ՋԻԳԱՐԽԱՆՅԱՆԻ ՀԱՄԱՐ ԴԵՌԵՎՍ ԴԺՎԱՐ Է ԹԱՏՐՈՆ ԳՆԱԼԸ
Արխիվ 16-20ԽՍՀՄ ժողովրդական արտիստ Արմեն Ջիգարխանյանի ընկեր Արթուր Սողոմոնյանի ֆեյսբուքյան գրառումից տեղեկանում են, որ Ջիգարխանյանը դեռ ապաքինման փուլում է: Լրագրողների հետ չի շփվում, ակտիվորեն զբաղվում Է վերականգնմամբ, ամեն օր, երբեմն ընկերների հետ դուրս է գալիս զբոսանքի: Թեպետ ժողովրդական արտիստն իրեն լավ է զգում, բայց Սողոմոնյանի փոխանցմամբ` Ջիգարխանյանի համար դեռեւս դժվար է թատրոն գնալը. «Բժիշկները խորհուրդ են տալիս նախ լիովին վերականգնվել, բայց մեր վարպետն իրեն լավ Է զգում, ինչպես ինքն Է ասում` «անձնագրային տվյալների համաձայն»: Ի դեպ, Արմեն Ջիգարխանյանի թատրոնն իր գեղարվեստական ղեկավարի անվան մրցանակ է սահմանել երիտասարդ դերասանների համար, եւ Ջիգարխանյանը պլանավորում Է անձամբ դիտել մրցանակի հավակնող աշխատանքները` լավագույններն ընտրելու համար»:
ԼԻԼԻԹ ԵՂԻԱԶԱՐՅԱՆ
