​​​​​​​Խալդի աստծո կերպարով հայ մոդելը դարձել է մամուլի ֆավորիտ եւ Mister glam Ambassador 2019-ը

Ֆիլիպիններում կայացավ «Mister Glam international 2019» գեղեցկության միջազգային մրցույթը, որտեղից Հայաստանը ներկայացնող ԷԴԳԱՐ ԿԱՐԱՊԵՏՅԱՆԸ  դատարկաձեռն չի վերադարձել: Մրցույթի մանրամասների, իր մրցանակի եւ Ամանորի տոնական ակնկալիքների մասին «Իրավունքը» զրուցեց հենց նրա հետ:

- Էդգար, Դուք մրցույթներից միշտ մրցանակներով եք վերադառնում: Այս անգամ ի՞նչ մրցանակների արժանացաք:

- Այս անգամ եւս ձեռնունայն չեմ վերադարձել: Արժանացել եմ Darling of the press տիտղոսին ՝մամուլի ֆավորիտ, նաեւ ճանաչվել եմ Mister Photogenik: Հայտնվելով լավագույն 6-յակի մեջ՝ ստացա Mister glam Ambassador տիտղոսը եւ շուտով  Ֆիլիպիների մամուլում կհրապարակվի թագադրությունը:

- Ի դեպ, Mister World Noble King հեղինակավոր մրցույթի թագադրման արարողության ժամանակ մրցույթի բացումը վստահված էր Ձեզ: Ինչպե՞ս սա որոշվեց:

- Որոշվել է՝ ըստ այբբենարանի դասակարգման:

- Որքա՞ն ժամանակ էիք պատրաստվել այս մրցույթին, թե՞ Դուք միշտ եք պատրաստ նման մրցույթների՝ նկատի ունեմ մարզական վիճակ, քիչ ուտել եւ այլն:

-  Մեկ տարի պատրաստվել եմ մրցույթին՝ հագուստների ընտրություն, ֆոտոսեսիաներ եւ, իհարկե, մարզումներ: Իսկ քիչ կամ շատ ուտելու խնդիր չունեմ:

- Դուք հանդես եկաք ազգային, դասական եւ լողափային հագուստներով: Ո՞ւմ էիք այս անգամ վստահել Ձեր արտաքին տեսքն ու հագուստները:

- Ազգային հագուստը տրամադրել էր «Տերյան» մշակույթային կենտրոնը, իսկ դասական հագուստը մոդելավորվել է հենց ինձ համար, որի հեղինակն է Անուա Բաբաջանյանը: Նշեմ նաեւ, որ այն սովորական կոստյում չէ, ունի խորհրդանիշ:

- «Միսս տիեզերք 2019» գեղեցկության մրցույթի մեր մասնակցի ազգային հագուստը տեւական ժամանակ է, ինչ բուռն քննարկման առարկա էր դարձել: Ձեր ազգային հագուստն էլ, իհարկե, ճոխ էր, բայց դժվար է նմանեցնել հայկական տարազի: Ի՞նչ կասեք այս մասին:

- Ասեմ, որ դրանք շատ տհաճ խոսակցություներ են: Ոչ ոք իրավունք չունի  քննադատելու ո՛չ հայ մասնակցին եւ ո՛չ էլ դիզայներին: Իսկ այդ քննադատողները որտե՞ղ էին այն ժամանակ, երբ քննարկվում էր տարազի հարցը։ Ինչ վերաբերում է իմ ազգային հագուստին՝ ասեմ, որ ստացել էինք Վանի թագավորության գերագույն եւ ռազմի աստված Խալդինի կերպարը: Այն ոճավորված, զարդարված էր մետաղներով: Ասեղնագործված է ազգային զարդանախշերով եւ հայ ժողովրդի ինքնությունը արտահայտող կարատեսակներով:

- Ովքե՞ր էին Ձեր հիմնական մրցակիցները եւ ո՞ր երկրի ներկայացուցիչն արժանացավ գլխավոր մրցանակի:

- Գլխավոր մրցանակին արժանացել է Ինդոնեզիայի մասնակիցը: Բայց ինձ մրցակից ոչ մեկի չեմ համարել։

-Ովքե՞ր էին ժյուրիի կազմում եւ ինչպե՞ս էր տեղի ունենում քվեարկությունը:

- Քվեարկությունը տեղի է ունեցել ըստ փուլերի՝ անցել ենք տարբեր փորձություններ եւ յուրաքանչյուր փորձության համար՝ մասնակիցներն արժանացել են տիտղոսների։

- Ձեր կարծիքով՝ հաղթեց լավագո՞ւյնը, թե՞ ունեիք վերապահումներ:

- Եթե ժյուրին որոշել է,  որ Ինդոնեզիայի մասնակիցը պետք է  հաղթող ճանաչվեր, ուրեմն՝ դա էր ճիշտը:

- Ի՞նչ առավելություն կամ թերություն ունեն հայ տղամարդիկ, ի՞նչը կարող է օգնել կամ խանգարել նրանց հաջողության հասնել նման մրցույթներում:

- Միանշանակ շատ առավելություններ ունեն հայ տղամարդիկ, պարզապես, նրանց խանգարում է բարդույթավորված լինելը: Հաջողության հասնելու համար՝ ցանկություն է պետք եւ պայքարել:

- Բացի նոր տիտղոսներից, ի՞նչ տվեց Ձեզ այս մրցույթը:

- Նոր ծանոթություններ, նոր շրջապատ եւ, իհարկե, նոր առաջարկություններ:

-Ֆիլիպիններում մի քանի համարձակ ֆոտոշարքերի եք մասնակցել, բոլորն արդեն ներկայացվա՞ծ է համացանցում, թե՞ դեռ կլինեն նորությունների:

- Դեռ սպասեք նորություների:

-Որքանո՞վ է հեշտ կամ բարդ աշխատել արտասահմանյան լուսանկարիչների հետ եւ ի՞նչ ունենք մենք սովորելու նրանցից:

- Պրոֆեսիոնալ մոդելի համար ոչ մի բարդություն չի լինում, իսկ արտասահմանյան լուսանկարիչների համար շատ հեշտ էր ինձ հետ աշխատել: Չեմ կարող ասել, թե ինչ ունենք սովորելու, քանի որ Հայաստանում ես աշխատել եմ պրոֆեսիոնալ լուսանկարիչների հետ:

- Ինչ-որ հետաքրքիր, հիշարժան դեպքեր եղե՞լ են կուլիսներում, որոնք կարող եք բարձրաձայնել: Օրինակ, որպես կանոն, աղջիկների գեղեցկության մրցույթում՝ միշտ որեւէ մասնակից ընկնում է պոդիում վրա:

- Իսկապես, ինչպես աղջիկների գեղեցկության մրցույթների, այդպես էլ տղաների դեպքում լինում են նման կիքսեր: Նման դեպք եղավ Mister world nobl king մրցույթի ցուցադրություներից մեկի ժամանակ:

- 2019-ի թերեւս ամենաակտիվ մոդելներից եք եղել՝ կարելի՞ է համարել, որ նախորդ տարվանից գոհ եք:

- Շատ գոհ եմ: Ինձ համար 2019 թվականը հաջողություններով լի տարի էր:

- Ի՞նչ ակնկալիքներ ունեք Ձմեռ պապից եւ Առնետի տարուց:

- Ակնկալում եմ, որ 2020-ը նույնպես կլինի հաջողություններով լի տարի եւ ուզում եմ արիթից օգտվելով՝ շնորհակալություն հայտնել իմ Ազգային տնօրեն Յանա Գրիգորյանին, ընտանիքիս, որ եղել են ամեն րոպե եւ վայրկյան իմ կողքին  եւ իմ  մենեջեր Լիդա Կարապետյանին, որն օր ու գիշեր աշխատել է ինձ հետ: Շնորհավորում եմ բոլորի Ամանորը եւ Սուրբ Ծնունդը:  Թող 2020 թվականը լինի   նպատակների իրականացման տարի:

ՀՐԱՆՏ ՍԱՐԱՖՅԱՆ

Այս թեմայով Իրանը կարող է կետային հարված հասցնել Ադրբեջանին. Բաքվում հակաալիեւյան ընդվզման հզոր ալիքն իրական է Սամվել Վարդանյանը դատարանից գնաց տուն ՔՊ-ում ահաբեկված են Սամվել Վարդանյանի նկատմամբ տեղի ունեցածը ցնցել է իմ բանականությունը. Վահե Գրիգորյան Հույս մի ունեցեք, որ այս թեման մոռացվելու է, պետք է պատժվեն բոլոր մասնակիցները. Միքայել Գրիգորյան