«Հրապարակ». «Իմ քայլում» հավաքել են մարզային պատգամավորներին և հանձնարարական տվել

«Նախօրեին «Իմ քայլը» խմբակցությունը նիստ է արել, բայց հրավիրված են եղել միայն մարզային պատգամավորները, այսինքն՝ նրանք, ովքեր խորհրդարան են անցել ռեյտինգային ցուցակներով։

Նիստը վարել է խմբակցության ղեկավար Լիլիթ Մակունցը։ Պատգամավորներին հանձնարարվել է ակտիվացնել տեղի բնակչության հետ շփումները, որոնք գրեթե դադարեցվել էին կորոնավիրուսի պատճառով, փորձել հասկանալ, թե ինչ խնդիրներ ունեն մարդիկ, դրանք ներկայացնել պատկան մարմիններին և հետևողական լինել դրանց լուծման հարցում։
Առաջիկայում մի շարք համայնքներում ՏԻՄ ընտրություններ են լինելու, և իշխող ուժը քննարկել է դրանց մասնակցության հարցը, պատգամավորներին ասել են՝ մրցունակ թեկնածուներ աչքի տակ առնել, որպեսզի կուսակցությունը քննարկի նրանց առաջադրման հարցը։
Այս օրերին մարզային ակտիվ այցելությունների, աջակիցների և գործընկեր ուժերի հետ հանդիպումների մեջ են նաև ընդդիմադիր կուսակցությունները․ իշխող ուժը որոշել է հակաքայլեր ձեռնարկել, մեղմել բնակչության դժգոհություններն ու լուծում տալ կուտակված խնդիրներին։ Ասվել է՝ թույլ մի տվեք, որ ընդդիմությունը դժգոհությունները գեներացնի և մեր դեմ օգտագործի։ Ի դեպ, ներկա են եղել ոչ բոլոր մարզային պատգամավորները»,-գրում է թերթը։
Նյութն ամբողջությամբ կարդացեք թերթի այսօրվա համարում:

Այս թեմայով Ոստիկանության կիրառված նռնակների պատճառով կան վիրավորներ Արցախյան ծանր գիշերվա «արդյունքն» ու անորոշությունը. ինչ ասաց եւ ինչ արեց Արայիկը Ծռերը որոշել են արձակուրդն անցկացնել Ազատության հրապարակո՞ւմ Փրկության կարիք ունի ոչ միայն Արցախը, այլեւ Հայաստանի հանրապետությունը. Մետաքսե Հակոբյան Ավինյանը մտադիր է սալիկապատել Ազատության հրապարակը