի 7-ին, սակայն կորոնավիրուսային համաճարակով պայմանավորված` կասեցվել էր:
Ցուցահանդեսը ներառում էր Սալվադոր Դալիի և Պաբլո Պիկասոյի 260 ստեղծագործություն (քանդակ, գրաֆիկա, խեցեղեն))` «Искусство Наций» հիմնադրամի նախագահ, մեկենաս և հավաքորդ Ալեքսանդր Շադրինի մասնավոր հավաքածուից:
Ցուցադրության մոտ երկու շաբաթների ընթացքում (20.08-31.08) հայ արվեստասերները ցուցաբերեցին բացառիկ ակտիվություն և հետաքրքրություն, ինչի մասին վկայում էին Պատկերասրահի մուտքի մոտ կուտակված բազմամարդ հերթերը: Մոտ 10000 այցելուներ հնարավորություն ունեցան տեսնել իսպանացի երկու հանճարների բացառիկ աշխատանքները: Եվ ինչպե՞ս եք կազմակերպումը այցելուների այցը թանգարան: Թանգարանում այցելությունները կազմակերպվում են ՀՀ պարետի համար 253 հրամանում սահմանված բոլոր հակահամաճարակային կանոնների պահպանման պայմաններում: Դիմակի կրումը և ջերմաչափումն այցի պարտադիր նախապայմաններն են: Սրահներում առկա են սոցիալական հեռավորություն պահպանելու հորդորով գծանշումներ: ՀԱՊ աշխատակիցների կողմից վերահսկվում է նաև սրահներում գտնվող այցելուների թույլատրելի քանակի պահպանումը:
-Վերջին ժամանակներում շատ է խոսվում, որ ստեղծագործական
միությունները Սովետից մնացած չաշխատող կառույցներ են ի՞նչ կասեք այդ մասին :
-Հայ արվեստասեր հասարակության ցուցաբերած ակտիվությունը վկայում է, որ նման պնդումը ժամանակավրեպ է: Սա կարծրատիպ է, որը վաղուց արդեն հերքվել է և չի համապատասխանում իրականությանը:
-Եվ վերջում, ի՞նչ ծրագրեր ունեք:
Ինչպես նշեցինք նախորդ պատասխաններում, մենք ունենք որոշ ծրագրեր: Կարծում ենք, Ազգային Պատկերասրահը իր գալիք նախագծերով լիովին կհագեցնի հայ արվեստասեր հանրության այս ընթացքում գոյացած մշակութային քաղցը:
Նունե Զաքարյան