«Աբիժնիկների իշխանություն...». Մենուա Հարությունյան

«Երբ Կենտրոնի թաղապետ Վիտյան ասում ա, որ Օպերայի տարածքը պետք է սրբորեն պահպանել, ակամայից մոտս հարց ա առաջանում. ա՛յ ախպեր ջան, երբ էդ Օպերայի տարածքում կաֆեներ էին կառուցվում նաեւ քո քավորի եւ հորաքրոջ տղա Արթուր Ջանիբեկյանի կողմից, ինչո՞ւ դեմ չէիր , ավելին՝ ողջ օրը էդ կաֆեներում նստած էիր, թե՞ էն ժամանակ ուղղակի քավորդ իշխանություն ուներ եւ ձեռնտու չէ՞ր նրա հետ հակադրվելը...», - այս մասին նշում է քաղաքական մեկնաբան ՄԵՆՈՒԱ ՀԱՐՈՒԹՅՈՒՆՅԱՆԸ եւ ընդգծում. «Բազում մարդկանց գործազուրկ են դարձնում՝ ընդամենը անձնական վրեժխնդրության նպատակով եւ այն բանի համար, որ ապացուցեն թե իրենք շատ են սիրում Երեւանը... Երեւանը շատ եք սիրում, գնացեք Աբովյան փողոցի վրա գտնվող Ալեն-Էլենի (Ալեն Սիմոնյանի հետ կապ չունի) գռեհիկ շենքը քանդեք, որի պատճառով կողքը 100 միլիոն դոլարանոց ներդրումային ծրագիրն ուղղակի կասեցվել է: Երեւանը շատ եք սիրում՝ գնացեք լիֆտերը վերանորոգեք, որ մարդիկ անվտանգ տուն հասնեն, տրանսպորտը կարգավորեք, որ մարդիկ կռացած չերթեւեկեն, թե չէ անձնական վրեժխնդրությունով միայն քանդում եւ շոուներ եք անում, որի վերջը շատ վատ ա լինելու...»:

Եզրափակելով խոսքը՝ Մ. Հարությունյանը հարց է հղում. «Կարող ա՞ հաջորդ իշխանությունն էլ որոշի, որ Երեւանի միջով հոսող միակ գետի կողքերն էլ պետք է սրբորեն պահել, որպեսզի քաղաքացիները գետի ափին քայլելու հնարավորություն ունենան եւ ձեր ռեստորանները սկսի քանդել: Օպերայի շրջակայքի կաֆեները կամ բոլորը պետք է հիմնովին վերացնել, կամ թողնել այնպես ինչպես կա, հակառակ պարագայում տպավորություն է, որ մի մասը քանդում են, որ մյուսի կաֆեների գործն ավելի լավանա (կարող ա՞ մի մասից փող եք առել, որ մյուս մասը քանդեք)... Աբիժնիկների իշխանություն...»: