Արդեն 4-րդ օրն է՝ «Սանիթեքը» հրաժարվում է աղբահանություն կատարել. Երևանի քաղաքապետարանը հիշեցնում է պատժամիջոցների մասին
Արխիվ 16-20«Սանիթեք» ընկերությունն, արդեն չորրորդ օրն է, առանց պատճառների մասին Երևանի քաղաքապետարանին գրավոր ծանուցելու հրաժարվում է կատարել աղբահանության իր պարտականությունը Երևանի ամբողջ տարածքում: Այս մասին հայտնում են Երևանի քաղաքապետարանից:
Հաղորդագրության մեջ ասվում է.
«Ընկերությունը, որը վերջին մի քանի ամիսների ընթացքում արդեն ի ցույց էր դրել իր պարտավորությունների կատարման անկարողությունը, վերջին օրերին համատարած կերպով, միայն իրեն հայտնի հանգամանքներով պայմանավորված, ամբողջությամբ ձախողում է աղբահանության գործընթացը։
Գործող օրենսդրությամբ և «Սանիտեքի» հետ կնքված պայմանագրերով քաղաքապետարանի ուղղակի պարտականությունն է՝ «Սանիտեքի» նկատմամբ պատժամիջոցների կիրառել պայմանագրային պարտավորությունների չկատարման համար, և քաղաքապետարանի կիրառած յուրաքանչյուր տուգանք հիմնված է փաստարկված և արձանագրված դեպքերի վրա:
Չկատարված, վատ կատարված աշխատանքի, չմատուցված, թերի մատուցված ծառայության համար Երևանի քաղաքապետարանի հետ պայմանագրային հարաբերությունների մեջ գտնվող ցանկացած տնտեսվարողի համար օրենսդրությամբ նախատեսված են անբարենպաստ իրավական հետևանքներ, այդ թվում՝ տուգանքների կիրառում, և այս առումով «Սանիտեքը» վստահաբար բացառություն չէ:
Անցած ամիսների ընթացքում քաղաքը աղբահանության կոլափսից կարողացել է խուսափել միայն «Երևանի աղբահանություն և սանիտարական մաքրում» համայնքային հիմնարկի 24-ժամյա աշխատանքի շնորհիվ, որի տեխնիկական ռեսուրսները և աշխատակազմը շարունակաբար համալրվում են: Այս պահին համայնքային հիմնարկը իր կարողությունների չափով կատարում է ամբողջ քաղաքի աղբահանությունը:
Երևանի քաղաքապետարանը ձեռնարկում է բոլոր հնարավոր միջոցները, մայրաքաղաքում աղբահանության խնդիրը արմատապես լուծելու համար՝ ի շահ Երևան քաղաքի և նրա բնակիչների, որոնք արդեն տևական ժամանակ է, տառապում են աղբահանության այս անընդունելի վիճակից:
«Սանիթեքի»՝ պայմանագրերով նախատեսված աշխատանքից հրաժարվելու վարքագիծը գնահատում ենք որպես պայմանագրային պարտավորությունների խախտման հերթական՝ ծայրահեղ դրսևորում, որը, անշուշտ, իր իրավական հետևանքները կունենա»:
Եկեղեցին պառակտելուց բացի մեկ մեկ հիշեք ձեր գործերի մասին 
Պարսից ծոցի ջրերը ներկվել են արնակարմիր գույնով, ինչպես եւ կանխատեսում էին աստվածաշնչյան մարգարեությունները Ահեղ դատաստանի օրվա մասին (Տեսանյութ) 
Միքայել Սրբազանին դեռ չեն վիրահատել 
Նազիկ Ավդալյան.Եթե երբևէ որոշում կայացնեմ մտնել քաղաքականություն, հասարակությունը դրա մասին կիմանաք ուղիղ ինձանից 
Թրամփը չհիշատակեց Վենեսուելյի դեմ պատերազմի մասին` ազգին ուղղված ուղերձում 
1
10845 դիտում
2
3172 դիտում
3
2876 դիտում
4
2559 դիտում
5
2467 դիտում
1
40285 դիտում
3
8965 դիտում
4
8125 դիտում
5
5024 դիտում
2
16383 դիտում
4
10520 դիտում
5
9901 դիտում
