ՍԴ-ի մասին սերիայի երկրորդ սեզոնը խիստ հետաքրքիր է լինելու. Ռոբերտ Մարգարյան

ՄոտապագայումՍԴերեքնորդատավորներիընտրությամբներկայացվելուէթավշյաիշխանություններիբեմադրածուամիսներշարունակուշադրությանկիզակետումհայտնվածսերիայիվերջինէպիզոդը: Այս մասին նշում է քաղաքագետ, իրավաբան ՌՈԲԵՐՏ ՄԱՐԳԱՐՅԱՆԸ եւ մանրամասնում. «Սակայն ինչպես արդեն պարզ է դառնում պատմությունը դրանով չի ավարտվելու եւ սերիան ունենալու է առնվազն մեկ այլ սեզոն: Երեկ տեղեկություն տարածվեց այն մասին, որ ՍԴ չորս դատավորներ իրենց իրավունքները վերականգնելու են ՄԻԵԴ-ում, որի կապակցությամբ գանգատն արդեն ներկայացվել է: Սերիայի երկրորդ սեզոնում իրադարձությունների զարգացման մասին կարելի է որոշ գուշակություններ կատարել: Սեզոնի թեման անկասկած լինելու է թավշյա իշխանությունների եփած «աջաբսանդալի» կարգավորումը, իհարկե, ինչպես միշտ օրենքի ու սահմանադրության շրջանցմամբ: Այս պահին կարելի է պատկերացնել նոր սեզոնի սցենարում իրադարձությունների զարգացման մի քանի տարբերակ:

Ա. ՄԻԵԴ-ը քննում է ՍԴ դատավորների գանգատը: Ենթադրենք որ ՄԻԵԴ-ը բավարարում է ներկայացված գանգատը եւ վճիռ է կայացնում հիշյալ դատավորների լիազորությունների վերականգնման օգտին: ՄԻԵԴ-ի որոշումը գործադրելու համար պիտի դադարեցվեն նորընտիր դատավորների լիազորությունները: Բայց դա օրենքով անթույլատրելի է, քանի որ խախտելու է դատավորների անձեռնմխելիությունը: Նորընտիր դատավորների լիազորությունների դադարեցումը պիտի լինի կամավոր: Իսկ եթե նրանք նման կամք չդրսեւորե՞ն:

Բ. ՄԻԵԴ-ը մերժում է դատավորների բողոքը եւ որեւէ խնդիր չի տեսնում ԱԺ-ի ընդունած օրենքում, սակայն նկատում է, որ օրենքը տրամաբանորեն չի կարող տարածվել դատավոր Ալվինա Գյուլումյանի պարագային եւ վճիռ է կայացնում նրա լիազորությունների վերականգնման օգտին: Նորընտիր դատավորներից մեկը պիտի հրաժեշտ տա իր աթոռին: Բայց՝ ո՞վ։ Չէ որ չկա հստակ ձեւաչափ որոշելու, թե նորընտիր դատավորներից ո՞րն է զբաղեցրել մասնավորապես դատավոր Ալվինա Գյուլումյանի աթոռը: Ինչպես նախորդ տարբերակում այս դեպքում էլ դատավորներից մեկը պիտի կամավոր կերպով հրաժարվի իր աթոռից: Իսկ եթե դատավորներից որեւէ մեկը պատրաստ չլինի դա կատարե՞լ:

Իհարկե հնարավոր է նաեւ երրորդ մի տարբերակ: ՄԻԵԴ-ն ամբողջությամբ մերժում է ՍԴ չորս դատավորների գանգատը: Այդ դեպքում սերիայի երկրորդ սեզոնը շատ արագ հասնելու է ավարտին եւ ընդունենք, որ հակառակ նախորդ սեզոնին լինելու է խիստ ձանձրալի ու, միեւնույն ժամանակ, հիասթափեցնող»:

Այս թեմայով Գիտեինք մեր թշնամին ով էր, բայց չէինք հասկանում՝ ստորգետնյա թշնամին ով է. Միքայել Մարգարյան Մենք շատ պաթետիկ հույսեր չպետք է կապենք Իրանի հետ. Արա Պողոսյան Ո՞ւմ պատվիրով եւ ո՞ւր են տանում ՌԴ-ին հիմնական թշնամի համարող իշխանությունները եւ նմանատիպ հռետորաբանությամբ հանդես եկող «ընդդիմությունը». Ադամյան Հայաստանն Արեւմուտք-Ռուսաստան հակամարտության համատեքստում. նոյեմբերի 9-ը եւ դրանից հետո, ինչո՞ւ եւ ի՞նչ եղավ Արցախում Լեւոն Քոչարյանը ձերբակալվեց