«Ավտոբուսների, ինքնաթիռների վթարները գիշերնեն լինում. թռե՛ք ցերեկը. Ժիրինովսկի

Ռուսաստանի լիբերալ-դեմոկրատական կուսակցության առաջնորդ Վլադիմիր Ժիրինովսկին խորհուրդ է տվել ռուսներին խուսափել գիշերային ժամերին թռիչքներից։ Այդ մասին նա ասել է «Русская служба новостей» ռադիոկայանի եթերում:

«Ավտոբուսների բոլոր վթարները գիշերն են, ինքնաթիռներինը՝ գիշերը: Թռե՛ք ցերեկը… Մանավանդ ավտոբուսների դեպքում, երբ վարորդն արագություն է բացում և քնում»,- բացատրել է քաղաքական գործիչը:

Նրա խոսքով՝ ամենամեծ վտանգը ճանապարհներին է, քանի որ այնտեղ հանդիպակաց գոտի կա։

«Իսկ ինքնաթիռը կործանվել է, որովհետև նրան թույլ են տվել վայրէջք կատարել, դա չի կարելի անել»,- հավելել է Ժիրինովսկին:

Հիշեցնենք, որ Ռուսաստանի Դոնի Ռոստով քաղաքի օդանավակայանում այսօր՝ տեղի ժամանակով 03։50-ին, վթարի է ենթարկվել FlyDubai ավիաընկերությանը պատկանող Boeing 737-800 ուղևորատար ինքնաթիռը, ինչի հետևանքով զոհվել են բոլոր 55 ուղևորները և անձնակազմի 6 անդամները: Վթարը տեղի է ունեցել վայրէջքի ժամանակ, երբ ինքնաթիռը չի կարողացել վայրէջք կատարել թռիչքուղու վրա և ընկել է դրանից 50-100 մետր հեռավորության վրա, ինչի հետևանքով ինքնաթիռը մի քանի մասի է բաժանվել և հրդեհվել:

Ռուսաստանի Դաշնության Քննչական կոմիտեն նշել է Դոնի Ռոստովում ավիաաղետի հիմնական վարկածները` օդաչուի սխալ կամ տեխնիկական անսարքություն։

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝